பண்ணித் தமிழ்.

தமிழ் மற்ற எந்த மொழிகளையும் விட சிறப்பானது என்று நாம் சொல்கின்றோம். தமிழர்களாகிய எங்களுக்கு எம் தாய் மொழி சிறப்பாய் இருப்பதை சொல்வதில் தப்பில்லை. ஆனால் நாம் இன்று நடக்கும் நடையை பார்த்தால் இப்படி சொல்ல நாம் தகுதியானவர்களா? அண்மைக்காலமாக நம் தமிழ் மொழியில் பல வேற்று மொழிகள் கலந்து வருகின்றன. இது கூட பரவாயில்லை நம் தமிழ் பண்ணித் தமிழ் ஆகிறதுதான் கவலை. என்ன குழப்பமாய் இருக்கா. கொஞ்சம் கீழே படியுங்கள் படித்த பின் உங்கள் மனச்சாடிசியை தொட்டுச் சொல்லுங்கள் பண்ணித் தமிழை வளர்ப்பதில் நீங்களும் ஒருவர் இல்லையா என்பதை.

Early Morning wake up பண்ணி

எழுந்திரிச்சு போய் brush பண்ணி

அதுக்கு பிறகு wash பண்ணி

அதுக்கு பிறகு Dress பண்ணி

முடிஞ்ச பிறகு Pray பண்ணி

அடுத்ததாய் eat பண்ணி

இவை எல்லாம் எல்லோருக்கும் பொதுவானவை இனி முதலில் ஒரு குடும்பத் தலைவனை பார்ப்போம்.

வந்த paper எல்லாம் read பண்ணி

officeக்கு போய் work பண்ணி

வேலை முடிஞ்சதும் sign out பண்ணி

வீட்டுக்கு வந்து மீண்டும் wash பண்ணி

பொண்டாட்டியோட நாலு வார்த்தை speak பண்ணி

முடிஞ்சால் பிள்ளைக்கு home work பண்ண help பண்ணி

அப்பிடியே போய் தூங்குவதில் முடிகின்றது ஒரு நாள்.

இனி ஒரு குடும்ப தலைவியின் செய்கை விட்ட இடத்தில் இருந்து.

பிள்ளைகளை ஒழுங்காய் வெளிக்கிடப் பண்ணி

அவர்களை பாடசாலைக்கு போகப்பண்ணி அல்லது drop பண்ணி

வீட்டு வேலைகளை சீக்கிரமே பண்ணி

பிள்ளைகள் வர முதல் lunch பண்ணி

drop பண்ணி இருந்தால் திருப்பி pick up பண்ணி

பிள்ளைகள் வந்தவுடன் சாப்பிட பண்ணி

மீண்டும் பிள்ளைகளை tution போகப் பண்ணி.

பக்கத்து வீட்டுக்கரரோட அலப்பறை பண்ணி

மீண்டும் கணவன் வர முன் மீதி வீட்டு வேலைகளை பண்ணி

கணவன் வந்தவுடன் tea பண்ணி

பிள்ளைகள் வந்தவுடன் அவர்களையும் welcome பண்ணி.

மீண்டும் dinner பண்ணி

பிள்ளைகளோடு time spend பண்ணி.

வெற்றிகரமாய் போய் தூங்குவாங்க

இதுவே ஒரு பாடசாலை போகும் பிள்ளையாக இருப்பின் விட்ட இடத்தில் இருந்து தொடருங்கள்.

schoolக்கு போய் classes attend பண்ணி

மீண்டும் வீடுவந்ததும் tution class attend பண்ணி

வீட்டுக்கு வந்து home work பண்ணி

பண்ணி பண்ணி களைச்சு போய் தூங்கிடுவாங்க.

இதுவே இப்படியென்றால் காதலர்களுக்கிடையில் எத்தனை பண்ணி இருக்கும் கற்பனை பண்ணி பாருங்கோ. கற்பனையில் பண்ணி போல பண்ணி வந்தால் நான் பொறுப்பில்லை.

இப்போ புரிந்திருக்குமே. நாம் ஒவ்வொருவரும் எப்படி தமிழை பண்ணி ஆக்கிக்கொண்டிருக்கின்றோம் என்று. என்ன செய்வது தன் மானம் மிக்க தமிழர்கள் பண்ணித்தமிழில் கட்டுண்டிருப்பது வேதனை தான். சிந்தித்து செயற்பட்டால் பண்பான தமிழ் பண்ணித்தமிழைக் கொன்றுவிடும்.