விஜய் திருந்துவாரா? காவல்காரன் சொல்லும் பதில்.

Read More

காவல்காரன் அறிமுகப்பாடல் + எனக்காக மசாலாத்தனம் வேண்டாம்-விஜய்.

எத்தனை தமிழ் படம் வந்தாலும் இந்த மாஸ் ஹீரோக்கள் மாறப்போவதில்லை. சுராவை தொடர்ந்து விஜய் நடிக்க இருக்கும் காவல்காரன் திரைப்படத்திலும் தத்துவம் பொங்கும் அறிமுகப்பாடலோடு அறிமுகமாக இருக்கின்றாராம் விஜய். சுராவிலேயே வெற்றிக்கொடி ஏத்து பாடலில் கொஞ்சம் சுயபுராணம் குறைந்திருந்தது. இதன் தொடர்ச்சி இப்போது காவல்காரனில் நன்றாக பரிணமித்திருக்கின்றது.

மண்ணைக் காப்பான் ஒருவன் விண்ணைக்காப்பான் ஒருவன் என்னை உன்னை காக்கும் அவனே அவனே இறைவன்...... என்று ஆரம்பிக்கும் பாடலே விஜயின் அறிமுகப்பாடலாகின்றது. தன்னை பற்றி பாடாமல் இறைவனைப்பற்றியும் தன் கதாபாத்திரம் பற்றியும் விஜயின் பாடல்கள் வர ஆரம்பித்திருப்பது நல்ல மாற்றமாக தென்படுகின்றது. அண்மையில் இந்தப்பாடல் படமாக்கப்பட்டுள்ளது. விஜயுடன் பல நடனக்கலைஞர்களும் ஆட அசினும் படப்பிடிப்பில் இருந்ததாக சொல்லப்படுகின்றது.

இவை எல்லாவற்றையும் தூக்கி சாப்பிடும் படி இருக்கின்றது விஜயின் அண்மைய அறிவித்தல் ஒன்று. 3 இடியட்ஸ் திரைப்படத்தில் விஜய் நடிப்பது உறுதியாகி இருக்கும் நிலையில் அவருடன் ஜீவா நடிப்பதும் ஓரளவு உறுதிப்படுத்தப்பட்டுள்ளது. அடுத்தவர் உதயநிதியா அல்லது வேறு யாருமா விரைவில் தெரிந்து விடும். இந்த நிலையில் முதலில் இயக்குனர்களை விஜயே தெரிவு செய்ய முற்பட்டதாக செய்திகள் வெளியாகின. தேடிக்களைத்து விட்டாரோ என்னவோ. இப்போது நீங்களே இயக்குனரை சொல்லுங்கள் என ஜெமினி நிறுவனம்(தயாரிப்பாளர்கள்) சொல்லியும் வேண்டாம் நீங்களே தெரிவு செய்யுங்கள் என்றுவிட்டாராம் .

முக்கியமான ஒருவிடயம் இந்த படத்தில் எனக்காக எந்த மசாலாத்தனமான வேலையும் செய்யவேண்டாம். என்று கண்டிப்பாக சொல்லிவிட்டார். குருவி, வில்லு நேரம் விஜயை பார்த்தால் ஏனோ தூங்கு மூஞ்சி போல இருந்தது இப்போது சுறா ஆடியோ ரிலீசில் கொஞ்சம் தெளிவு தெரிகின்றது. திருந்திவிட்டார் போல தெரிகின்றது. வசீகரா சச்சின் போன்ற இயல்பான நடிப்பில் வரும் படங்கள் விஜயிடம் இருந்து வரும் என எதிர்பார்க்கலாம். 3 இடியட்சை விஜய் தன மசாலத்தனத்தால் நாசமாக்கி விடுவார் என்றவர்கள் வாயை இப்போது அடைத்திருக்கின்றார். மிகுதி எப்போதோ?

Read More