மாம்பழத்துக்கு சண்டையிட்ட அக்மல் சகோதர்கள்.

வணக்கம் மக்கள்ஸ், என்னுடைய கடந்த பதிவிற்கு வாக்குப் போட்டு என்னை உற்சாகத்தின் உச்சியில் ஏற்றிவிட்டதற்கு எல்லோருக்கும் முதலில் நன்றி. பதிவெழுத தொடங்கி நான் பெற்ற அதிகூடிய வாக்குகளில் மூன்றாவதாக இருக்கின்றது அந்த பதிவு. ரொம்ப சந்தோசம். இந்த பதிவை இன்னும் தாமதித்து இடலாம் என்று எண்ணினேன் காரணம் இன்னும் கடந்த பதிவிற்கு வரும் நண்பர்கள் வந்து கொண்டே இருக்கின்றார்கள். வாக்கும் இடப்பட்டுக்கொண்டிருக்கின்றது. ஆனால் இப்போ பதிவிடக் காரணம் இன்று இறுதிப்போட்டி நடை பெற இருக்கும் நிலையில் அதற்க்கு முன் இந்த பதிவை இடுவதே மிகப்பொருத்தமாக இருக்கும் சுவாரஷ்யமாக இருக்கும் என எண்ணினேன் இதோ வந்துவிட்டது.

வழக்கம் போல என்ன கேட்கப்போகின்றேன் பிடித்திருந்தால் வாக்குப் போடுங்க பிடிக்காட்டி திட்டிட்டு போங்க. மறந்தும் மனசாட்சிக்கு மாறாய் செய்திடாதிங்க.

Read More

23 வருடங்களின் பின் இறுதியில் மோதும் இங்கிலாந்து - அவுஸ்திரேலியா.

மேற்கிந்தியாவில் நடை பெற்றுக்கொண்டிருக்கும் T20உலக கிண்ண போட்டிகள் நிறைவுக்கு வரும் நாளில் மோதப்போகும் அணிகள் தெரிவாகிவிட்டன. பல கிரிக்கெட் மேதாவிகள் விமர்சகர்கள் எங்களைப் போன்ற எறும்பு பிடித்து விட்டு கணித்த சாமியார்கள் என எல்லோரையும் ஏமாற்றி முதல் முறையாக உலக கிண்ணத்தில் ஆசிய நாடு தவிர்ந்த இரண்டு நாடுகள் இறுதிப்போட்டியில் மோத இருக்கின்றன.

மீண்டும் இந்தியா பாகிஸ்தானிடம் இருந்து கிண்ணத்தை பறிக்கும் என்று ஒரு சாராரும் இல்லை இல்லை மீண்டும் பாகிஸ்தானே வைத்துக்கொள்ளும் என்று இன்னொரு தரப்பும், இன்னொரு ஆசிய நாடு இலங்கை இம்முறை அதை பார்த்துக்கொள்ளும் என்று மற்றொரு சாராரும் நீங்கள் என்ன தான் சொல்லுங்க இந்த முறை ராசி இல்லை என்பதை எல்லாம் உடைத்து தென் ஆபிரிக்கா அல்லது நியூசிலாந்து எடுக்கும் என்றும் எட்டாக்கனிய இம்முறை அவுஸ்திரேலியாவே பறிக்கும் என சொன்ன பலரில் இப்போது ஒன்றே ஒன்றுக்கு மாத்திரமே வாய்ப்பைக் கொடுத்துவிட்டு இறுதிப்போட்டிக்காக காத்திருக்கின்றது சென் லூசியா மைதானம். மேற்கிந்திய ஆடுகளங்கள் துடுப்பாட்டத்துக்கு எந்தளவு ஒத்துழைக்கும் என்ற கேள்வியையும் தாண்டி இந்த திருவிழா நிறைவடையப்போகின்றது. லீக் ஆட்டங்கள் எந்த பரபரப்பும் இன்றி மழையுடன் சேர்ந்து ஆடப்பட்டு எதிர்பார்க்கப்பட்ட அணிகள் சூப்பர் எட்டு ஆட்டத்துக்குள் வந்தன. முதலிலே வெளியேறப் போகிறது என அதன் ஆட்டத்தை வைத்து கணிக்கப்பட்ட பாகிஸ்தான் இன்றைய போட்டியின் இறுதி மூன்று பந்துகள் வரை இந்த முறையும் இறுதிப்போட்டிக்கு செல்லும் அணியாக மாறியது. ஆனால் இது பெரும்பாலும் அவர்களுக்கு இருந்த அதிஸ்டமே. காரணம் சாம்பியன்கள் போல அவர்கள் ஆட்டம் இருக்கவில்லை. இறுதிக்கு வர என்னை பொறுத்தவரை பாகிஸ்தான் அணிக்கு இந்த முறை தகுதி இல்லை. அடுத்தவன் போட்ட பிச்சையில் உள்ளே நுழைந்து கிண்ணத்தை எடுத்தால் தொடர் முழுவதும் சிறப்பாக ஆடும் அணிகள் என்ன செய்வது. எனவே அரை இறுதியில் பாகிஸ்தானுக்கு அவுஸ்திரேலியா கொடுத்த அடி மகா அடியே.

பெரிதும் எதிர்பார்க்கப்பட தென் ஆபிரிக்கா அடிமேல் அடி வாங்கி வெளியேறி விட்டது. ஆரம்பத்தில் அசுர ஆட்டம் ஆடினாலும் பின்னைய இவர்களின் ஆட்டம் உப்பு சப்பு இல்லாமல் போய்விட்டது. புது இரத்தம் கொஞ்சம் பாய்ச்சுவது நல்லது. மறு புறம் கறுப்புக் குதிரைகளின் சோகம் தொடர, அவர்களும் வெளியேறினர். சிங்கங்கள் விண்ணர்கள் என சொல்லப்பட்ட இந்தியாவோ மரண அடியும் அவமானமும் சேர ஓட ஓட விரட்டி அடிக்கப்பட்டது. இந்தமுறை கிண்ணம் வெல்ல ஒரு தகுதியான ஆட்டம் கூட வரவில்லை இவர்களிடம் இருந்து. மறுபக்கம் இந்தியா இலங்கை பிச்சை போட்டால் தாங்கள் கோடீஸ்வரர் என்ற நிலையில் ஆடிய மேற்கிந்தியா சொந்த நாட்டிலேயே பல்லுக்கழற்றப்பட்ட ஒரு போட்டியாக சூப்பர் எட்டு ஆட்டங்களின் இறுதிப்போட்டியை ஆடி வெளியேறினர்.

இவை எல்லாம் இப்படி சொதப்பல் மேல் சொதப்பி வெளியேற உள்ளே வந்தஅணிகள் எப்படி வந்தன என்றால் பாகிஸ்தானின் வண்டவாளத்தை பற்றி சொல்லி விட்டேன். அடுத்து நம் இலங்கையர்கள் சனத் ஜெயசூரிய என்ற அற்புத வீரர் இப்போது செத்த பாம்பாக ஆட ஒட்டு மொத்தமாக மகெலவை நம்பி ஆடிய இவர்களுக்கு மற்ற வீரர்கள் சில நேரங்களில் கைகொடுத்தாலும் இம்முறை அணியை தாங்கியது மகேலதான் லீக்கில் தாடுத்தடுமாரி ஆடி சூப்பர் எட்டில் நுழைந்தவர்கள் வீறு கொண்டு எழுவார்கள் என்றால் அவர்கள் செய்ததை பார்த்தல் எரிச்சல் தான் வந்தது. சூப்பர் எட்டில் மேற்கிந்தியாவை வென்று நம்பிக்கையோடு காத்திருந்தவர்களை சுருட்டிப்போட்டது அவுஸ்திரேலியா. இந்த போட்டியில் முதலில் இலங்கையால் கட்டுப்படுத்தப் பட்ட அவுஸ்திரேலியா ஹசியின் அற்புத ஆட்டத்தால் மீள எழுந்து மடக்கியது. இதனால் இந்தியாவுடன் ஆடும் போட்டியில் வென்றால் தான் வாழ்வு என்ற நிலையில் வேங்கைகள் போல ஆடி அந்த போட்டியில் வென்று அரை இறுதிக்குள் நுழைந்தார்கள். அந்தப் போட்டியில் பெற்ற வெற்றி அற்புதமானது அபாரமானது. ஆனால் போட்டியின் பின் சங்ககார சொன்னதை நினைக்கும்போது அந்த வெற்றி அசிங்கமானதாக எனக்கு தோன்றியது. அதாவது தாங்கள் முதலில் குறிப்பிட்ட அந்த ஓட்டங்களை எடுத்து இந்தியாவை வெளியேற்றுவதே குறிக்கோளாக ஆடினோம் என்றார். முன்னணி வீரர்கள் ஏமாற்ற இளைய மத்தியூஸ்,கபுகேதரவின் அபார ஆட்டத்தில் வென்ற அந்த போட்டியை இப்படி சொல்லி கேவலப்படுத்தியதாக எண்ணுகின்றேன். அணியின் தலைவராக வேறு ஒருவர் மாரப்போகின்றார் என்று பேச்சு இருக்கின்றது. உண்மையில் நல்ல விடயம் சங்கா தலைமையில் சில போட்டிகளில் அணி நன்றாக ஆடினாலும் ஏனோ ஒரு குறை இருந்து கொண்டே இருக்கின்றது. சங்கா என்னும் நல்ல வீரரும் காணாமல் போய் அனாகரிகமாகிவிட்டார்.

மறுபக்கம் எந்த தடுமாற்றமும் இல்லை. எந்த தடங்களும் இன்றி தாங்கள் ஆடிய போட்டிகளில் அபார வெற்றிகளை அசுர பலத்துடன் பெற்று இங்கிலாந்தும்(லீக் ஆட்டத்தில் மேற்கிந்தியவுடன் டக்வேர்த் லூயிஸ் முறையில் தோற்றாலும் அந்த போட்டியில் குவித்த ஓட்டங்களை மறக்ககூடாது.) அவுஸ்திரேலியாவும் அரை இறுதியை எட்டின. இதில் இங்கிலாந்தின் வெற்றி ஆர்பாட்டம் இல்லாமல் பெறப்பட அவுஸ்திரேலியா தன வழக்கமான ஸ்டைலில் அடக்கி ஒடுக்கி

வென்று வந்தது.

இந்த நிலையில் தான் நடை பெற்ற முதலாவது அரை இறுதிப் போட்டியில் இம்முறை கிண்ணம் வெல்ல தமக்கு எந்த தகுதியும் இல்லை. தாங்கள் வேறு அணிகள் உள்ளே வர முடியாத நிலையில் உள்ளே வந்துவிட்டோம் என சொல்லாமல் சொன்னனர் இலங்கை வீரர்கள். வழக்கம் போல சனத் சாக்கடை அட்டம் ஆட மஹேல ஏமாற்றிவிட்டார். இனி அதோ கதிதான் என்று வீரர்கள் அணிவகுப்பு நடத்த மத்தியூசின் காப்பாற்றல் ஆட்டம் காரணமாக ஓரளவு ஓட்டங்களை பெற முடிந்தது. இல்லையேல் நூறு ஓட்டங்களை கூட பெற்றிருக்க முடியாது. இந்த நிலையில் தன முதலாவது குழந்தை மண்ணில் பிறந்ததை பார்த்துவிட்டு வந்த பீட்டர்சன் இங்கிலாந்து அணிக்கும் தான் ஒரு தந்தை என்பது போல ஒழுங்காக துடுப்பாட்டத்தில் வழிநடத்தி வெற்றி பெற்றுக்கொடுத்தார்.

இதன் மூலம் வரலாற்றில் முதன் முறையாக இறுதிப்போட்டி ஒன்றில் இங்கிலாந்து ஆட இருக்கின்றது. அதேநேரம் கடந்த ஆறு வருடங்களில் இங்கிலாந்து ஐ.சி.சி நடத்தும் ஒரு பெரிய தொடரின் இறுதிப்போட்டியில் ஆடுவது இதுதான் முதல் முறை. இதுவரை எந்த ஒரு பெரிய கிண்ணமும் பெறவில்லை என்ற வெறியோடு இங்கிலாந்து வீரர்கள் நேர்த்தியாக ஆடிவருகின்றனர். பதற்றம் இன்றி அவர்கள் ஆடும் அழகுதான் வெற்றியை தேடிக் கொடுக்கின்றது. நீண்ட காலத்தின் பின் இறுதிப் போட்டி ஒன்றில் ஆடும் இவர்கள் கிண்ணம் வென்று தங்கள் கறுப்பு சரித்திரத்தைஅழிப்பதோடு புது சரித்திரம் படைக்க காத்திருக்கின்றார்கள்.

மறு பக்கம் இரண்டாவது அரை இறுதியில் மோதிய பாகிஸ்தான் இறுதி ஓவர் வரை வெற்றியை தன கையில் வைத்திருந்து தாரை வார்த்து விமோசனம் தேடிக்கொண்டது. மறு புறம் அவுஸ்திரேலியாவோ மன்னிக்கவும் இதில் ஹசியை தனியே குறிப்பிடுவது பொருத்தம் ஹசி என்னும் அற்புத கிரிக்கெட்டரால் முதன் முறையாக இருபது ஓவர் போட்டிகளின் உலக கிண்ண இறுதி ஆட்டத்தில் நுழைந்துள்ளது. இறுதியில் இவர்கள் வென்றாலும் அது புது சரித்திரம் தான். காரணம் ஐ.சி.சி. நடத்திய அத்தனை பெரும் தொடர்களிலும் சாம்பியன் ஆனா அணி இங்கே விட்ட குறையை தீர்த்துக் கொள்ளும். மீண்டும் இறுதிப்போட்டியில் நுழைந்து பாகிஸ்தான் வரலாறு படைக்கும் என எண்ணிய நிலையில் அவர்கள் வாயில் மண்ணை போட்டுள்ளது ஆஸி. ஆரம்பத்தில் அதிரடியாய் ஆட்டி அற்புதமாக ஓட்டங்கள் குவித்த பாகிஸ்தான் பந்துவீச்சிலும் அசத்தி அவுஸ்திரேலியாவுக்கு சாவு மணி அடித்துக்கொண்டிருக்க தனி மனிதனாக ஹசியின் ஆட்டம் எல்லாவற்றையும் மாற்றியது. ஹசி தன வாழ் நாளில் மறக்க முடியாத இன்னிங்க்ஸ் அது. கனவான்களின் ஆட்டம் என்று வர்ணிக்கப்படும் கிரிக்கெட்டில் நிச்சயம் நான் பார்த்த ஒரு கனவான துடுப்பாட்டம் அது. இறுதி பதினாறு பந்துகளில் ஐம்பத்தாறு ரன்கள் .வெறும் இருபத்திநான்கு பந்துகளில் ஆட்டமிழக்காமல் அறுபது ஓட்டங்கள். இதில் ஆறு ஆறு ஓட்டங்கள் வேறு. இறுதி ஓவரில் பதினெட்டு ஓட்டங்கள் தேவை என்ற நிலையில் இறுதி ஓவரை எதிர்கொண்டது மிச்சல் ஜோன்சன் எனவே பாகிதானுக்கு தோல்வி இல்லை என எல்லோரும் நம்பியவேளை முதல் பந்தில் ஜோன்சன் ஒரு ஓட்டத்தை தட்டி விட்ட ஹசி விஸ்வரூபம் ஆரம்பமானது. இரண்டாவது பந்தில் இமாலயமான ஒரு ஆறு ஓட்டம் அடுத்த பந்திலும் அதே அதிரடி, அடுத்த பந்தில் நான்கு ஓட்டங்கள் பெறப்பட இதய வேகம் அதிகரித்தது. மீண்டும் ஒரு இமாலயமான சிக்ஸ்சருடன் பாகிஸ்தானுக்கு சங்கை ஊதினார் ஹசி.

இதுவரை மூன்று தடவி ஐம்பது ஓவர் கிரிக்கெட் போட்டிகளின் இறுதிப்போட்டிக்கு வந்தும் கிண்ணத்தை வெல்லாத இங்கிலாந்து மீண்டும் ஒரு இறுதிப்போட்டிக்கு வந்திருக்கின்றது. சரியாக இருபத்து மூன்று வருடங்கள் கழித்து இந்த இரு அணிகளும் மீண்டும் உலக கிண்ண இறுதிப் போட்டி ஒன்றில் மோத இருக்கின்றன. 2004ஆம் ஆண்டு மினி உலக கின்னப்போட்டிகளில் இறுதிவரை வந்து மீண்டும் ஒரு தோல்வியை சந்தித்து இன்றுவரை பெரிய கிண்ணங்களை கைப்பற்றாத இங்கிலாந்து இம்முறை அந்த பழியை துடைக்குமா? அல்லது எல்லாவகை கிரிக்கெட்டிலும் சாதித்தும் இந்த வகை தனக்கு சரிவராது என ரிக்கி பாண்டிங் ஒதுங்கிக்கொள்ள கிளார்க் தலைமையில் வீறுநடை போடும் அவுஸ்திரேலியா வரலாறை புதுப்பிக்குமா? பொறுத்திருந்து தான் பார்க்கவேண்டும். பலம் என்று பார்த்தால் இந்த தொடரில் இரண்டு அணியும் அசுர பலத்துடன் இருக்கின்றது. ஆனால் சிக்கலான நேரத்தில் சிறப்பாக ஆடுவது அவுஸ்திரேலியாவின் பலம் ஆனால் இதை எல்லாம் தாண்டி இம்முறை சாதனை படைக்குமா இங்கிலாந்து என்பதே அனைவரின் கேள்வியும்.

முக்கிய குறிப்பு: நடு இரவிலும் முழித்திருந்து இந்த இடுகையை இட்டுள்ளேன். எனவே உங்கள் பொன்னான வாக்கை இட்டு அந்த விழிந்திருந்து இட்ட இடுகைக்கு ஒரு அர்த்தம் தந்தால்என்ன?

Read More

இந்தியனுக்கு அவுஸ்திரேலியனை பார்த்தால் பயமண்ணே.

இன்றுதான் T20 பற்றிய என் பதிவை போட்டேன் அது போட்ட மை ஆறும் முன்(எங்கடா இங்கே மை என கேட்கப்படாது சும்மா சொல்லி பழகிப்போச்சு.) இப்போது அடுத்த கிரிக்கெட் பதிவு. காரணம் தொடர்ந்து நான் ஆதரிப்பவர்கள் சொதப்புறாங்க தல. முடியல அழுதிடுவன். இளைய தளபதி விஜய் என்று ஒருத்தர் படம் நடிக்கிறன் என்ற பேர்வழியில் அவர் ரசிகர்கள் எங்களை வெளியே தலை காட்ட விடுறார் இல்லை. மத்தப்பக்கம் பார்த்தா இந்திய கிரிக்கெட் அணி.

கடந்த முறை சொதப்பலை எல்லாம் விட்டிட்டு இம்முறை புது வேகத்தோடதான் வந்திருக்காங்க என்று தென் ஆபிரிக்காவோட மோதின போது தப்புக்கணக்குப் போட்டிட்டனோ. பயலுகளுக்கு ப்ரீத்தியையும், ஷில்பாவையும் கட்டிப் பிடிச்சு பிடிச்சு Bat பிடிக்கிறது மறந்து போச்சண்ணே. அட நெசமாத்தானுங்க இன்று நடந்த போட்டியில முதலில நாணய சுழற்சியில வென்றவர் நம்ம தோணி தாங்க. நல்ல முடிவைத்தான் எடுத்தார் முதலில பந்தை போடிறம் எண்டு. ஆனால் இந்த தலையில கொண்டய் போட்டுக்கொண்டு ஆடுவார் பாருங்க ஆஹ் அம்பானி குடும்ப பொண்ணையே தூக்கினாரே நம்ம பஜ்ஜி மாமா அவருக்கு விக்கெட் எடுக்கிறதெண்டா என்ன எண்டு மறந்து போச்சு. ஆனால் கொஞ்சம் குறைஞ்ச ஓட்டங்களை கொடுத்து நிம்மதி கொடுத்தார்.

அடுத்ததா பாருங்கோ இந்த விக்கெட் விழுந்திட்டா காகம் பறக்கிற மாதிரி மைதானத்திலேயே பறப்பார் ஒரு வெள்ளைக் காக்கா மாமா அட நம்ம நெஹ்ரா தாங்க அவரு பாருங்க இரண்டு அவுஸ்திரேலியாக்காரன்களை அனுப்பி வைச்சாரு ஆனால் முதலில அவங்களுக்கே நல்லாய் சோப்பும் போட்டாரு சாரி சோப்பு இல்லை பந்துதான் இருக்கு. அனால் கடைசியில பாருங்க போட்டார் ஒரு ஓவர் பறவாயில்லை. அட நெசமாத்தான் எனக்கொரு சந்தேகம் அண்ணே தோணி இந்த கோவா படம் பார்த்து ஏதும் பாதிக்கப்பட்டுட்டாரோ ஏன் சார் ஒரு பக்கம் அசின் வீட்டுக்கு போறிங்க ஒண்ணுக்குள்ள ஒண்ணாய் இருக்கிங்க அப்புறம் எதுக்குங்க இந்த ரவீந்தர் ஜடேஜா என்ற பயலை எப்ப பார்த்தாலும் பொக்கட்டுக்குள்ள போட்டுக்கொண்டு அலையிறிங்க. துடுப்பாடமும் சரியில்லை பந்துவீச்சும் பல்லுக்கழண்டு போச்சு. இரண்டு ஓவர்ல கிட்டத்தட்ட நாற்பது ஓட்டங்கள் கொடுத்து பயபுள்ள அவனுங்களுக்காக விளையாடினான். நல்ல காலம் இரண்டு ஓவரோடவேரோட நிறுத்திடானப்பு. அடுத்ததா சகீர் கான் மாமா இவர்தான் பந்து வீச்சாளர்களுக்கு குருவாம். அட அட அட அதுதான் எல்லோரும் இப்படி போடான்களோ. அண்ணே இது இருபது ஓவர் போட்டி என்ற நினைப்பே இல்லாமல் நல்லாய் போடிறார் எவ்வளவுதான் அடிச்சாலும் நம்ம வடிவேலு மாதிரி வலிக்காத மாதிரியே காட்டிக்கொண்டு நல்லாய் போட்டார். இதிலே இருந்து சொல்லிக்கொள்வது என்னவென்றால் தோணி கூல் கப்டன் இல்லை, கூமுட்டை கப்டனுங்க. என்னை விட்டிருந்தாலே எப்போ எந்த பந்துவீச்சாளரை போடணுமென போட்டிருப்பன்.யூசுப் பதான் யுவராஜ் என்று இரண்டுபேர் ஓரளவு போட்டானுக.

அட பாருப்பா அந்த வார்னர் தான் தான் வானுக்கு சொந்தகாரன் என்பது போல தூக்கி தூக்கி போட்டான். அடுத்த பக்கம் வாட்சன் தான் Bat Son(Batன் மகன்) என்று சொல்லி சொல்லி அடிச்சான். ரொம்ப வலிச்சுதுங்க. இதில வேற நம்ம கான்கொன் பின்னூட்டத்தில வேற சொன்னான் மரண அடி இருக்கெண்டு நான் பார்த்தண்டா பார்த்தன் அந்த மரண அடியை. ஆனால் பாருங்க அந்த இரண்டுபேரும் போன பிறகு இவனுங்க கொஞ்சம் அடங்கிட்டாங்க. முதலே இவன்களை தூக்கி இருக்கணும் இல்லாட்டி வயித்தால போறமாதிரி ஏதும் கொடுத்திருகலாமேடா?

சரி நூற்று எண்பத்திநாலு தானே சாவ்லாவை நிறுத்திட்டு ரோஹித் ஷர்மாவை கொண்டுவந்து எட்டுப்பேரை துடுப்பாட்டக்காரனாய் தறுதல தோணி கொண்டுவந்தார். அட ஒபெனிங் நம்ம விஜயும் கம்பீரும், விஜய் என்ற பெயரை வைத்திருப்பதாலோ என்னவோ நேரம் அண்ணருக்கு சரில்லை. டெஸ்ட் மேட்ச் போல தொடங்கிட்டான் பாவிப்பயல். இதைவிட மொகமத் யூசுப்பே பறவாயில்லை ராசா. கொஞ்சம் பாத்து ஆடு இல்லாட்டில் அடுத்த ஐ.பி.எல் நீ காலிடா. ஆனால் பாருங்க ரொம்ப நேரம் அவன் நம்மள சோதிக்கல பயப்புல்லைக்கு வேற வேலை போல போய்டான் . போனமுறை வயித்தால போனதால வராமல் போன கம்பீராவது இந்த முறை இந்த திமிர் பிடிச்ச அவுஸ்திரேலியன்களுக்கு வயித்தால போறமாதிரி அடிப்பான் எண்டு பார்த்தா இவனுக்கு அதுக்குள்ளே வந்திட்டுதாம் போய்ட்டான்.

வேற யாரு அடுத்தது நம்ம ரன் மழைதாங்க வந்தது. பச்சப்புள்ள பயமில்லாமல் அடிப்பான் என்று பார்த்த சூனியம் வைச்சிட்டங்கள் அவங்கள். பாத்திங்களா சூனியம் வைச்சிட்டாங்கள் சின்ன புள்ளை எல்லா பயந்து தூக்கி இந்தா பிடி என்னை ஒன்றும் செய்திடாத என்று கொடுத்திட்டு போய்டான். பறவாயில்லை என் மச்சான் இருக்கான் தானே(ப்ரீத்தி நம்மாளு எண்டா யுவராஜ் மச்சான் தானே) ஆறு பந்தில ஆறு சிக்ஸ் அடிச்ச வீரனாச்சே இண்டைக்கு அடிச்சு தொலைச்சிடுவான் என நம்பினால் அய்யய்யோ என்னை பாத்து தம்பி என்டிட்டாலே நான் என்ன செய்வேன் ஏது செய்வேன் இவளை எப்பிடி இனி பிக் அப் பண்ணிறது என்ற யோசினை வர அவனும் புட்டுக்கிட்டான் ராசா. அவ்வ்வ்வவ்....

யூசுப்பதானும் ஏமாத்திட்டான் நம்ம தோனியின் கைப்புள்ள கோவா புகழ் ரவீந்தர் ஜடேஜாவும் தோணி கேட்டதால அவசரமா திரும்பிட்டான் ஆனால் பாருங்க என் செல்லம்(நிஜமாவே என் செல்லம் பேருக்கு கிட்ட வந்திட்டியே) ரோஹித் ஷர்மா அடி பின்றான்யா? நிசமா இன்னொருத்தன் கைகொடுத்தால் பந்தும் கூட இருந்தால் இவன் தனியவே வென்று கொடுத்திடுவான். ஐ லவ் யூடா செல்லம். அட நெசமாவே எனக்கு சில சந்தேகம் ஏனுங்க இந்த ஊத்தை அப்பா என்று ஒருத்தர் இருந்தாரே அவரை அணிக்குள் எடுத்திருக்கலாமே தெரிவுக்குழு. ஆடுங்க ஆடுங்க அடங்கபோரிங்களா இல்லை எழும்பப்போரிங்களா எண்டு அடுத்த போட்டிகளில் பார்ப்பம்.

ஆனால் ஒன்று மட்டும் தெளிவாய் தெரிது இந்த இந்தியப்பயலுகளுக்கு(இந்திய நண்பர்களே இது இந்திய கிரிக்கெட் அணியை மட்டுமே குறிப்பிடுகின்றது உங்களை காயப்படுத்தினால் மன்னித்துக்கொள்ளுங்கள்.) அவுஸ்திரேலியாக்காரன்களை பார்த்தால் வயித்தக்கலக்கிற மாதிரி பயம் போல கிடக்கு. இல்லாவிட்டால் இப்படி முக்கியமான போட்டிகளில் சொதப்புவானுகளா? ஒரு இந்திய கிரிக்கெட் அணியின் ரசிகனாக என் ஆதங்கப்பதிவு இது.

Read More

பொண்டிங் கையில் மீண்டும் பூமாலை.

எல்லோரும் எதிர்பாத்துக்கொண்டிருந்தது போல இன்றைய இரவுப்பொழுதில் வேலைக்களையையும் மீறி நான் தொலைக்காட்சிப்பெட்டிக்கு முன்னால் இருந்து தான் இந்த பதிவை இடுகின்றேன். வழக்கமாக வீட்டுக்கு போனால் இணையதளம் தான் தஞ்சம். இன்று வீட்டுக்காரரின் நித்திரையையும் கெடுத்து கிரிக்கெட்டோடு ஒன்றிவிட்டேன்.

மாலை அலுவலகத்தில் இருக்கும் போதே அந்த அதிர்ச்சியான செய்தி இன்று டானியல் வெட்டோரி விளையாடமாட்டாரென. ஒரு கணம் கவலை. இந்த கர்வம் பிடித்த அவுஸ்திரேலியர்களுக்கு முடிவுகட்ட எவனும் வரமாட்டானா என்று. ஆரம்பத்தில் இந்தியா தென் ஆபிரிக்காவையும் அதன் பின் அபார ஆட்டத்தால் எல்லோரையும் கலக்கிய பாகிஸ்தானையும் நம்பிய நான் இன்று நியூசிலாந்தை நம்பி இருக்கின்றேன். ஆனால் உள்மனதில் நான் நினைத்து விட்டேன் மறுபடி குரங்கு மன்னிக்கவும் பாண்டிங் கையில் பூமாலை என்று.

ஏற்கனவே போஸ் கொடுத்தாச்சு இனி எதுக்கென ஒதுங்கிட்டாரோ?

அதற்கேற்றால் போலதான் மக்கலம் நாணய சுழற்ச்சியில் வென்றவுடன் அவுஸ்திரேலியாவை களத்தடுப்பில் ஈடுபட சொல்லிவிட்டு தானாட வந்தார். ஆடவந்தவர் ஆடிப்போய் முதல் விக்கெட்டாக ஓட்டம் எதுவும் பெறாமல் வெளியேறினார். அப்போதே நியூசிலாந்தின் அடித்தளம் ஆட்டம் காண தொடங்கியது. தொடர்ந்து ரெட்மொன்ட்டும் கப்டிலும் இணைந்து அணியை கட்டி எழுப்பினர். இந்த ஜோடியும் பிரிந்த பின் ஒரு சீரான இடைவெளியில் விக்கெட்டுக்களை இழந்த நியூசிலாந்து இருநூறு ஓட்டங்களை தொட்டாலே பெரிய விடயம் என்னும் நிலையில் தட்டு தடுமாறி இருநூறு ஓட்டங்களை பூர்த்தி செய்து திருஷ்டி கழித்தனர்.

தலையானபின் தள்ளாடிய மக்கலம்.

பந்துவீச்சில் கொரிட்ஸ், லீ ஆகியோர் அசத்த ஐ.சி.சி விருது வென்ற ஜோன்சன் சராசரியான பெறுபேறை கொடுத்தார்.ஆடுகளம் பந்து வீச்சுக்கு உகந்தது தான் என்பதை இப்போது அவுஸ்திரேலியர்கள் துடுப்பெடுத்தாடும் போது தெரிகிறது. இடையில் பூச்சிகளின் ராச்சியம் இந்த போட்டியிலும் தொடர்ந்தது.

இருநூறு ஓட்டங்கள் அதுவும் அவுஸ்திரேலியாவிற்கு அதுவும் நியூசிலாந்துக்கு எதிராக அல்வா சாப்பிடும் ஓட்டங்கள் தானே போட்டி விரைவில் முடிந்து விடும் என நான் மட்டுமல்ல என நண்பர்கள் பலர் கூட நினைத்தனர். ஆனால் நானும் மக்கலத்தின் தம்பிதான் என்பது போல பெயினி ஒரு ஓட்டத்துடன் வெளியேற பொண்டிங்க் வந்தார் மனிதராவது அணியை கொண்டு செல்வார் என பார்த்தால் விடுங்கப்பா எனக்கு நிறைய வேலை இருக்கு முடிஞ்சா நீங்க அடிச்சு என் கையில பூமாலையை தாங்க அதுதான் குரங்கு கையில் என்பார்களே தன்னை தானே அப்படி சொல்லிட்டு ஒன்றுக்கும் ஆகாதவன் என தன்னை யாரும் சொல்லக்கூடாதென்பதற்காக ஒரு ஓட்டத்தை பெற்றுக் கொடுத்து விட்டு போய் விட்டார்.

உதவிக்கரம் நீட்டியவர்.

அதற்க்கு பிறகு நியூசிலாந்து விழித்துக்கொண்டது. தொடர்ந்து தன அபார களத்தடுப்பாலும் சிறந்த பந்து வீச்சாலும் அவுஸ்திரேலியர்களை கட்டுப்படுத்தி வைத்து போட்டியை சுவாரஷ்யமாக்கினர். அடடா பொண்டிங்க் குழுவுக்கு கடிவாளம் போடிதே இந்த கறுப்பு குதிரை என எனக்கும் சந்தோசம். இங்கிலாந்திடம் தாண்டவம் ஆடிய வொட்சன் கூட அடக்கி வாசிக்கின்றார் என்ற மகிழ்ச்சி. இதுவெல்லாம் பிடியை மக்கலம் தவற விடும் வரை தான். இனி அதிரடி தான் மச்சான் என முடிவு பண்ணி தொடங்கியவர் வந்த பந்து வீச்சாலர்களுக்கெல்லாம் அடித்து துவைத்தார்.(இதுதான் நான் அடிச்சா தாங்கமாட்டாய் என்ற வேட்டைக்காரன் பாட்டு வரியோ?)

மீண்டும் தடுமாறிய தல.

மறுமுனையில் வயிட் தன பங்குக்கு சிறந்த பங்களிப்பை வழங்க இந்த ஜோடி அணியின் தலை எழுத்தை மற்ற தொடங்கியது. ஒருவாறு மில்ஸ் வயிட்டை அனுப்பி நிம்மதி பெரு மூச்சு விட்டார். பந்துவீச்சில் வெட்டோரி இல்லாதது மிகப்பெரிய பலவீனமாக விளங்கியது. (நம்ம இலங்கை பசங்க முரளி இல்லாமல் விளையாடியது மாதிரி இல்லை இது நிஜமாவே வெட்டோரி காயமுங்க.) மற்றவர்கள் ஏனோ கண்டு கொள்ளாமல் இருக்க மீண்டும் ஹசியை அனுப்பி ஒரு நம்பிக்கையை பிறப்பித்தார். இந்த தொடரில் ஹசியின் சொத்தை ஆட்டம் தொடர்கிறது.

இறுதிவரை நங்கூரமிட்டு நியூசிலாந்தை நசுக்கியவர்.

என்னடா இவன் வெற்றி பெற்ற அவுஸ்திரேலி யர்களை இப்படி தாக்குகிறான் அவர்கள் என்ன குறைந்தவர்களா என நீங்கள் நினைக்கலாம் உண்மையில் அதற்கான தகுதி உள்ள அணிதான் அது. ஆனால் பொண்டிங்க் என்னும் சிறந்த வீரருக்குள் சிறந்த பண்பு இல்லை. எவன் ஒருவன் உயர தன்னை தாழ்த்துகின்றானோ அவனே உயர்வான் என தெரியாமல் அவர் மற்றவர்களிடம் போடும் கூப்பாடும் மற்றைய ஒரு சில வீரர்கள் செய்த சில கர்வச்செயல்களும் தான் பொதுவாக ஆசிய ரசிகர்களிடம் அவர்களின் மதிப்பை குறைத்து விட்டது. இப்போதெல்லாம் யார் வெல்கின்றார் என்பதை விட அவுஸ்திரேலியா தோற்கணும் என்பது பலரின் ஆசை.

வேண்டாமெண்டாலும் நம்ம கையிலேயே குடுக்கிறாங்களே.

பொண்டிங்க் கையில் பூமாலை என இந்த பதிவிற்கு நான் தலைப்பிட காரணம். இந்த தொடர் வென்றவுடன் மீண்டும் பொண்டிங்க் சுய பிரகடனம் செய்வார் நாங்கள் தான் நம்பர் வான். எங்களை எவனாலும் அடிக்கமுடியாது. எனபது மட்டுமன்றி மற்ற அணிகள் சொத்தை என்பது போல கீல்தர்மாக் அவர் கருத்திருக்கும். அதற்க்கேற்ற்ப தான் குரங்கு கையில் பூமாலை கொடுத்தல் எப்படியோ அதே போலதான் பொண்டிங்க் கையில் இந்த கிண்ணம் சென்றதின் பின் நடக்கும் என்பதை சொல்லாமல் சொல்லவே.

வாட்சன் கடந்த போட்டியை போல இந்த போட்டியிலும் சாதித்து காட்டி தன தலைவரிடம் கிண்ணத்தை கொடுத்துவிட்டார். மீண்டும் எழுந்திருக்கிறது. அவுஸ்திரேலியா. விமர்சனங்கள் சவால்களை தாண்டி சாதித்து தன்கள் பலத்தை நிரூபித்து காட்டிய பொண்டிங்க் குழுவினர் பாராட்டுக்குரியவர்களே. அதேநேரம் தனித்து நின்று மீண்டும் சதம் கடந்து வெற்றியை உறுதி செய்த வாட்சன் என்னை பொறுத்தவரை ஹீரோ. வாழ்த்துக்கள் ஆசி. வெற்றியை கொண்டாடுங்கள் மமதையில் வசை பாடாமல்.

Read More

மினி உலககிண்ணம்- மூக்குடைபட்ட கதை.

ஐ.சி.சி. சாம்பியன் கிண்ண இறுதிப்போட்டி நாளை இடம்பெற இருக்கும் நிலையில் பல பதிவர்கள் (நானுட்பட) விமர்சகர்கள் என எல்லோர் முகத்திலும் கரி பூசிவிட்டு இரண்டு அணிகள் இறுதிக்கு வந்துள்ளன. எதிர்பார்க்கப்பட்ட இந்தியா,தென் ஆபிரிக்கா, இலங்கை அணிகள் இழிவான தோல்விகளோடு வெளியேறிவிட்டன. எதிர்பார்க்காத இங்கிலாந்து .நியூசிலாந்து அணிகள் தாண்டவமாடி நிற்கின்றன. நாளை விடை கிடைக்கப்போகும் கேள்விக்கு இவ்வளவு நாளும் கிடைத்த பதில்களுடன் ஒரு முழு அலசலாக இந்த பதிவு.

முதலாவது போட்டியே எனக்கு மூக்குடைவான போட்டி. காரணம் போட்டிகளை நடத்தும் நாடு மட்டுமல்ல உலகின் முதல்தர அணி ஒன்று இலங்கையை பந்தாடும் என பார்த்தால் இலங்கை அவர்களை பந்தாடி விட்டனர். நாணய சுழற்ச்சியில் வென்ற தென் ஆபிரிக்க தலைவர் சிமித் ஏன்தான் களத்தடுப்பை தேர்ந்தெடுத்தாரோ தெரியவில்லை. ஜெயசூரிய ஏமாற்றினாலும் மறுமுனையில் டில்ஷான் இந்த தொடரின் முதலாவது சத்தத்தை பூர்த்தி செய்தார். தொடர்ந்து சங்ககாரவும் தன பங்குக்கு அரைசதம் ஒன்றை பூர்த்தி செய்ய மகேலவும் இழந்த பார்மை மீட்டெடுத்தார். இந்நிலையில் 50 ஓவர்கள் முடிவில் 8 விக்கெட்டுகளை இழந்து 319 ஓட்டங்களை குவிக்க தென் ஆபிரிக்கவிற்கு இது எல்லாம் சின்ன விடயம் எனத்தான் நானும் நினைத்தேன். ஆனால் சிமித்தையும் களிசையும் தவிர வேறு யாரும் கைகொடுக்காமல் போக மழையும் வில்லனாக டக்வேர்த் லூயிஸ் முறைப்படி இலங்கை 55 ஓட்டங்களால் முதல் வெற்றியை பதிந்தது.

அடுத்த போட்டி பாகிஸ்தான்- மேற்கிந்திய தீவுகளுக்கிடையில். மேற்கிந்திய தீவுகள் நாணய சுழற்ச்சியில் வென்று முதலில் துடுப்பெடுத்தாடினர். மில்லேரை தவிர வேறு எவரும் பிரகாசிக்காமல் போக 133 ஓட்டங்களுக்கு சகல விக்கெட்டுக்களையும் இழந்தனர். பாகிஸ்தான் பந்து வீச்சாளர்கள் ஒன்று சேர்ந்து மிரட்டினர். ஆனால் பாகிஸ்தான் துடுப்பெடுத்தடியபோதுதான் மேற்கிந்திய தீவின் பலமும் தெரிந்தது. ஆரம்ப விக்கெட்டுக்கள் தொங்கினால் அடுத்தடுத்து சரிக்கப்பட ஒருவாறு சமாளித்து போட்டியில் வென்று முடித்தது பாகிஸ்தான் 5 விக்கெட்டுகளினால். இந்த போட்டி ஒருவாறு என் கணிப்பை காப்பாற்றியது.

முதல் போட்டியில் தோல்வி அடைந்த தென் ஆபிரிக்க வெல்ல வேண்டிய கட்டாயத்துடனும் நியூசிலாந்து தொடரை சிறப்பாக தொடங்கும் எதிர்பார்ப்புடனும் களம் கண்டன. மறுபடி நாணய சுழற்ச்சியில் வென்று களத்தடுப்பை தெரிந்தார் சிமித். அப்போது ஏண்டா இந்த மனிதன் தோல்வியை பார்த்ததும் இப்படி செய்கின்றார் என நினைத்தேன்.ஆனால் ஆரம்பத்திலேயே ரைடரை அனுப்பி நல்ல ஆரம்பம் கண்டது தென் ஆபிரிக்கா.ஆனால் டெய்லர்,மக்கலம்,எலியட் கைகொடுக்க 214 என்னும் ஓரளவு நல்ல நிலைக்கு வந்தனர். பந்துவீச்சில் பார்னெல் 5 விக்கெட்டுகளை கைப்பற்றினார். பதிலுக்கு துடுப்பெடுத்தாட களமிறங்கிய தென் ஆபிரிக்கவிற்கு சிமித்தின் ஆட்டமிழப்பு அதிர்ச்சியைக் கொடுத்தது.ஆனால் தொடர்ந்து வந்த ஆம்லா,கலிஸ், வில்லிஎர்ஸ் பொறுப்புடன் ஆட முதல் வெற்றியை சுவைத்தது தென் ஆபிரிக்கா.நியூசிலாந்தின் பந்து வீச்சாளர்கள் பெரிதாக சோபிக்கவில்லை. 5 விக்கெட்டுகளால் தென் ஆபிரிக்கா வென்று என்னையும் காப்பாற்றியது.

மறுபுறம் வெற்றியுடன் இலங்கையும் முதல் போட்டிக்காக இங்கிலாந்தும் களமிறங்கின. இலங்கை இலகுவாக வெல்லும் என எதிர்பார்க்கப்பட்ட போட்டியில் நாணய சுழற்ச்சியில் வென்று இங்கிலாந்து இலங்கையை துடுப்பெடுத்தாட பணித்தது. அந்த நம்பிக்கை வீண் போகவில்லை 17 ஓட்டங்களுக்கு 4 விக்கெட்டுகளை பறிகொடுத்து தத்தளித்த இலங்கையை வழக்கம் போல கண்டம்பியும் மதியூசும் மீட்டெடுத்தனர்.ஒருவாறு 212 ஓட்டங்களை பெற்று சகல விக்கெட்டுகளையும் இழந்தது இலங்கை.அன்டேர்சன், ஒனியன்,புரோட் பந்துவீச்சில் சிறப்பாக செயற்பட்டனர்.

பதிலுக்கு குலசெகரவும் இங்கிலாந்தை மிரட்ட முதல் இரு விக்கெட்டுகளும் 19 ஓட்டங்களுக்குள் வீழ்த்தப்பட்டாலும் ஷா மாறும் கோலிங்வூட் ஜோடி சிறப்பான இணையை வழங்கி வெற்றியை நோக்கி கொண்டு சென்றது. இறுதி நேரத்தில் மோர்கன் ஆட்டமிழக்காமல் 62 ஓட்டங்களை பெற்று வெற்றியை உறுதி செய்து இங்கிலாந்தில் எழுச்சிக்கு அச்சாரம் ஆறு விக்கெட்டுகளால் வென்ற இங்கிலாந்து என் கணிப்பில் மண்ணை போட்டது.

அடுத்து அவுஸ்திரேலியா மேற்கிந்திய தீவுகளுடன் சமரை நடத்தியது. நாணய சுழற்சியில் வெல்பவர்கள் எல்லாம் களத்தடுப்பை தெரிவு செய்வது போல மேற்கிந்தியாவும் தெரிந்தது. முதல் பந்திலேயே வாட்சனை ஆட்டமிழக்க வைத்து அசைத்து பார்த்தனர். ஆனால் அடுத்து வந்த பாண்டிங் நங்கூரமிட்டு ஆட தொடங்கினார். இறுதி நேரத்தில் ஜோன்சனும் கலக்க எட்டு விக்கெட்டுகளை இழந்து 275 ஓட்டங்களை குவித்தது அவுஸ்திரேலியா.

ஆனால் மேற்கிந்திய இப்படி ஆடும் என பாண்டிங் நினைத்திருக்க மாட்டார். மிக சிறப்பாக ஆடி வெற்றியை நோக்கி பிலேட்சரும் டோவ்ளினும் அழைத்தது சென்றனர். போராடிய இவர்களுக்கு உறுதுணையாக வேறு யாரும் கைகொடுக்காமல் போக இறுதி வீரரும் களம் வராமல் விட பரிதாபமாக தோல்வி அடைந்தது. இந்த போட்டியும் என் கணிப்பை உறுதி செய்தது.

இந்த தொடரின் மிகப்பெரிய சமர் என எதிர்பார்க்கப்பட்ட போட்டி. தட்டு தடுமாறி மேற்கிந்தியாவை வென்று வந்த பாகிஸ்தானும் பலமான அணியாக வர்ணிக்கப்பட்ட இந்தியாவும் மோதின.நாணய சுழற்ச்சியில் வென்ற பாகிஸ்தானை பல முன்னணி வீரர்கள் இல்லாமல் சந்தித்தது இந்தியா.ஆரம்பத்தில் ஓரளவு சிறப்பாக பந்து வீசிய பந்து வீச்சாளர்களை மாலிக்கும் முஹம்மத் யூசுப்பும் சேர்ந்து காச்சி எடுத்தனர். மாலிக் சதம் கண்டாலும் தொடர்ந்து வந்த எவரும் பிரகாசிக்கவில்லை. ஒருவாறு 302 ஊடங்களை பாகிஸ்தான் குவிக்க துடுப்பாட்ட சூரர்கள் இதை அடிப்பார் என பார்த்தால் ஓட்டு மொத்த சொதப்பலின் மூலம் பாகிஸ்தானிடம் தாரை வார்த்தனர் போட்டியை. இதை பற்றிய என் முன்னைய பதிவு. http://sshathiesh.blogspot.com/2009/09/blog-post_7660.htmlஎன் கணிப்பு மறுபடி பொய்த்தது.

தீர்மானம் மிக்க போட்டியாக இலங்கை நியூசிலாந்து அணிகள் மோதின. நாணய சுழற்ச்சியில் வென்ற சங்கா முதலில் துடுப்பெடுத்தாட நியூசிலாந்தை அழைத்தார். ஆரம்பம் முதலே அதிரடிக்கு இறங்கியவர்கள் இலங்கை பந்துவீச்சாளர்களை அடித்து துவைத்தனர். முரளி இல்லாமல் ஆட வந்த சங்காவிர்க்கு மூஞ்சியில் அடித்து வெறுப்பேற்றினார். பாரிய ஓட்ட எண்ணிக்கையை தென் ஆபிரிக்காவிற்கு எதிராக துரத்தியவர்கள் தானே என்ற எதிர்பார்ப்பை டில்ஷான் ஏற்ப்படுத்திக்கொடுக்க மகேள அதை தொடர்ந்தார். ஆனால் இம்முறை கண்டம்பியும் மதியூசும் ஏமாற்ற இலங்கை தோல்விகண்டது. இங்கும் என் கணிப்பு என்னை ஏமாறியது.

தென் ஆபிரிக்கா வென்றாக வேண்டிய நிலையில் இங்கிலாந்தை சந்தித்தது. நாணய சுழற்ச்சியில் வென்று முதலில் துடுப்பெடுத்தாடிய இங்கிலாந்தை ஷா,கோலிங் வூட், மோர்கன் ஆகியோர் தாங்கிப்பிடித்து இமாலய இலக்கை நோக்கி கொண்டு சென்றனர். 323 என்ற இமாலய இலக்கை துரத்திய தென் ஆபிரிக்காவில் மாலுமி சிமித் மட்டுமே போராடினார். இறுதியில் அவரும் ஆடிப்போக 22 ஓட்டங்களால் வென்றது இங்கிலாந்து. மறுபடி நான் ஏமாந்தேன்.

வழக்கமாக தென் ஆபிரிக்காவை தொடரும் துரதிஷ்டம் இம்முறை இந்தியாவை துரத்தியது. அவுஸ்திரேலியாவை கட்டாயம் வெல்ல வேண்டிய போட்டியை மழை வென்று இந்தியாவை வீட்டுக்கு அனுப்பியது. யார் சிறந்தவர் என்பதை இறுதிவரை நிரூபிக்க முடியாமல் போய்விட்டது.

இந்த போட்டியில் இங்கிலாந்து வென்றால் தான் இலங்கை உள்ளே என இலங்கை காத்திருக்க பந்துவீச்சாளர்கள் ஆதிக்கம் செலுத்திய போட்டியாக இது அமைந்தது. 146 ஓட்டங்களுக்குள் சுருள. நியூசிலாந்து அதன் ஆரம்ப துடுப்பாட்ட வீரர்களின் உதவியுடன் ஆறு விக்கெட்டுகளை இழந்து வெற்றி பெற்று இலங்கையை அனுப்பி வைத்தது.

இம்முறை இந்தியா பாகிஸ்தானிடம் பிச்சை கேட்டு நின்றது. இதுவரை நடந்த போட்டிகளில் சுவாரஷ்யமான போட்டி என்றால் அது இந்த போட்டிதான்.அவுஸ்திரேலியா களத்தடுப்பை தெரிவு செய்ய முதலில் துடுப்பெடுத்தாடிய பாகிஸ்தான் ஓட்டங்களை மாத்திரமே பெற்றது. இது என்ன பெரிய இலக்கு என்பது போலதான் ஆரம்பித்தனர் அவுஸ்திரேலிய துடுப்பாட்ட வீரர்கள்.போக போக இந்தியாவிற்காக விளையாடுவது போல பாகிஸ்தான் விளையாடியது. விக்கெட்டுகளை மள மளவென சரித்து இறுதிப்பந்தில் வெற்றியை கோட்டை விட்டு இந்தியாவிற்கு சாரி சொன்னனர்.

உப்புசப்பு அற்ற போட்டியாக நடந்த இந்திய மேற்கிந்திய தீவுகளுக்கேதிரான போட்டியில் தோணி முதலில் பந்து வீசியது. சச்சினின் உணவு கோளாறு தவிர வேறு எந்த பர பரப்பும் இல்லாமல் சுருட்டி அடித்தத் இந்தியா. இத்துடன் லீக் சுற்றும் முடிவடைந்தது.

இதன் படி முதலாவது அரை இறுதியில் அவுஸ்திரேலியா இங்கிலாந்து அணிகள் மோதின.முதலில் இங்கிலாந்து 257 ஓட்டங்களை பெற்றதும் அவுஸ்திரேலியா அவ்வளவுதான் என நினைத்தேன். ஆனான் என்ன ஒரு அழகான ஆட்டம் போண்டிங்க்கும் வாட்சனும் சதம் பெற்றதுடன் முடித்தும் வைத்தனர் இங்கிலாந்தின் பயணத்தை.ஒரு விக்கெட்டை மாத்திரம் பறிகொடுத்து இமாலய வெற்றியுடன் இறுதிக்குள் நுழைந்தது. முழுதான பலமாக தன்னை காட்டிவிட்டது பாண்டிங் குழு.

மறுமுனையில் பாகிஸ்தான் நியூசிலாந்துடன் பலப்பரீட்சையில் ஈடுபட்டது. ஆரம்பத்தில் தடுமாறிய பாகிஸ்தான் ஒருவாறு 233 ஓட்டங்களை குவித்தது. பதிலுக்கு ஆடிய நியூசிலாந்து ஆரம்பத்தில் வெற்றி பெறுமா என்ற கேள்வி எழுந்தபோது.எலியட்டும் வெட்டோரியும் அற்புதமாக ஆடி வெற்றியை உறுதி செய்தனர். கிண்ணம் வெல்லும் என நான் நினைத்த பாகிஸ்தானும் பரிதாபமாக் வெளியேறியது.

நாளை இறுதி. ஏற்கனவே கிண்ணம் வென்ற ஓர் கண்டத்தை சேர்ந்த இரு அணிகள். அசுர பலம் அவுஸ்திரேலியாவும் திடீர் பலம் கொண்ட நியூசிலாந்தும் மோத போகின்றன. என் உள்மனது ஏனோ பாண்டிங் கையில் பூமாலை என்றாலும் ஆசை அது வேட்டோரிக்கு கிடைக்கனுமேன்றே. எப்போதும் பெரிய கிண்ணங்களை தவறவிடும் நியூசிலாந்து மினி உலக கிண்ணத்தில் ஏற்க்கனவே சாதித்தது போல் சாதிக்குமா நாளை தெரியும்?

மொத்தத்தில் பல அதிர்ச்சிகளையும் தலை கீழ் முடிவுகளையும் பல தலைகளையும் உருட்டிய இந்த தொடர் முடிந்த பின் நிச்சயம் ஆடுகளங்கள் பற்றிய சர்ச்சை எழும் என்பதில் மட்டும் ஐயமில்லை.

Read More

இராணுவப்படைகளில் ரோபோ.

ஒவ்வொரு நாட்டுக்கும் அந்த நாட்டின் ராணுவம் தான் முதுகெலும்பாக இருக்கின்றது. ஒரு நாட்டில் பாதுகாப்பின் பெரும் பங்கை கட்டிக்காப்பது இராணுவத்தினர் தான். அப்படி இருக்கும் போது இன்று உலகின் பல இடங்களில் பல வகையான போர்கள் இடம்பெற்றுக்கொண்டிருக்கின்றன. இந்த போர்களில் எத்தனையோ உயிர் பலிகள் இவை எல்லாவற்றுக்கும் முடிவுகட்டும் நோக்கில் புதிதாக வரப்போபவை தான் இராணுவ ரோபோக்கள்.

அவுஸ்திரேலிய அரசாங்கம் தான் இப்போது இந்த அரிய முயற்சியில் இறங்கி உள்ளது. களத்துக்கு நேரடியாக மனித இராணுவ வீரர்களை ஆப்பாது ரோபோக்களை அனுப்பி விட்டு ரிமோட் மூலம் ஓரிடத்தில் இருந்தவண்ணம் அவற்றை கட்டுப்படுத்தி போர் செய்ய வைக்கும் புதிய முயற்சியில் துணிந்து இறங்கி இருக்கின்றார்கள். அவுஸ்திரேலிய அறிவியல் தொழில் நுட்ப அமைப்பு இந்த விடயத்துக்கு தன அமோக ஆதரவை வழங்கி இருக்கின்றது.

இந்த முயற்சியில் ஈடுபடும் விதமாக பலரை தூண்ட ஒரு போட்டியையும் ஒழுங்கு செய்துள்ளது. அதில் வெற்றி பெறுபவருக்கு பத்து லட்சம் டாலர் பணத்தொகை வழங்கப்படவுள்ளது. அடுத்தவருடம் பிரிச்பெர்னில் நடைபெற இருக்கும் மாநாட்டுக்கு முன் உங்கள் ஆலோசனைகளை நீங்கள் அனுப்பி வைத்தால் நீங்களும் வெற்றியாளராக மாறலாம். ஆனால் உங்கள் ஆலோசனை மட்டும் ஏற்றுக்கொள்ளப்படாது. தெற்கு அவுஸ்திரேலியாவில் உள்ள ஒரு இராணுவ மையத்தில் வைத்து உங்கள் ஆலோசனையை நீங்களே செயற்ப்படுத்திக்காட்ட வேண்டும். அங்கே இருக்கும் குழுவினர் உங்களை பரீட்சித்து சிறந்த ஐந்து ஆலோசனைகளை ஏற்றுக்கொள்ள இருக்கின்றனராம்.

மொத்தத்தில் போர் ஓயனும் என்னும் நிலைப்பாடு தீராது போல் இருக்கின்றது. இதுவரை காலமும் தனக்குள்ளேயே சண்டை இடு வந்த மனித இனம் இனிவரும் காலங்களில் இயந்திரத்தை வைத்தே தன்னை அளிக்கப்போகின்றது. ஒருவேளை ரோபோக்கள் அதிசக்தி வந்து தாமாகவே இயங்கும் நிலைக்கு வந்து மனிதரை அளித்தாலும் ஆச்சரியமில்லை.

Read More

தலைமைப்பதவியை துறந்தார் பாண்டிங்.

அவுஸ்திரேலிய அணியின் தலைவராக வீறு நடை போட்டு நெஞ்சை நிமித்தி கடந்த சில மாதங்களாக வலம் வந்த ரிக்கி பாண்டிங் இன்று வெறும் நடைப்பிணமாக வாழ்கின்றார்.

இருபத்தோராவது வயதில் கிரிக்கெட்டில் தடம் பதித்த பாண்டிங் தன் அறிமுக டெஸ்ட் கிரிக்கெட் போட்டியிலேயே 96 ஓட்டங்களை பெற்று தன் வரவை அவர் நிரூபித்துக் காட்டினார். அதன் பின்னர் அவர் திறமை இன்றுவரை மங்கவில்லை என்பது உண்மையே. அதேநேரம் தன் முதலாவது ஒருநாள் சர்வதேசப் போட்டியில் வெறும் ஒரு ஓட்டத்தை மாத்திரம் பெற்று அதிர்ச்சியுடன் ஆரம்பித்தார் தன் பயணத்தை.ஆனால் போட்டிகளில் அதிரடியாக ஓட்டங்களை பெற்று சாதனையோடு ஆரம்பித்தார்

. பாண்டிங் இப்போது மற்ற அணி வீரர்களையும் அணிகளையும் வாட்டும் பழக்கம் அவரின் ஆரம்பகாலத்தின் பழக்க வழக்கத்தின் மூலமே நாங்கள் அறியக்கூடியதாக இருக்கும். தன் ஆரம்பகாலத்தில் அடிக்கடி மது அருந்திவிட்டு பிரச்சனை கொடுப்பதென எப்படியெல்லாம் பெயரை கெடுக்க முடியுமோ அவ்வளவிற்கு கெடுத்துக்கொண்டார். அணிக்குள் இருக்கவே தகுதி அற்றவர் என எல்லோரும் தூற்றிய நேரம் ஓரளவிற்கு தன்னை மாற்ற ஆரம்பித்த நேரமே 2002ஆம் ஆண்டு ஒருநாள் அணியின் தலைவராக நியமிக்கப்பட்டார். இது பலரையும் ஆச்சரியப்படுத்தியது. அப்படி இருப்பினும் தன் வழக்கமான குழப்படிகளை குறைத்துக்கொண்டு அணியை சிறப்பாக வழி நடத்த ஆரம்பித்தார்.அதன் பிரதிபலனாக டெஸ்ட் கிரிக்கெட் போட்டிகளில் அணியை வழி நடத்தும் பொறுப்பு பொண்டிங்கிடம் வழங்கப்பட்டது. ஸ்டீவ் வாவின் தலைமையில் வெற்றிபெறும் வழியை தெரிந்து கொண்ட அணி, பொண்டிங்கின் தலைமையில் வெற்றிக் கோட்டைகளை கட்டத் தொடங்கியது.

பாண்டிங்க்கு தொட்டதெல்லாம் துலங்க தொடங்கியது. வெற்றி மேல் வெற்றி குவிந்தது.வெற்றிக்கே பிறந்தவர் என்னும் மமதையில் பொண்டிங்கும் அவர் சகாக்களும் ஆடிய ஆட்டம் இன்னும் கண் முன் நிற்கிறது. ஆனால் வல்லவனுக்கு வல்லவன் வையகத்தில் உண்டு என்பதற்கேற்ப இந்தியாவின் கங்குலி அவுஸ்திரேலியர்களை அடக்கும் வேலையை அவர்கள் பாணியிலேயே ஆரம்பித்து வைத்தார். அதன் பின் வந்த தோனியின் தலைமையிலான இளம்படை, சாட்டை அடியுடன் இடியைக்கொடுக்க தென் ஆபிரிக்க இலங்கை என எல்லா அணிகளும் பொண்டிங்கின் சகாக்களை வறுத்தெடுக்க பழகிக்கொண்டனர்.

அவுஸ்திரேலியாவில் வைத்தே அவர்களை மண்கவ்வ வைத்து இந்திய அணி அவர்களின் ஆதிக்கத்துக்கு முடிவு கட்டிவைத்து. அதன் பின்னும் அடிபட்ட புலி போல எழுவதும் வீழ்வதுமாக பாண்டிங் குழுவினர் தங்கள் வழக்கமான விளையாட்டையும் விளையாடி வந்தனர். இந்த நேரம் பார்த்து நீண்ட நாட்களாக அணியின் முதுகெலும்பாய் இருந்த பலர் ஓய்வு பெற அணியும் ஆட்டம் காண தொடங்கியது. இம்முறையும் ஆஷசில் வெற்றி கிடைக்கும் அன்ற இறுமாப்புடன் இங்கிலாந்தில் காலடி வைத்த பாண்டிங் குழுவினருக்கு இறுதியில் ஆப்படித்தது அனுப்பிவிட்டது இங்கிலாந்து அணி. எத்தனை முறை தான் அடிக்க அடிக்க வாங்குவது என முடிவெடுத்து விட்டாரோ என்னவோ இந்த தோல்வியோடு ஒருநாள் மற்றும் போட்டிகளின் தலைமைப்பொறுப்பை துறந்து டெஸ்டில் மட்டும் கவனம் செலுத்தப்போவதாக சொல்லி இருக்கின்றார்.
இதுவரை நல்ல தலைவராக வழி நடத்தியவர் இறுமாப்பு காரணமாகவே இறுதிக்காலங்களில் தோல்வியை சந்திக்கிறார். அந்த இறுமாப்பை தவிர்த்து விளையாட்டை விளையாட்டாய் விளையாடி இருக்கலாம். யாருக்கு பயந்தாரோ இப்போது தலைமை என்னும் கிரீடத்தை இழக்க துணிந்து விட்டார். என்ன தான் பாண்டிங் மற்றவர்களை ஒரு பொருட்டாக மதிக்காவிட்டாலும் அவர் ஒரு சிறந்த தலைவரே. அப்படிப்பட்ட ஒருவரை இழப்பது அவுஸ்திரேலியாவிற்கு மட்டுமல்ல முழு கிரிக்கெட் உலகிற்கும் இழப்பே.

Read More