பல இடங்களில் பலவகையான மசாஜ்கள் இருக்கின்றன. அதில் ஒரு வகையாக இப்போது பாம்பைக்கொண்டு மசாஜ் செய்யும் பழக்கம் இஸ்ரேல் நாட்டில் பிரபலமாகி வருகின்றது.(அட நிஜமாங்க பயப்படாமல் படிச்சு பாருங்க.)
வடக்கு இஸ்ரேல் பகுதியில் இருக்கும் அடாபராக் என்பவர்தான் பாம்புகளை கொண்டு மசாஜ் செய்யும் முறையை அறிமுகப்படுத்தி உள்ளார்.(அழகிய பெண்கள் செய்துவந்த கலை இப்போ பாம்புகளிடம்....... யாரும் பெண்பாம்புதான் வேணும் என அடம்பிடிக்கலையோ?)
பாம்பு மூலம் மசாஜ் செய்யவிரும்புவோருக்கு தலா ஆறு பாம்புகளை அவர்களின் முதுகில் ஊர்ந்து செல்லச் செய்து மசாஜ் செய்கின்றார் இவர். உங்களுக்கு தில் இருந்தால் எவ்வளவு நேரமானாலும் இந்த மசாஜ் செய்யலாம். மசாஜ் செய்யும் நேரத்தின் அளவு உங்கள் கைகளில். அதேபோல கட்டணமும் உங்கள் நேரத்தை பொறுத்து அதிகமாக வசூலிக்கப்படுகின்றதாம்.
பாம்புக்கு விஷம் இருக்குமா என சந்தேகப்படுபவர்களுக்கு தெளிவான பதில் அமெரிக்காவின் கலிபோர்னியா,புளோரிடா பகுதிகளில் இருந்து கொண்டுவரப்படும் விஷமற்ற கிங், சோளப், பால் வகைப்பாம்புகள் தானாம் இதற்காக பயன்படுகின்றனவாம். இஸ்ரேலில் மட்டுமே இப்போது இருக்கும் இந்த மசாஜ் உடனடியாக உங்களுக்கு வேண்டுமேநடால் இஸ்ரேல் போங்கள் இல்லையோ இன்னும் காத்திருங்கள் நம் நாட்டுக்கும் வந்தாலும் ஆச்சரியமில்லை.
