நீ ஹலோ சொல்லவில்லை என்றால்.... இன்று உலக ஹலோ தினம்.

தினம் தினம் ஒரு தினம். அதை அனுதினம் கொண்டாடுவதில் ஒரு சுகம். அந்த வகையில் இன்று ஹலோ தினம். அட எவ்வளவோ தினம் கொண்டாடிட்டோம் இதையும் கொண்டாடிலாம் என கொண்டாட இருப்பவர்களுக்கு இத்தினம் பற்றிய சுவாரஸ்யமும் தெரியட்டுமே. இந்த தினத்தின் பிறப்பு இறப்புகளின் இறுதியில் இருந்து ஆரம்பமாகி இருப்பது இன்னொரு சுவாரஷ்யம்.

எகிப்து-இஸ்ரேல் நாடுகளுக்கிரையில் இடம்பெற்ற போர் நிறைவுக்கு வரும் நேரம் (1973.11.21) இரு நாட்டு தலைவர்களும், அப்படைவீரர்களும், மக்களும் மட்டும் ஹலோ சொல்லி சமாதானம் ஆனால் போதாது உலகமே ஹலோ சொல்லி அமைதியாக இருக்கட்டுமென நினைத்தார்களோ என்னவோ அன்றுமுதல் ஹலோ தினம் உலகளாவிய ரீதியில் கொண்டாடப்பட்டு வருகிறது.

உலகம் முழுவதுமுள்ள நாடுகளில் கொண்டாடப்பட்டு வரும் ஹலோ தினத்தின் வயது 37. நிற்க நடக்க ஓட என மலிந்து போய் இருக்கும் தினக் கொண்டாட்டங்களுக்கு நடுவில் ஹலோ தினத்தின் சாரம் பாராட்டப்படக்கூடியதே. உலகமெங்கும் அமைதி நிலவ பாடுபடுவோம் என்னும் கருப்பொருளுக்கே வைக்கலாம் ஒரு சல்யூட்.

எல்லாம் சரி நாம கொண்டாடவேன்டாமா ? நான் ரெடி.....

ஹலோ

ஹலோ

ஹலோ

ஹலோ

ஹலோ

ஹலோ

ஹலோ

ஹலோ

ஹலோ

ஹலோ

என்ன பார்க்கிறிங்க பத்து தரம் சொல்லி நான் ஆரம்பித்து விட்டேன் கொண்டாட்டத்தை நீங்களும் கொண்டாடுங்கள். செலவில்லாமல் ஒரு அமைதிக்கான கொண்டாட்டம். பத்துப் பேருக்காவது ஹலோ சொல்லுங்கள்......

ஹலோ தினம் என்றவுடன் நினைவு வந்த பாடல்

நீ ஹலோ சொல்லவில்லை என்றால் ஒரு கிலோ எடை குறைவேன்........

பார்த்து சொல்லிடுங்க இல்லாட்டில் எடை குறைந்து குறைந்து ஒல்லிப்பிச்சான் ஆகமுதல்.......

ரொம்பநாளாக பதிவிடவில்லை. காரணம் என் பெரியப்பாவின் இழப்பு. இப்போது மீண்டும் வந்துவிட்டேன் இனி கலக்கல் தான். இந்த நேரத்தில் இறந்த செய்தி கேட்டு தொலைபேசி வாயிலாகவும் மூஞ்சிப் புத்தகம் வாயிலாகவும் இதர வழிகளிலும் ஆறுதல் கூறிய நண்பர்கள் நல்லுள்ளங்களுக்கும் என் திடீர் யாழ்ப்பான பயணம் செய்ய வியாபரங்களை தந்த நண்பர்களுக்கும் என் மனமார்ந்த நன்றிகள்.

இழப்புகள் இடிந்து போகவல்ல இதயத்திற்கு வாழ்க்கை பாடத்தை படிப்பிக்கவே.

Read More

நுளம்பு(கொசு) ஒழிப்பு தினம் இன்றாம்.

உலகத்தில எத்தனையோ விடயங்களுக்கு எத்தனையோ தினங்கள் கொண்டாடப்பட்டு வருகின்றன. பார்த்தால் வருடத்தில் அத்தனை நாட்களும் ஏதோ ஒரு விசேட தினமாக இருந்து கொண்டே இருக்கும் அப்படி ஒரு நாள் தான் இன்று. கொசுக்களை ஒழிக்கும் தினம்(நான் எந்த கொசுபோல இருக்கும் மனிதர்களையும் சொல்லவில்லை.)

டெங்கு,மலேரியா,சிக்குன்குனியா போன்ற பாரிய நோய்களின் தோற்றத்தில் கொசுக்களின் பங்கு அளப்பரியது. இதனால் உலகின் பல பகுதிகளில் பல உயிர்கள் அழிந்து கொண்டே போகின்றன. என்னதான் காலம் காலமாக இந்த நோயை கட்டுப்படுத்த முயற்சி எடுத்தாலும் வேறு ஏதோ வடிவிலாவது மனித உயிரை பறிக்கும் நோய் இன்னும் புதிதாக பிறந்துகொண்டேதான் இருக்கின்றது.

1897ஆம் ஆண்டு மலேரியா நோய் பரவக்காரணமான நுளம்புகளிடம் இருந்து தீர்வு காண அதே ஆண்டின் இதே தினத்தில் பிரிட்டனை சேர்ந்த வைத்தியர் ரொனால்டு ரோஸ் என்பவர் இதற்கான மருந்தினை கண்டு பிடித்தார். அதை நினவு கூறும் முகமாக இன்றைய தினம் இப்படிக்கொண்டாடப்பட்டு வருகின்றது.

இன்று வரை இந்த நோயின் தாக்கும் குறையவுமில்லை இழப்புகள் குறையவுமில்லை. இந்த நாளில் எங்கள் சுற்று சூழலை சுத்தமாக்கி நுளம்புகளை அழித்து மனித வாழ்வின் மகத்துவத்தை இறுதிவரை ரசித்து வாழக்கூடிய ஒரு சூழலை எமது அடுத்த சந்ததிக்காவது வழங்குவோம்.

Read More