பதிவுலக அவன் இவன் எவனுக்கும்....ஆதங்க பதிவு

பதிவுலக நண்பர்களே! எதிரிகளே! (இப்பெல்லாம் இவங்களும் இருக்காங்க)

எல்லோருக்கும் ஒரு முக்கியமான விஷயம். இது புதுசில்லை. கடந்த சில ஆண்டுகளாக பதிவுலகில் நடக்கும் ஒரு கேவலமான விடயத்தை சொல்ல வேண்டும் என மனம் நினைத்தாலும் தகுந்த சந்தர்ப்பம் கிடைக்கவில்லை. இப்போது அவன் இவன் வந்திருக்கும் நேரம் எவனுக்குஇது பொருந்துமோ அவன் போட்டுக்கொள்ளட்டும்.

பதிவுலகில் ஒரு பதிவர் கஷ்டப்பட்டு யோசித்து எழுதும் பதிவுகள் சிலவற்றை அவர்களின் அனுமதியின்றி தங்கள் தளங்களில் வெளியிட்டு சந்தோசப்பட்டுக்கொள்கின்றார்கள் சில வக்கிரக்காரர்கள். குறிப்பாக பிரபல இணையதளங்கள் கூட இப்போது சில வலைப்பதிவர்களின் செய்திகளை அப்படியே போடுவது தான் கொடுமை. ஆனால் இதில் சந்தோசப்படக்கூடிய விடயம் என்னவென்றால் பதிவுலகில் எழுதும் எழுத்தாளர்களின் எழுத்துக்களை எடுத்து இடும் அளவுக்கு அவர்களின் எழுத்தின் தரம் இருக்கின்றது என இணையதளங்களே பறைசாற்றுகின்றன. ஆனால் சில பதிவர்கள் சில இணையதளங்கள் இப்படி அடுத்தவரின் பதிவுகளை போடுவது ஏனோ?

பதிவுலகுக்கு வா என யாரும் யாரையும் இழுத்து வரவில்லை. இத்தனை பதிவு போடு என வேருட்டவில்லை அப்படி இருக்கையில் நேரம் கிடைக்கையில் சொந்தமாக பதிவு போடுவதை விடுத்தது ஏன் இப்படி அடுத்தவன் பதிவை போடவேண்டும். இன்னும் விடை தெரியாக்கேள்வி இது? இவை எல்லாவற்றையும் விட கொடுமை என்னவென்றால் ஒரு திரைப்படத்தின் வெற்றி தோல்வியை தீர்மானிக்கும் மிகப்பெரிய சக்தியாக வளர்ந்திருக்கும் பதிவர்கள் தங்கள் தளங்களில் முந்திக்கொண்டு விமர்சனம் வர வேண்டும் என்பதற்காய் படங்களை பார்க்காமலே இன்னொருவன் தன பார்வையில் எழுதிய எழுத்தை அப்படி அச்சு பிசகாமல்(ஒரிஜினலில் எழுத்து பிழை இருந்தால் இங்கேயும் இருக்கும்) போட்டு ஏன் அவமானப்படுகின்றனர். இன்னும் சிலரோ ஏதோ தானே எழுதியது போல அதுக்கு பில்ட் அப் வேறு. கந்த சாமி படம் வந்ததில் இருந்து நான் அவதானிக்கும் விடயம். பல தளங்களில் ஒரே படத்தின் விமர்சனம் ஒரே மாதிரி இருக்கும். அப்படி என்றால் அந்த அத்தனை தளமும் ஒருவராலா நடத்தப்படுகின்றது. இல்லையேல் அவருக்கு ரசனை இல்லையா? ஒரு படம் பார்க்கும் போது அது தாய்க்கு பிடிக்கும் தனயனுக்கு பிடிக்காமால் இருக்கலாம் அப்படி இருக்கையில் எந்த வேறு பாடும் இன்றி ஒரு படத்தின் விமர்சனம் அமைவதை எப்படி ஏற்றுக்கொள்ள முடியும்.

நண்பர்களே! உங்களுக்கு நேரம் இல்லை என்றால் எழுதாதீர்கள். அதற்காக தெரியாத ஒன்றை தெரிந்தது போல காட்டி பதிவுலகில் விபசாரம் செய்யாதீர்கள். இன்று இந்த கோப பதிவு இட காரணம் அவன் இவன் படம் எப்படி இருக்கு என முதலில் வந்த சில விமர்சனங்களை படிக்க ஆரம்பித்தால் ஒரு சில தளங்களில் வழக்கம் போல கோப்பி விமர்சனங்களை காண கிடைத்தது. நிச்சயம் வரும் நாட்களில் இது அதிகரிக்கும். படம் வந்து சில மணிநேரமே ஆகி இருக்கும் நிலையில் ஒருவர் நல்லது என எழுதி விட்டால் அதை கோப்பி செய்து போட்டு அது நல்ல படம் என்றோ அல்லது கூடாமல் எழுதி இருந்தால் அதை போட்டு கூடாது என பரப்பும் ஒரு கேட்ட காரியத்தை தான் இந்த கோப்பி பேஸ்ட் பதிவர்கள் செய்கின்றார்கள். ரசனை நிச்சயம் வேறுபாடும். ஒரு செய்தியை கூட வித்தியாசமாக தரும் எத்தனயோ பேர் இருக்கையில் ஒரு படத்தின் விமர்சனத்தை ஒரே மாதிரி தருவதை எப்படி பொறுக்கமுடியும். இதை தடுக்க இப்படி கோப்பி செய்யும் உங்களால் மட்டும் தான் முடியும். உங்கள் மனசாட்சியால் மட்டும் தான் முடியும். கொஞ்சம் சிந்தியுங்கள் .நல்ல புதிய தரமான பதிவுகள் வரும்.......

Read More

பாட்டெழுத சான்ஸ் கொடுங்கப்பா!

வணக்கம் நண்பர்களே,

முதலில் உங்கள் எல்லோருக்கும் என் புதுவருட வாழ்த்துக்கள்.

கடந்த என் சில பதிவுகள் மொக்கை என்பதை தாண்டிய மொக்கை என சில அபிமானிகள் கருத்து தெரிவித்திருக்கும் நிலையில் கொஞ்சம் சீரியசாய் ஒரு மொக்கை பதிவு இது. இவன் திருந்த மாட்டானோ என நினைக்காதிங்க. நான் எழுதி இருப்பதில் உண்மை இல்லை என்றால் சொல்லுங்கள் நான் மொக்கை போடுவதை நிறுத்துகின்றேன்.

இன்று கொஞ்சம் வெட்டி சும்மா இருக்கையில் எனக்கு ஒரு பாடல் நினைவுக்கு வந்தது. அந்தக்காலம் இந்த காலம் என்று என் சிறுவயதில் வில்லிசையில் பாடிய பாடல் அதையே கொஞ்சம் மாத்தி இப்படி போட்டால் எப்படி இருக்கும் என சிந்தித்தேன் இதோ வருகின்றது அந்த பாடல்.

கண்ணதாசன் உண்மைக்காதல் கவி படித்தான் அந்தக்காலம் ஆமா அந்தக்காலம் -இப்போ

modern காதல் பற்றி நானும் சொல்ல போறேன் இந்த காலம் ஆமா இந்த காலம்.

பொண்ணுங்க பின்னால் பையன் சுத்தியது அந்த காலம் ஆமா அந்த காலம் - இப்போ

பையன்க பின்னால் பொண்ணு சுத்துறது இந்த காலம் ஆமா இந்த காலம்.

Heartம் heartம் தான் beat போடுவது அந்த காலம் ஆமா அந்த காலம் - ஆனால்

next dayயே எல்லை மீறி ஆட்டம் போடுவது இந்த காலம் ஆமா இந்த காலம்

பார்த்த பார்வையில் காதல் fire வரும் அந்த காலம் ஆமா அந்த காலம் - இப்போ

பார்க்காமலேயே பற்றி எரிகின்றது இந்த காலம் ஆமா இந்த காலம்

காதல் சொல்ல நாட்கள் பல கடக்கும் அந்த காலம் ஆமா அந்த காலம் - ஆனால்

கண்டவுடனேயே கையைபோடுவது இந்த காலம் ஆமா இந்த காலம்

கடிதங்கள் எழுதி காதல் செய்ததுவோ அந்த காலம் ஆமா அந்த காலம் - இப்போ

Dating மூலமே bracket போடுவது இந்த காலம் ஆமா இந்த காலம்

அத்தான் மாமா என்று சினுங்கியது அந்த காலம் ஆமா அந்த காலம் - இப்போ

அடேய் ராஸ்கல் என்று அழைப்பது இந்த காலம் ஆமா இந்த காலம்

அன்பு பண்பின் ஆழம் பார்த்தது அந்த காலம் ஆமா அந்த காலம் - ஆனால்

Car, Purse waitஐ first ஆய் பார்ப்பது இந்த காலம் ஆமா இந்த காலம்

காதலுக்காக உயிரைக்கொடுத்தது அந்த காலம் ஆமா அந்த காலம் - இப்போ

கள்ள காதலுக்காய் உயிரை எடுப்பது இந்த காலம் ஆமா இந்த காலம்

காதலில் தோற்றால் தாடி வளர்த்தது அந்த காலம் ஆமா அந்தக் காலம் - love

தோல்வியிலும் அவள் friendஐ correct பண்ணும இந்த காலம் ஆமா இந்த காலம்

காதலி பிரிஞ்சதும் தாலி வளர்த்தது அந்த காலம் ஆமா அந்த காலம் - ஆனால்

பிரிஞ்சா happy moodஇல் அடுத்த lady pick up இந்த காலம் ஆமா இந்த காலம்

Weddingஇன் பின்னர் மழலை சத்தம் அந்த காலம் ஆமா அந்த காலம் - இப்போ

waiting இன்றி wait கொடுப்பது இந்த காலம் ஆமா இந்த காலம்

காதல் செய்தால் ஊரே எதிர்த்தது அந்த காலம் ஆமா அந்த காலம் - இப்போகாதல் பண்ணாட்டி fashion இல்லைஎன்னுது இந்த காலம் ஆமா இந்த காலம்

காதல் கல்யாணம் கருப்பாய் இனித்தது அந்த காலம் ஆமா அந்த காலம் - இப்போ

தாலி ஏறமுன்னே diverse கேட்கிறது இந்த காலம்

காதலை காதலர் காதல் செய்தது அந்த காலம் ஆமா அந்த காலம் - செய்யும்

கண்றாவி எல்லாம் காதல் என்னுது இந்த காலம் ஆமா இந்த காலம்

லைலா மஜ்னு இறந்தும் வாழவைத்தது அந்த காலம் ஆமா அந்த காலம் - இப்போ

lovers வாழும் போதே loveஐ கொள்வது இந்த காலம் ஆமா இந்த காலம்

வாலி வரியதனில் காதல் உருகியது அந்த காலம் ஆமா அந்த காலம் - ஐயோ

நானும் கவிவடித்தேன் என்ன கொடுமை இது இந்த காலம் ஆமா இந்த காலம்.

முக்கிய குறிப்பு: திரையுலக நண்பர்களே படைப்புலக பிரமாக்களே நானும் கொஞ்சம் பாட்டு எழுதுகின்றேன் சினிமாவில் பாட்டு எழுத ஒரு சான்ஸ் வாங்கி கொடுங்கப்பா! என்னது இந்த மொக்கை எல்லாம் அங்கேயும் பார்க்கணுமா என திட்டாதிங்க. திருப்பி சந்திப்பம்.

Read More

விஜய் திருந்துவாரா? காவல்காரன் சொல்லும் பதில்.

Read More

தமிழ் சினிமாவின் போக்கை மாற்றும் விஜய்.?

எம்.ஜி-ஆர்-சிவாஜி, ரஜினி-கமல் இந்த இணைக்கடுத்து எத்தனை பேர் வந்தாலும் பிரகாசித்தாலும் நாம் மறுக்கமுடியாமல் ஏற்கவேண்டிய இணை விஜய்-அஜித் இணைதான். இரண்டு திலகங்களும் ஒரு திரைப்படத்தில் மட்டும் இணைத்து நடித்தனர். அடுத்த இருவரும் பல படங்களில் நடித்தனர். திலகங்களை போல ஒரே படத்துடன் நிறுத்திவிட்டனர் தளபதியும் தலையும். இதற்கு காரணம் தான் எல்லோருக்கும் தெரியுமே. மீண்டும் இணையும் வாய்ப்பில்லை என இவர்கள் சொல்லியே விட்டனர். ஆனால் இப்போது மீண்டும் அதற்கு வாய்ப்பு ஏற்பட்டாலும் ஆச்சரியமில்லை.(எல்லாம் ஆசைதான். இது நடக்காது என தெரியும்.)

இளையவர்களில் இப்போது முன்னணியில் இருக்கும் நால்வரும் ஒருவருடன் ஒருவர் இணைந்து நடிக்கதவர்கள் இல்லை. ஆரம்பத்தில் ராஜாவின் பார்வையிலே திரைப்படத்தில் விஜயுடன் அஜித் சேர்ந்து நடித்தார் அந்த வாய்ப்பை ஏற்படுத்திக்கொடுத்தது விஜயின் தந்தை என்பது மட்டுமில்லாமல் விஜயின் தாயார் தயாரித்த உணவை இருவரும் ஒரே தட்டில் உண்டகாலம் அது. அதன் பின் பார்த்தாலே பத்தும் நிலையில் இருந்தவர்கள் இப்போது தங்கள் மனைவியர் சமைத்த உணவுகளை (முன்பு தாயார்) பரிமாறிக்கொள்ளும் அளவு நட்பு இருக்கின்றது. படங்களிலும் ஒருவரை ஒருவர் சாடல் குறைந்துள்ளது. இந்த நிலையில் இவர்களின் இணைவு. அதற்க்கு பிரமாண்டமாக தயாரிக்கும் இயக்குனர், நல்ல கதை, அள்ளிக்கொட்டும் தயாரிப்பாளர் ஜாம்பவான் கூட்டணி நிச்சயம் அமையவேண்டும். அது இப்போது அமைந்திருப்பது இவர்களை இணைக்காதா என்ற என் ஆசையை தூண்டி விட்டுள்ளது.

3இடியட்ஸ் எவ்வளவு பிரமாண்டமான வெற்றியை பெற்ற படம் என்பது உங்களுக்கு தெரியும்.அதேபோல அப்படி திரைப்படங்கள் வராதா என்ற ஆவலையும் தமிழர்களுக்கு தூண்டிய படம். ஏன் வராது இதோ தருகின்றோம் என விஜய் அதன் உரிமையை வாங்கியதாக ஒரு பேச்சு. இல்லை இல்லை ஜெமினி வாங்கி அதில் விஜயை நடிக்க வைக்க முயற்ச்சிபதாக கேள்வி. எதுவாய் இருப்பினும் இந்த முயற்சிக்கு பலன் வெகு தொலைவில் இல்லை. காரணம் விஜய்க்கும் இமாலய வெற்றி ஒன்று தேவைப்படுகின்றது.

அப்படி இருக்கையில் அஜித்துடன் கூட்டு? பதில் கேள்விக்குறியாக இருந்தாலும் அஜித் இரண்டு கதாநாயகர்கள் உள்ள படங்களில் நடித்த இளம் நடிகர் என்பதை மறக்கக்கூடாது. விக்ரமுடன் உல்லாசம், பார்த்தீபனுடன் நீவருவாய் என,கார்த்திக்குடன் ஆனந்த பூங்காற்றே, உன்னிடத்தில் என்னை கொடுத்தேன், பிரசாந்துடன் கல்லூரி வாசல், ரஞ்சிதோடு மைனர் மாப்பிள்ளை, சத்யராஜோடு பகைவன்,கண்டுகொண்டேன் கண்டுகொண்டேனில் மம்முட்டி,அப்பாஸ், தீனாவில் சுரேஷ் கோபி,உன்னைக்கொடு என்னை தருவேனில் பார்த்தீபன்,சாம்ராட் அசோகாவில் ஷாருக்கான் என தொடர்ந்தவர் அண்மைக்காலமாக தான் கொஞ்சம் இந்த பாலிசியை விட்டிருக்கின்றார் சிலவேளை இந்த கூட்டணி அமைந்தாலும் ஆச்சரியமில்லை. நடக்குமா????

மூவரில் இருவர் ஏறக்குறைய உறுதியாகிவிடும் என நினைக்கின்றேன். அமீர்கான் வேடத்தில் விஜயும் மாதவன் நடித்த வேடத்தை தமிழிலும் அவரே செய்வார் என ஓரளவு உறுதிப்படுத்தப்பட்டுள்ளது. இந்த கூட்டணி சாத்தியதுக்கான வாய்ப்புக்கள் உண்டு. காரணம் மாதவனுக்கு விஜய் மேல் அன்பும் அதே நேரம் மதிப்பும் அதிகம். ஒரு பெட்டியில் சொல்லி இருந்தார் விஜயை பார்க்க பொறாமையாக இருக்கின்றது. மூன்று மாதங்களுக்கு ஒரு படம் நடிக்கின்றார் பெரிதாக மினக்கெடுவது இல்லை. அவரின் பெயரை வைத்தே படத்தி ஓட்டி விடுகின்றார். அவரை போல ஆடத்தெரிந்தால் நான் தமிழ் நாட்டின் நம்பர் வன் நாயகனாகிவிடுவேன் என்று. விஜய் பக்கம் பார்த்தால் மாதவனால் பிரச்சனை இல்லை. என்ற ரீதியில் இவர்கள் கூட்டணியில் விரிசல் சாத்தியமில்லை

அடுத்து சூர்யா. இப்போது தனி ஆவர்த்தனம் நடத்தினாலும் விஜயுடன் நேருக்கு நேரில் அறிமுகமானவர். அதன் பின் பிரண்ட்ஸ் படத்தில் நடித்தது மட்டுமன்றி இருவரும் நல்ல நண்பர்கள் எனவே இந்த இணைக்கான வாய்ப்பும் அதிகம் இருக்கின்றது. சூர்யாவை பொறுத்தவரை நடிப்பில் பின்னிவிடுவார் ஆனால் விஜய் தரப்பில் சூர்யாவேண்டாம் என்ற கதை எழும் வாய்ப்பு குறைவு காரணம் நட்பு. சூர்யாவும் காதலே நிம்மதியில் முரளி, பெரியன்னாவில் விஜயகாந்த், நந்தாவில் ராஜ்கிரண், மௌனம் பேசியதேயில் அறிமுகனாயகன் நந்தா, பிதாமகன் விக்ரம்,ஆயுத எழுத்தில் மாதவன் சித்தார்த் என கூட்டு சேர்ந்து கலக்கியவர் விஜயுடன் ஜோடி சேர்ந்தால் அமர்க்களம் தான். அனேகமாக இந்த ஜோடியின் வாய்ப்பே அதிகம்.

மறுபக்கம் விக்ரமும் விஜயும் எவ்வளவு நெருக்கம் என்பதும் ஊரறிந்ததே. இருவரும் ஒன்றாக ஜாலியாக பல விழாக்களில் கலந்துகொண்டது மட்டுமில்லாமல் அரட்டைகளிலும் பங்குபற்றியவர்கள். அப்போதே சரியான வாய்ப்பமைந்தால் சேர்ந்து நடிக்க தயார் என சொன்னவர்கள் இப்போது வாய்ப்பமைந்திருக்கின்றது இணைவார்களா என எதிர்ப்பாக்கின்றேன்? விக்ரமை பொறுத்தவரை கூட யார் நடித்தாலும் பரவாயில்லை தூக்கிச் சாப்பிட்டு விடுவார்.

அவருக்கு ஒரு பலமான கதாபாத்திரம் போதும் வில்லனாக கூட நடிக்க தயார் என்றவர். இவரின் பயணத்தில் மீராவில் சரத்குமாருடனும், உல்லாசத்தில் அஜீத்துடனும்,கவுஸ் புல்லில் பார்த்தீபனோடும், விண்ணுக்கும் மண்ணுக்குமில் மீண்டும் சரத்துடனும், பிதாமகனாக சூர்யாவுடனும், பசுபதியுடன் மஜாவிலும், இப்போது ராவணாவில் பிரிதிவிராஜ்,பிரபு,கார்த்திக் என எல்லோரும் கலந்து கட்டி அடித்துக்கொண்டிருக்கும் விக்ரம் நடித்தாலும் ஆச்சரியமில்லை. ஆனால் இப்போதுள்ள சூழ்நிலைகளில் வாய்ப்பு குறைவு.

இந்த முன்னணிகளை தவிர்த்துவிட்டு பார்த்தலால், தனுஷ்,சிம்பு நடிக்கும் வாய்ப்பும் அறவே இல்லை என்பேன். சிலவேளைகளில் விஷால், ஆர்யா நடிப்பார் என்றால் அவர்களோ பாலாவிடம் அவர் சொன்னபடி ஆறுமாதத்தில் முடித்தல் ஆர்யாவுக்கு வாய்ப்பதிகம். காரணம் விஷாலை விஜய்க்கு பிடிக்கதேன்பது வேறு கதை. அடுத்து விஜய் புகழ் பாடும் பரத்,ஜீவா இவர்களுக்கும் வாய்ப்புண்டு. ஏன் ஜெயம் ரவி கூட நடிக்கும் வாய்ப்பு சூர்யாவுக்கு அடுத்து உண்டென நான் சொல்வேன்.ஆனால் இவர்களை தவிர்த்துவிட்டு இரண்டாம் நிலை நாயகர்களில் ஒருவர் நடித்தாலும் ஆச்சரியமில்லை.

இவர்களை விட மற்றவர்களுக்கு வாய்ப்புக்குறைவாக இருந்தாலும் இடையில் வேறு யாரும் முந்தும் வாய்ப்பும் உண்டு. இவை எல்லாவறையும் பார்த்தாயிற்று. விஜய் இரட்டைக் கதாநாயகர் உள்ள படங்களில் அதிகம் நடித்திருக்கின்றாரா என தேடினால். ஆச்சரியம். ஆரம்பகாலங்களில் விஜயகாந்துடன் செந்தூரப்பாண்டி, அஜித்துடன் ராஜாவின் பார்வையிலே, நடிகர் திலகத்துடன் ஒன்ஸ்மோர்,சூர்யாவுடன் நேருக்கு நேர்,பிரண்ட்ஸ் என சொற்ப படங்களில் மட்டுமே நடித்தவர் சிறப்புத் தோற்றத்தில் ரவிக்ரிஷ்ணாவுடன் சுக்ரன், நிதின் சத்யாவுடன் பந்தயம் போன்ற படங்களில் மட்டுமே நடித்திருக்கின்றார்.

இந்த நிலையில் விஜய்-மாதவனோடு இணைவதே பெரிய விடயமாக இருக்கையில் மூன்றாவதாக ஒரு பெரிய நடிகரும் சேர்ந்தால் தமிழிலும் 3இடியட்ஸ் பிச்சிக்கிட்டு ஓடும். முன்னணி நாயகர்களாக மாறிய பின் இளம் நாயகர்கள் இணைந்து நடித்து தமிழ் சினிமாவின் புதிய பாதையை திறந்த பெருமையும் விஜய்க்கு வரும். இது நடக்குமா? அல்லது காத்தோடு போகுமா பார்ப்போம்?

நடிகைகளை பொறுத்தவரை பஞ்சம் நிலவும் காரணத்தால் மீண்டும் வந்த அசின், அலுத்துப்போன திரிஷா, முத்திப்போன நயன்தாரா, புதிய அக்கா அனுஷ்கா, இடையழகி இலியானா, அசல் நாயகி சமீரா ரெட்டி, புன்னகை அரசி(எத்தனை நாளைக்கு தான் இளவரசி வயசு போகுதெல்லா) சினேகா, நம்ம பாவனா இவர்களில் நான் சொன்ன வரிசையில் வாய்ப்பை அல்லும் சாத்தியம் உண்டு.

நான் சொன்னதெல்லாம் இருக்கட்டும் இந்த அதிசயம், ஆச்சரியம்.....நடந்தால் விஜய்-மாதவனுடன் இணையும் அந்த மூன்றாவது ஹீரோ யார்? மாற்றங்களை உண்டாக்கப்போகும் அந்த நிஜ நாயகன் யாராக இருக்கும் உங்கள் ஆருடங்களையும் சொல்லுங்கள். நடந்தால் எல்லோருமாக சேர்ந்து சந்தோசப்படுவோம்.

Read More

தியேட்டருக்கு வருகின்றது கிரிக்கெட்.

ஆயிரம் சினிமா தியேட்டர்களில் ஐ.பி.எல் போட்டிகளை காட்ட ஒழுங்கு படுத்தப்பட்டுள்ளது. மைதானத்தில் இருந்து போட்டியை காணும் பரவசத்தை தரும் வகையில் Digital வசதி செய்து கொடுக்கப்படவுள்ளது. வரும் மார்ச் 12 முதல் ஏப்ரல் 25 வரை நடைபெறும் அத்தனை போட்டிகளும் இனி திரை அரங்குகளில் அமர்க்களம் பண்ண காத்திருக்கின்றன.

இன்னும் ஒரு ஆச்சரியம் என்னவென்றால் இறுதிப்போட்டி உட்பட ஒரு சில போட்டிகளை 3d மூலம் காட்டும் திட்டமும் உண்டாம். (சினிமாகாரர் கவனிக்க.) வீட்டில் பார்த்தால் ஆயிரம் தொல்லை என நினைப்பவர்களுக்கு இந்த வரப்பிரசாதம் கிடைத்துள்ளது. இடைநடுவே விளம்பரம் என்ற கழுத்தறுப்புகள் இல்லை. சூடேற்ற பெண்களின் ஆட்டமும் இடம்பெறுமாம்.(கண்டிப்பாய் கூட்டம் கூடும். நம் பதிவர்களில் சுடும் பதிவரும், கடல் ஏறுபரும், நமீதாவுடன் சம்பந்தப்பட்டவரும், அண்மையில் விடைபெற்றவரும் இன்னும் சில நல உள்ளங்களும் இப்போதே தயாராவதாக கேள்வி.)

இந்த காலகட்டத்தில் பெருமளவான படங்கள் வெளிவராது என்றாலும் ஏப்ரல் 14 அன்று சில முக்கிய படங்கள் வரும் என எதிர்பார்க்கப்படுகின்றது. வீட்டில் பெண்கள் மெகாத்தொடர் பார்க்க பெரியவர்களும் ஆண்களும் தியேட்டரில் பார்க்க என்னையும், யோ வாயிஸ்,சுபாங்கன் போன்ற பச்சிளம் பாலகர்கள் எங்கே சென்று பார்ப்பது சொல்லுங்கள். அடடா இப்பதான் தூக்கத்தில் இருந்து எழும்பினேன் இது இந்தியாவில் தான் இலங்கையில் இல்லை என்ன.?

Read More

விஜய் மனசு யாருக்கு வரும்?- வறுத்தெடுத்த பிரபலம்.

தமிழ் சினிமாவில் பல இயக்குனர்கள் நடிக்க வரக்காரணமே நடிகர்கள் தான் என்பதை இயக்குனர்கள் சாட்டாக சொல்லி வந்தாலும் உண்மையும் அதுவே. அப்படி வரும் இயக்குனர்களில் ஒரு சிலர் நடிகர்களையே மிரள வைப்பதும் சிலர் மிரண்டு போவதும் நடந்துகொண்டுதான் இருக்கின்றது.

திமிரு என்னும் பிரமாண்டமான வெற்றித் திரைப்படத்தை கொடுத்த திமிரான இயக்குனர் தருண்கோபி இந்த வகையில் நடிகராக அவதாரம் எடுத்தார். விஷால், சிம்புவுடன் அடிதடி என அக்சன் ஹீரோவிற்கு உரிய அந்தஸ்து தனக்கு இருக்கின்றது என்பதை நிஜ வாழ்க்கையில் நிரூபித்தவர். பத்து இயக்குனர்கள் நடித்த மாயாண்டி குடும்பத்தார் திரைப்படத்தில் கதையின் நாயகர்களில் முக்கியமானவர் இவர். நடிகராக தன் முதல் படத்திலேயே அசத்தி விட்டார். மாயாண்டி குடும்பத்தார் வெற்றி பெற்றாலும் பெரிதாக யாரும் அந்த படத்தை கண்டு கொள்ளவில்லை என்பது என்னவோ உண்மைதான்.

இந்த நிலையில் நந்தி பட விழாவில் பேசிய தருண்கோபி, நடிகர்களை தாளித்து எடுத்து விட்டார். நடிகர்கள் சிலரின் நடவடிக்கையால் தான் நான் நடிக்க வந்தேன் என வழக்கமான புராணம் பாடியவர், மாயாண்டி குடும்பத்தை எந்த ஒரு நடிகரும் பாராட்டவில்லையே என்ற ஆதங்கத்தை கொட்டினார். அதேபோல பாராட்டாவிட்டாலும் பரவாயில்லை ஒரு சில நடிகர்கள் செய்த வேலையை சொல்ல எனக்கே பிடிக்கவில்லை என சொல்லி, விட்டார் பாருங்கள் ஒரு இடைவேளை. தொடர்ந்து பேசியவர், அண்மையில் தான் வேட்டைக்காரன் படப்பிடிப்பிற்கு சென்றதாகவும் அங்கே விஜயை சந்தித்ததாகவும் சொன்னவர், விஜய் தன்னை பார்த்ததுமே கலக்கிறிண்ணா உங்க படம்தான் இப்போ டாப் போல என பாராட்டினார் அவரோட நல்ல மனசு யாருக்கு வரும் அவரைப்போல மற்ற கதாநாயகர்களின் மனமும் இருந்து விட்டால் நாங்கள் ஏன் நடிக்க வருகின்றோம்? வரவே மாடோம் என கொட்டித் தீர்த்து விட்டார்.

தருண்கோபி சொன்னதில் உண்மை இல்லாமலும் இல்லை. இது தனியே நடிகர்களுக்குள் மட்டுமன்றி சினிமாவின் பல துறைகளிலும் ஊடுருவி இருப்பது வேதனையே. சாதித்தவர்கள் புதிதாக சாதித்தவர்களை ஊக்கப்படுத்தினால் தானே புதியவர்கள் பலர் வருவார்கள் என்பதை தெரியாதவர்களா என்ன?

Read More

கந்தசாமி-காப்பாற்ற வந்த சாமி.

முக்கிய குறிப்பு: நான் ஒரு விக்ரம் ரசிகன் அல்ல. அதேநேரத்தில் விக்ரமின் அநேக படங்களை பாராட்டாதவன். இங்கே என் மனதில் தோன்றிய நடுநிலை கருத்தை விமர்சனமாக தருகின்றேன்.

நீண்ட காலமாக சாக்கு போக்கு காட்டி வரும் ஆனால் வராது என இழுத்தடித்த கந்தசாமி திரைப்படம் ஒருவாறு வந்து விட்டது. முதல் நாளே முதல் ஷோ பார்க்க சந்தர்ப்பம் கிடைக்கவில்லை. இருந்தாலும் நேற்று இந்த நேரம் அந்தப்படத்தை பார்த்துக்கொண்டிருந்தேன். நான் இந்த படத்தை பார்க்கவேண்டும் என ஆரம்பத்தில் நினைக்கவில்லை. அதேநேரம் என் தொழில் நிமித்தம் வரும் புதுப்படங்களை பார்க்கவேண்டிய கட்டாயமும் உண்டு.(என்ன தான் மொக்கை என்றாலும் பார்த்து தான் தீரணும். என் தலை விதி அது.) இந்தப்படமும் தலை விதி தான் என்ற எண்ணத்தில் திரை அரங்குக்கு போயிருந்தேன்.

படமும் ஆரம்பம். டைட்டிலே சூப்பர் ஹீரோ சீயான் விக்ரம் என போட்டது, விக்ரம் சிறுவர்களுக்கான படம் என்றது, கிரிஷ் படத்தின் தழுவல் என படம் வர முதலே வந்த எறிகணைகளை தாண்டி இந்த படத்துக்கான எதிர்பார்ப்பில் நானும் அடங்கிப்போனேன்.

கண்ணீரை துடைப்பவன் கடவுள் என்று போடும் போதே இந்த படத்தில் லாஜிக் பார்க்க தேவை இல்லை என்பதோடு கடவுளையும் சம்பந்தப்படுத்தி தான் திரைக்கதை செல்லும் என்பது தெரிந்துவிடுகின்றது. அதற்கு ஏற்றால்போல உயிருக்காக போராடும் ஒருவரின் குடும்பத்துக்கு பணம் கொடுத்து வள்ளல் சாமியாக படத்தை தொடங்குகின்றார். அதற்கு பின் மன்சூர் அலிகானுடன் மோத விக்ரம் அறிமுகமாகும் காட்சியே அருமையாக இருக்கின்றது. சேவல் வேடமிட்டு மன்சூரை பந்தாட விக்ரம் செய்யும் சின்ன சின்ன அசைவுகளும் குழந்தைகள் முதல் பெரியோர் வரை கட்டிப்போடுகின்றது.

அதற்கு அடுத்த காட்சியில் ஒரு சி.பி.ஐ அதிகாரி வேடம் விக்ரமுக்கு.(இரட்டை வேடமல்ல). கந்தசாமி என்னும் பெயரில் அவர் அறிமுகமாகும் போதே இவர் தான் சேவல் என்பதும் தெரிந்துவிடுகின்றது. அவரின் மேலதிகாரியாக பிரபல தெலுங்கு நடிகர் கிரிஷ்ணா. விக்ரமின் சி.பி.ஐ அதிகாரி வேடத்துக்கு பெரிய பில்ட் அப்புகள் இல்லாதது நல்லது. மனிதர் பார்க்க அழகாக இருக்கின்றார். சின்ன சின்ன அசைவுகளிலும் நடிக்கின்றார். அதேநேரம் கடைமை தவறாத ஒரு நல்ல அதிகாரியாக இருந்து கொண்டே கந்தசாமி சேவல் அவதாரம் எடுத்து மக்களை காப்பாற்றுவதை முதலே சொல்லாமல் இறுதியில் சொல்லி படம் பார்க்கும் ரசிகனை முட்டாளாக்காமல் எப்படி எல்லாம் பறக்கின்றார், பாய்கின்றார் என்பதை வெளிப்படையாக சொல்லி இருப்பதே படத்தின் பெரிய பலம்.

பெண் வேடமிட்டு அசத்துவது வயோதிபர் வேடம் சேவல் கலக்கல் தவிர(இவை திரையில் வரும் நேரம் குறைவு) விக்ரமின் நடிப்புக்கு தீனிபோடும் கதாபாத்திரமில்லை இது. விக்ரமிடம் நடிப்புடன் கூடிய படத்தை எதிர்பார்க்காமல் போனால் நல்ல படமிது. படம் வெளிவர இவ்வளவு தாமதம் ஏன் என்று படம் ஆரம்பித்தவுடனேயே தெரிந்து விடுகின்றது. பிரமாண்டம் என்றால் என்ன என்பதை காட்ட ஷங்கருக்கு அடுத்து இன்னொரு இயக்குனர் வந்திருக்கின்றார். படத்தின் கதை எல்லோரும் சொல்லவதுபோல சிவாஜி+அந்நியன்+சாமுராய்+ரமணா=கந்தசாமி. இதில் கோட்டை விட்ட இயக்குனர் சுசி கணேஷன் திரைக்கதையில் கோட்டை கட்டி இருக்கின்றார். நாங்கள் பார்த்த படங்களின் காட்சிகள், ஆனால் அலுப்பு தட்டவில்லை என்பது என்னவோ உண்மைதான். அதற்கு காரணம் சுசியின் making style என்றால் பொய்யல்ல. அதேநேரம் படம் பெரிதாக இருப்பது ஒரு குறை என்றாலும் திரைக்கதை ஓட்டத்தின் வேகம் அதை சரி செய்து விடுகின்றது.

விக்ரமுக்கு அடுத்து கிருஷ்ணாவின் கதாபாத்திரம் வழக்கமான விஜயகாந்தின் போலீஸ் படங்களில் வந்த மேலாதிகாரி வேடம். ஆனால் அதுவும் இவருக்கு பொருந்தி இருக்கின்றது.(ரகுவரன் நடிக்க இருந்த வேடம் இதுதானோ) பிரபு.(கொஞ்சம் உடம்பை குறையுங்க சார் நீங்கள் திரையில் வந்தால் உங்களுக்கு பின்னுக்கு நிற்பவர்களை தெரியவில்லை.) அண்மையில் பில்லா படத்தில் பார்த்த அதே பிரபு. இங்கும் அதே வேலை வேறு ஒன்றும் இல்லை சொல்ல. ஆனால் அதுவும் ரசிக்கும்படி செய்திருக்கின்றார்.

கதாநாயகி+வில்லி ஸ்ரேயாவிற்கு நடிக்க வாய்ப்பு குறைவென்றாலும் வில்லத்தனமான பாத்திரங்களில் தன்னால் நடிக்க முடியும் என்பதை நிரூபித்திருக்கின்றார். ஆடைக்குறைப்பு(கிட்டத்தட்ட முக்கால் நிர்வாணம்) என வந்திருந்தாலும் கவர்ச்சியை தேட வேண்டி இருக்கின்றது. அதேநேரம் பாடல் கட்சிகளில் வளைந்து நெளிந்து இடுப்பை கூட ஆட்டோ ஆட்டென ஆட்டி கலக்கி இருக்கின்றார். பாடல்காட்சிகளில் என்னவோ விக்ரமை விட நடனத்தில் கலக்குவது ஸ்ரேயாதான். அம்மா சுசித்ரா தாயே நீங்கள் பாடுவதுடன் நிறுத்திக்கொள்வது நல்லது. உங்கள் குரலை அதுவும் அழகான நடிகைககளிடம் கேட்க பயமா இருக்கிறது. தந்தைக்காக விக்ரமை காதலிப்பதாக நடிக்க வந்து பின் வழக்கம் போல விக்ரமிடம் சரணடையும் கதாபாத்திரத்தில் ஸ்ரேயா என சுருக்கமாக சொன்னாலும் மோதல்,காதல் விறுவிறுப்பு, பழி வாங்கல்கள் என சுவாரஷ்யத்துக்கு பஞ்சமில்லை.

இருவரும் தத்தமது வேலைகளுக்காக காதலை பாவித்து இறுதியில் அந்த ஆயுதத்துக்கே பலியாகிப்போகின்றார்கள்.ஸ்ரேயாவின் அப்பாவாக வரும் ஆஷிஷ் வித்யார்த்தி என்ன நடிப்பது. வழக்கமான வில்லன் என்றாலும் சிறப்பாக செய்திருக்கின்றார். போடி போடா என ஒரு திரைப்படம் பற்றி பேச்சு வந்தது நினைவிருக்கலாம் அதற்க்கு விளம்பரத்துக்காகவோ என்னவோ பாடலிலும் வசனத்திலும் பிரபலமான வார்த்தைகளாக இவை. ஆஷிஷ் வித்யாராத்தியின் கையாளாக வரும் வை.ஜி.மகேந்திரன் கதாபாத்திரம் சிறப்பானது.

விவேக்கின் இடத்தில் வந்த வடிவேல் தன் பங்கை சிறப்பாக செய்திருக்கின்றார். வயிறு குலுங்க சிரிக்க வைக்க அவர் உத்தரவாதம். அதுவும் பிரபுவிடம் மாட்டி விசாரணையில் அவர் செய்யும் அலப்பறை இன்னொரு குஷி.புதிய சரக்கோடு மீண்டும் சிரிக்க வைக்கும் வடிவேலு அன்மைப்படங்களில் தெரிகின்றார்.இதை விட விக்ரம் தன் நண்பர்களோடு இரந்து ஏன் இந்த மாதிரி காரியத்தில் ஈடுபடுகின்றார்? என்ன நடந்தது என்னும் சொல்லும் சின்ன கிளைமாக்ஸ் வரும் போதே பிரதான வில்லன் யார் என தெரிந்து விடுகின்றது. என்ன ஆட்டமையா அது.தமிழ் நாட்டின் அடையாளம் என்றுகொண்டே ஒரு வாகனத்துக்குள்ளேயே எல்லாவற்றையும் முடிப்பது அமர்க்களம். அதே நேரம் இன்னும் கொஞ்சம் அவருக்கு அழுத்தமாக குடுத்திருக்கலாமோ என தோன்றி இருந்தாலும் அது கூட ஆபத்தாக அமைந்து விடும்.

மேக்ஸ்சிகோ காட்சிகள் படத்தில் கொஞ்சம் நீளம் என்றாலும் அந்த Locationsகளுக்காக பார்க்கலாம். சண்டைக்காட்சிகளில் லாஜிக்கை தவிர்த்து பார்த்தால் ரசிக்க முடிகின்றது. பின்னணி இசை பாடல்கள் என தேவி ஸ்ரீ பிரசாத் தன பங்கை சிறப்பாக செய்திருக்கின்றார். தாணு காசை தண்ணி போல செலவு செய்திருக்கின்றார் என்பது படத்துக்கு பெரிய பலம். அதேநேரம் பிரபுவுடன் மட்டுமன்றி மற்ற முக்கியமான தலைகளுடன் எல்லாம் விக்ரமின் நண்பர்கள் இருந்து அவருக்கு உதவி செய்வது தெரிய வரும் இடங்கள் நல்ல திருப்பங்கள். அடுத்தது என்ன என்கின்ற எதிர்பார்ப்போடு வேகமாக நகரும் திரைக்கதை தான் படத்தை காப்பாற்றி இருக்கின்றது. மொத்தத்தில் இந்த திரைப்படத்தை பற்றி பல பதிவுலக நண்பர்கள் எழுதிய விமர்சனகள் இந்த படத்தை பொறுத்தவரை ஏன் என தெரியவில்லை. ஆனால் உண்மையில் இப்படியான வித்தியாசமான படங்களில் சில லாஜிக் பார்க்காதீர்கள் அதேபோல படத்தின் கதை பழையதாக இருந்தாலும் அதை கொடுத்திருக்கும் விதம் புதிசாக இல்லாவிட்டாலும் நன்றாக இருக்கின்றது. விக்ரம் சொன்னது போல நிச்சயம் இந்தப்படம் குழந்தைகளையும் பெண்களையும் கவரும் என்பதில் சந்தேகமில்லை. காரணம் நம்மிடம் இல்லாத ஒரு அதிசய சக்தியை தான் குழந்தைகள் ரசிக்கின்றார்கள். அதேபோல பெரியவர்களை ஏமாற்றாமல் எப்படி இப்படி எல்லாம் நடக்கின்றது என விளக்காமாக சொல்லி இருப்பது பாராட்டக்கூடியதுடன் புரிந்து ரசிக்க கூடியதே.

மொத்தத்தில் படம் பார்க்கும் நேரம் முழுவதும் சோர்வை தராமல் ஒரு படம் இருந்தால் அது நிச்சயம் வெற்றியே. அதை கந்தசாமி கொடுக்கின்றார். பக்தி செண்டிமெட் இருப்பது அடிமட்ட மக்களை சென்றடையும் அதேநேரம் கதையும் அவர்களிடமிருந்து ஆரம்பித்து பெரிதாக சொல்லப்படிருப்பது வர்க்க வித்தியாசங்களை உடைத்து ரசிகர்களை கூட்டும். அதேபோல ஒரு படத்தை பார்த்தால் குறைந்தது மூன்று மணி நேரம் ஆவது அந்தப் படத்தின் பாதிப்பு எங்களை ஆட்டுவித்தால் அதுதான் படத்தின் வெற்றி. உண்மையை சொல்லுங்கள் கந்தசாமி உங்களை பாதிக்கவில்லையா?.

சிலர் சொல்வதுபோல கந்தசாமி நொந்தசாமி இல்லை தாணுவை விக்ரமை சுசியை என எல்லோரையும் காப்பாற்ற வந்தசாமி.

கந்த கந்த கந்த கந்த கந்தசாமி எல்லோரையும் காப்பாற்ற வந்தசாமி.

Read More

விஜயின் ஜோடியாக அஜித்தின் குடும்பத்தில் இருந்து ஒருவர்.

விஜய்-அஜித் இந்த இரண்டு பேரும் வெளி உலகிற்கு என்ன நட்பு பாராட்டினாலும் உள்ளுக்குள் குமுறல் இருப்பது என்னவோ உண்மையாகத்தான் இருக்கின்றது. ஆரம்பத்தில் இந்த இரண்டுபேரும் சேர்ந்து ராஜாவின் பார்வை திரைப்படத்தை கொடுத்திருந்தனர். படத்தின் படுதோல்வி இந்த இணையை மீண்டும் இணையவிடாமல் செய்து விட்டது. அதன் பிறகு பேபி ஷாலினியாக கலக்கி எடுத்தவர் குமாரியாக அறிமுகமானது என்னவோ அறிமுகமானது விஜயோடு. அறிமுகப்படத்திலேயே காதலுக்கு மரியாதை செய்த இவர்களின் படம் மிகப்பிரமாண்ட வெற்றியை பெற்றதோடு தமிழ் சினிமாவையே புரட்டிப்போட்டது.

அதற்கு பிறகு இரண்டு பேரும் மீண்டும் ஜோடி சேர்ந்த படம் கண்ணுக்குள் நிலவு. படம் என்னவோ வெற்றி பெறாவிட்டாலும் வியாபார ரீதியான படமே நடிப்பார் என சொல்லப்பட்டு வந்த விஜய், வித்தியாசமான கதைக்களத்தோடு வித்தியாசமான கதாபாத்திரத்தில் துணிந்து நடித்த படம். இந்த ஜோடியை தமிழ் நாடே கொண்டாடியது. காதல் ஜோடி என்றால் இப்படி எல்லா இருக்கவேண்டும் என்று ஏங்கியோர் பலர்.(இது திரையில் மட்டும் சொல்கின்றேன்.) காலம் ஓட அஜித்தோடு ஜோடியானார் ஷாலினி.அது அஜித்தை பற்றி ஒரு சில கிசுகிசுக்கள் உலாவந்தநேரம்.(ஹீராவுடன் படு நெருக்கம் என்பதே அது.) இந்த நேரத்தில் தான் ஷாலினி அஜித்தோடு ஜோடி சேர பதறிய ஷாலினியின் தந்தை, நேராக அஜித்திடமே சென்று என் பெண்ணை ஒன்றும் செய்துவிடாதே விட்டுவிடு என சொன்னதாக கூட ஒரு சில தகவல்கள் வெளியானது. அதையும் மீறி காதல் என்னும் கடவுள் இரண்டுபேர் மனதிலும் குடி ஏற இன்று அத்தனை பேரும் மெச்சும் நிஜ ஜோடியாக (அஜித்தும் நல்ல மனிதராகிவிட்டார்.) வாழ்ந்துவருகின்றனர். ஷாலினி எப்படி சிறு வயது முதல் கலக்கினாரோ அதேபோல அவர் தங்கள் ஷாமிலியும் புறப்பட்டார்.

அதுவும் மணிரத்னத்தின் அஞ்சலி திரைப்படத்தில் அறிமுகமான பெருமை கொண்ட ஷாமிலி ஓய் என்னும் தெலுங்குத் திரைப்படம் மூலம் கதாநாயகி என்னும் அந்தஸ்துக்கு உயர்ந்தார். தென்னிந்திய மொழிகளில் இவரின் பிரவேசம் ஆரம்பமாகவேண்டும் என எத்தனையோ பேர் ஏங்க இப்படி ஒரு அறிமுகம் அவருக்கு. அறிமுகப்படத்தில் குடும்ப பாங்கான வேடத்தில் அறிமுகமானவரிடம் நம்மவர்கள் அப்போ கவர்ச்சியா நடிக்க மாட்டிங்களா என்று கேட்க எதற்கும் தான் தயார் என்று தமிழ் சினிமாவிற்கு ஏற்றவர்தான் தான் என்பதை நிரூபித்து விட்டார்.
இதெல்லாம் இருக்கட்டும் தமிழுக்கு வரணுமே. எப்படி அக்காவின் கணவரோடு ஜோடி சேர்ந்து கொஞ்சி குலாவலாமா? முடியாதே.(ஒரு சிலர் தங்கள் மகளை விட குறைந்தவயது நடிகைகள் அல்லது தன்னுடன் நடித்த நடிகையின் மகள் நடிகைகளை ஜோடியாக்கியது வேறு கதை) தமிழில் நடிக்க வைக்கவேண்டுமென பல முன்னணி நிறுவனங்கள் நடிகர்கள் முயற்சிக்க இவர் ஜோடியாகப்போவது யாருடன்?

வேறுயார் தன் அக்காவின் கணவரின் போட்டியாளரும் அக்காவின் முதல் ஹீரோவுமான தளபதியோடு தான்.(ஷாமிலிக்கும் நல்ல எதிர்காலம் இருக்குங்கோ) விஜயின் 51வது படத்தில் கதாநாயகியாக நடிக்கப்போவதாகவும் அந்த படத்தை சித்திக் அல்லது ஜெயம் ராஜா இயக்கலாம் என்று நம்பத்தகுந்த வட்டாரங்கள் தெரிவித்திருக்கின்றார்கள்.(இது தான் குடும்ப ராசியோ என்பது தெரியவில்லை) வாங்கோ ஷாமிலி தளபதியோட கலக்குங்கோ. முடிஞ்சா உங்க மச்சான் தலையோடையும் ஜோடி சேருங்க.(அரசியல்ல இதெல்லாம் சகயமுங்க. ஆஹா இது அரசியல் இல்லை சினிமா என்ன இருந்தாலும் இரண்டும் ஒன்றுதாங்க.)

Read More

விஜய்,அஜித்தை மிஞ்சிய ஆர்யா!

நடிப்பில் நல்லா நடிப்பார். எந்த கதாபாத்திரம் கொடுத்தாலும் அசத்துவார். நடிகராக திறமையானவராக இருந்தாலும் வணிக ரீதியாக பெரிய வெற்றியாளர் இல்லை.அறிந்தும் அறியாமலும் தான் இதுவரை இவரின் மிகப்பெரிய வெற்றிப்படம் ஆனால் அதுதான் முதல்படமும் கூட. ஆனால் நடிப்பில் சிகரம் தொட்டது. பாலாவின் நான்கடவுள் தான் இவரின் நடிப்பு பசியை தீர்த்தது. அப்போதும் அந்தப்படத்துக்கு அதிககாலத்தை செலவழித்த களைப்பு தீரமுதலே படம் பெட்டியைக்கட்டியது.

ஆனால் அதன் பின் இன்னுமொரு பரீட்சாத்தமாக மதராசுப்பாட்டனம் என்னும் சரித்திர படத்தில் நடிக்க தயாராகிவிட்டார். அடுத்ததாக சிக்குபுக்கு படமும் வரபோகின்றது. நடிப்பில் சாதிக்க எவ்வளவோ இருக்கும் போது விஜய் அஜித் கூட செய்யாத ஒரு அரிய முயற்சியை(இது எத்தனை நாளைக்கோ தெரியல) இப்போது செய்யப்போகின்றார். நடிக்கவே நேரம் ஒதுக்க முடியாத நிலையில் இவருக்கு "த ஷோ பீப்பிள்" என்னும் தயாரிப்பு நிறுவனத்தை ஆரம்பித்து படம் தயாரிக்கப்போகின்றாராம்.

படித்துறை என்னும் இந்த படத்துக்கு இளையராஜா இசை அமைப்பது தான் மிகப்பெரிய அதிசயம். முதல் படத்திற்கே இசைஞானி இசை அமைப்பது அவருக்கு வெற்றியே. படமும் வெற்றி அடைந்தால் அதன் பின் நல்ல படங்களை கொடுத்தல் விஜய், அஜித்தை ஆர்யா மிஞ்சுவார்தானே சொல்லுங்க.

Read More

தேவையா இது?இளைய தளபதி டாக்டர் விஜய்க்கு .............

வெற்றிமாலைக்கென்று பிறந்தவனே.......


இன்றோடு உங்களுக்கு முப்பத்தாறு வயதாகின்றது. நடிக்கவந்து ஐம்பதாவது படமும் தொடப்போகின்றீர்கள். எல்லாவற்றுக்கும் உங்களுக்கு இனிய வாழ்த்துக்கள்.

கொஞ்சம் உங்கள் கடந்த கால வாழ்க்கையை நீங்கள் அலசிப்பார்க்கவேண்டும். அப்படி பார்க்கும் போதுதான் நீங்கள் இப்போது எங்கே நிற்கிறீர்கள் அரசியல் தேவையா என்பது தெரியும்.

தாய் ஷோபா மற்றும் தந்தை எஸ்.ஏ.சந்திரசேகருடன் விஜய்.

உங்கள் தந்தை தன்னை ஒரு புரட்சிகரமான இயக்குனராக ஓரளவு வெற்றிகரமான இயக்குனராக நிரூபிக்க, பட்ட கஷ்டங்கள் தெரிந்தவர் நீங்கள். ஒருமுறை நீங்களே ஒரு பேட்டியில், உங்கள் இளவயது கஷ்டங்களை எல்லாம் சொன்னிர்கள். நீங்கள் குழந்தையாக இருக்கும் போதே குடிக்கும் பால் மா இல்லாமல் கஷ்டப்பட்டது, பெட்ரோல் நிலையத்தில் இருந்து படித்தது எல்லாம் உங்களுக்கு நினைவிருக்கும். இதை நீங்களே சொல்லி இருப்பதால் நிச்சயம் நீங்கள் பழசை மறக்காதவர் என்பது தெரிகின்றது.


குட்டி விஜயின் பிறந்தநாள்.

உங்கள் வாழ்வில் நீங்கள் கலகலப்பானவர் ஆனால், தங்கையின் இழப்பே உங்களை இப்படி மாற்றியது என்பதை ஏற்கின்றோம். இந்த அமைதி பக்குவம் எல்லாருக்கும் வராது. லயோலா கல்லூரியில் படிக்கும் போதே கல்லூரிக்கு "கட்" போட்டிட்டு உங்கள் தலைவர்(இப்போ இவர் யாரென கேட்கக்கூடாது) ரஜினியின் படம் பார்க்காப்போனது எல்லாம் உங்களுக்கு சுவையாக இருக்கும். ஆனால் அதுதான் பின்னர் உங்கள் சினிமா வாழ்க்கைக்கு அடித்தளமிட்டது என்பது உண்மையே.



தமிழ் திரையில் சொந்தக்காலில் விஜய்.


உங்கள் தந்தை இயக்குனர், தாய் தயாரிப்பாளர், கதாசிரியர், பாடகி இப்படி இருக்கும்போது நீங்கள் சினிமாவிற்கு வந்தது ஒன்றும் ஆச்சரியமில்லை. ஆனால் பலர் சொல்வது போல உங்கள் தந்தை மற்றும் தாய் ஆரம்பத்தில் உங்களை தாங்கிப்பிடித்து வளர்த்ததை நீங்களும் ஏற்கத்தான் வேண்டும். அதுமட்டுமில்லாமல் அதனாலே மட்டும் நீங்கள் இன்று இந்த நிலைக்கு வந்தீர்கள் என்பது ஏற்கமுடியாது. வாரிசாக மட்டும் இருந்தால் ஜெயிக்கமுடியாது. திறமையும் வேண்டும், அந்த திறமை இருப்பதால் தான் இன்று உங்கள் நிலை இப்படி.


தளபதியும் இளையதளபதியும்....... ஒரேமாதிரி யோசிப்பாங்களோ?

அண்ணாமலை திரைப்படத்தில் இடம்பெற்ற காட்சியை உங்கள் தந்தைக்கே நடித்து காட்டி ரஜினிதான் உங்கள் குரு என சொல்லாமல் சொல்லி நடிக்க வந்த நீங்கள் அறிந்தோ அறியாமலோ அவரை பின்பற்றியது ஆச்சரியமில்லை.(ஏனெனில் ஒரு துறையில் ஒருவரை நாங்கள் ரசிக்கும் போது அதே துறைக்கு நாம் வந்தால் அவர் பாதிப்பு நம்மிடம் வரும் என்பது தவிர்க்கமுடியாததே.) அப்படி இருக்கும் போது ஒரு சில தனித்தன்மைகளோடு உங்கள் படங்களை கொடுக்கின்றீர்கள்.

திருமணக்கோலத்தில் இலங்கைமண்ணின் மகள் சங்கீதாவுடன்.

உங்கள் திரைபிரவேச காலத்தில் நீங்கள் நடித்த சில திரைப்படங்கள் இன்று நீங்களே பார்க்கும் போது ஏன் நடித்தோம் என உங்களுக்கு தோன்றும். (உதாரணம் மாமிக்கு "soap" போடும் நல்ல தரமான காட்சிகள்.) ஆனால் அதை எல்லாம் இப்போது பேசுவதை விட காலம் கடந்தும் நிற்கும் படத்தை கொடுப்பதே உங்களுக்கு நல்லது. பொதுவாக நீங்கள் நடிக்கும் படங்கள் பெரிதாக கதை இருப்பதில்லை. ஆனால் ஏதோ சுவாரஷ்யம் இருக்கும். உங்கள் வெற்றியும் அதுதான், உங்கள் தோல்வியும் அதுதான்.


அன்றும் இன்றும் ஒரு சில வித்தியாசங்களுடன்.

இதிலே முக்கியமான விடயம் என்னவென்றால் நீங்கள் ஒரு குறிப்பிட்ட காலத்தின் பின்னர் நடித்த பல திரைப்படங்கள் முதலுக்கு மோசமில்லாமல் ஓடியதுதான். இன்று பெரும் விமர்சனத்தை சந்தித்த வில்லு, குருவி படங்கள் கூட யாரையும் ஏமாற்றவில்லை. உங்களின் மிகப்பெரிய வெற்றி அதுதான். அதனால் தான் உங்களுக்கு எம்.ஜி.ஆர்,ரஜினி என்ற ஜாம்பவான்களுக்கு பிறகு வசூல் நாயகனாக ஒரு இடத்தை மக்கள் கொடுத்திருக்கின்றார்கள். அதை புரிந்து நீங்கள் உங்களை வளர்த்துக்கொள்ள வேண்டும்.

சிறுவயதில் விஜய்.

பொதுவாக நீங்கள் தோற்றத்தை மாற்றாது ஒரே தோற்றத்தோடு ஒரேமாதிரியான படத்தை கொடுத்தாலும் முன்னணி கதாநாயகனாக வலம் வருவது சாதாரண விடயமில்லை. அதாவது உங்கள் படம் ஓடுவது உங்களுக்காக மட்டும்தான் என்பதை நிரூபித்து நிற்கின்றது. அதிலும் கதை சேர்த்து நடித்தால், நீங்கள் இன்னும் உங்களை உயர்த்தலாம் என்பது உங்களுக்கு தெரியாதா?. ஆரம்பகால உங்கள் படங்கள் பலத்த விமர்சனத்துக்கு உள்ளானாலும் அதன் பின்னர் அதை எல்லாம் மாற்றி இன்று தாய்க்குலத்தின் மதிப்பை வென்ற ஒருவர் நீங்கள் தான். சிறுவர்கள் முதல் பெரியோர் வரை அத்தனை பேரையும் திருப்திப்படுத்தி கட்டி வைத்திருப்பது என்பதும் ஒரு சாதனையே.

டாக்டர் பட்டம் ஷங்கருடன். எஸ்.ஏ.சியின் இரண்டு மாணவர்களும்.

நீங்கள் செய்த சமுகசேவைகள் இன்னும் அளப்பரிய சேவைகளை(என்ன என கேட்கக்கூடாது.) எல்லாம் பாராட்டித்தான் உங்களுக்கு டாக்டர் பட்டம் கொடுத்தார்கள். ஆனால் அதுவே இன்று உங்களை இங்கே கொண்டுவந்து விட்டிருக்கின்றதா என்பதே என் கேள்வி. நன்றாக போய்க்கொண்டிருந்த உங்கள் திரைப்பயணத்தில் அண்மையில் பல சறுக்கல்கள். அதை திருத்தி கொடுக்கும் அக்கறையே இல்லாதவர் போல உங்கள் நடவடிக்கைகள் இருக்கின்றது. அடிமட்ட ரசிகர் முதல் அவுஸ்ரேலிய அரசியல் தலைவர்கள் வரை உங்களை ரசிக்கின்றார்கள்.(இந்திய சஞ்சிகை ஒன்றில் பார்த்தேன்) அப்படி இருக்கும் போது தரமான படங்களை கொடுக்கவேண்டாமா?


கிடைச்சது இதுமட்டும் தானுங்கண்ணா.......


ஒரு காலத்தில் உங்களுக்கு நடனம் தெரியாதென நடன இயக்குனர் திட்டியதால் அதன் பின் உங்கள் முயற்சியினால் தானே இன்று நடனத்தில் உங்களை யாரும் அடிக்க முடியாவில்லை. அதேபோல கதையிலும் உங்கள் நடிப்பிலும் கவனம் செலுத்தலாமே.(நான் இயக்குனர்களை நம்புறன் அவங்க தான் கவுத்து விடுறாங்க என சொல்லாதிங்க.)

உங்களின் படிக்கல். அப்போது ஏற்றிவைத்தவர். இப்போது இறக்கியும் விடுகின்றார்.

சினிமாவில் உங்கள் வெற்றிக்கு மிகப்பெரிய காரணம் உங்கள் தந்தை என்பதை மறுக்கமுடியாது. உங்கள் ஆரம்பகாலத்தில் அவர் எடுத்த சில முடிவுகள் உங்களை இன்று சிகரத்தில் வைத்திருக்கின்றது. அதை இன்றும் நம்பிக்கொண்டிருக்கின்றீர்கள். ஏன்??????? இவ்வளவு அனுபவம் எத்தனையோ பிரச்சனைகளை எல்லாம் பார்த்து வெற்றி தோல்விகள் எல்லாம் பார்த்த நீங்கள் ஏன் முடிவெடுப்பதற்கு இன்னும் குழம்புகின்றீர்கள். நீங்கள் குழம்புவதோடு ரசிகர்களையும் குழப்புகின்றீர்கள். ஆனால் உங்களை குழப்புவது என்னவோ உங்கள் தந்தை தான். அவரை கொஞ்சம் யோசித்து பார்க்க சொல்லுங்கள். ஒழுங்காக மைக் பிடித்தது பேசத்தெரியாத உங்களுக்கு எதுக்கு அரசியல்.
இந்தியாவே விஜய்க்கு பின்னாலயாம்!!!!!!

மகனை முதல்வராக்கிப்பார்ப்பது அவருக்கு ஆசையாக இருக்கலாம். ஆனால் நீங்கள் சினிமாவில் சாதிக்க இன்னும் எவ்வளவோ இருக்கின்றது. உங்களுக்கு தெரிந்த அந்த துறையில் முதலில் சாதனை நாயகானாக முன்னுக்கு வாருங்கள். ஒரு காலத்தில் ஸ்டார் பட்டத்தின் மேல் இளம் நடிகர்களுக்கு இருந்த ஈர்ப்பு இப்போது உங்கள் தளபதிப்பட்டம் மேலேதானே. அது ஏன் உங்களுக்கு புரியவில்லை. தமிழ் சினிமாவில் நீங்கள் இன்னும் உழைத்தால் உங்களுக்கு ஒரு சிகரத்தை தர ரசிகர்கள் காத்திருக்கும் போது ஏன் இப்பட்டிப்பட்ட ஆசை. நடிகர்கள் எல்லாம் அரசியலுக்கு வரவேண்டுமென்றால் அரசியல் என்ன ஆகுமென யோசியுங்கள்.

இவரும் ஒரு வழிகாட்டியா? நடக்கட்டும் நடக்கட்டும்.

எனைப்பொறுத்தவரை நீங்கள் சுயமாக சிந்திக்கவில்லை என நினைக்கின்றேன். உங்களுக்கு பிடிக்காத இந்த அரசியலில் உங்கள் தந்தையின் வலுக்கட்டாயத்தால் தான் இறங்க முடிவெடுத்தீர்கள் என நினைக்கின்றேன். இப்போது நீங்கள் அந்த முடிவை பிற்போட்டிருப்பது சந்தோசம். இந்த இடைப்பட்ட காலத்தில் யோசித்து நல்ல முடிவெடுங்கள்.

இப்பிடி கூடும்போதே திட்டம் தீட்டுவாங்களோ?

ஏராளமான ரசிகர் பலம், அரசியல் பலம் இருக்கும் ரஜினியே அரசியலுக்கு வர தயங்கும்போது உங்களுக்கு ஏன் இந்த அவசரம். ஆனால் நீங்கள் ரஜினியின் விசிறி என நிரூபிக்கின்றீர்கள். அதுதான் அரசியக்கு வருவேன்.......ஆனால் வரமாட்டேன்.


உன்னால் முடியும் என்பது உங்களுக்கும்தான் விஜய்.(நல்ல படங்களை கொடுப்பதை சொன்னேன்.)

உங்களுக்கு அரசியல் வேண்டாம். சினிமாவே போதும் ஆனால் அதிலும் ரசிகர்களை சோதிக்காமல், உங்களை பற்றி வரும் விமர்சனங்களை எல்லாம் உடைக்கும் படி உடனடியாக மிகப்பெரிய வெற்றியைக் கொடுக்கவேண்டியதே இப்போதைய காலத்தின் தேவை. அதுமட்டுமன்றி ஐம்பதாவது படத்தை ஒரு பிரமாண்ட வெற்றிப்படமாக கொடுப்பதே இதுவரை உங்களை நம்பிய ரசிகர்களை நீங்கள் திருப்திப்படுத்த ஒரே வழி. உன்னால் முடியும் என கொடியில் பதித்திருக்கும் உங்களாலும் முடியும் என்பதை தலைவரான நீங்கள் முதலில் நம்பவேண்டும். எனவே கொஞ்சம் சிரத்தை எடுத்தால் உங்களை விஞ்ச எவரும் இல்லை. வெற்றிமாலை உங்கள் தோள்களில் ஆடாமல் போக வாய்ப்பும் இல்லை. அதை விட்டுவிட்டு எனக்கும் silence சொல்லிவிட்டு நீங்கள் வேண்டாத துறைதான் வேண்டுமென போனால் அங்கே உங்களுக்கு silence சொல்ல நிறையபேர் காத்திருப்பார்கள்.

Read More