ராவணன்- ஒரு சந்தேகம்.

ராவணன் திரைப்படம் வெளியாகி ரசிகர்களின் அமோக ஆதரவை பெற்றுள்ள நிலையில் எனக்கு ஒரு சந்தேகம் இந்த ரவாணன் மேலே. இது படத்தை பற்றியோ படத்தின் மையக்கருத்து பற்றியோ அல்லது இசை பற்றியோ இல்லை நடிப்பு பற்றியோ நான் பேசப்போவதும் இல்லை. ஆனாலும் எனக்கு ஒரு சந்தேகம் அண்ணே.

படம் எப்படியும் இருக்கட்டும். நல்ல படம் என பார்த்தவர்கள் சொல்லக்கேட்டு சந்தோசம். ஆனாலும் எனக்கொரு சந்தேகம். சரி அதுவும் இருக்கட்டும். விக்ரமுக்கு இன்னொரு தேசிய விருது கிடைக்குமா தெரியாது ஆனால் எனக்கொரு சந்தேகம் இருக்கு.

பீடிகை எல்லாம் போதும் விசயத்துக்கு வா என்பது புரிகிறது. வாறன் வாறன். ஆனால் எனக்கொரு சந்தேகம் அண்ணே. அதுவும் தமிழில் அண்ணே. அதுவும் நம் ஊடகத்துறையில் இருக்கும் ஒரு சில செய்தி வாசிப்பவர்கள் மீதும் இந்தியாவில் இருக்கும் சில தமிழ் அறிஞர்கள் மீதும் அண்ணே. அதாவது நான் என்ன சொல்ல வருகின்றேன் என்றால் நம் பாடசாலை புத்தகத்திலும் சரி இன்றைய தினசரி பத்திரிகையிலும் சரி “ர” எழுத்தில் ஆரம்பிக்கும் சொற்கள் முன் “இ” போட்டு எழுதுவது மரபு. ஆனால் வாசிக்கும் போது அந்த “இ” காணாமல் போய்விடும். “இ” ஐ தவிர்த்து வாசிக்க வேண்டும் என்பதே எங்களுக்கு பதிப்பிக்கப்பட்டுள்ளது. ஆனால் இதன் காரணம் என்ன என எனக்கு தெரியவில்லை. யாரும் அறிந்தவர்கள் சொல்லுங்கள்.

ஆனால் இன்று சில செய்தி வாசிப்பாளர்கள் இதை கணக்கெடுப்பதாய் இல்லை. இது ஏன்? அவர்களுக்கு யாரும் சொல்லவில்லையா? இல்லை அதுதான் சரியா? ஆனால் எனக்கு சொல்லிக் கொடுத்தவர்கள் அதை தவிர்த்து வாசிக்கவே சொல்லிக்கொடுத்துள்ளனர். ஏன் நம் உறவினர்கள் பெயர் கூட “இ” யினால் அலங்கரிக்கப்படுகின்றது.இப்போது என் கேள்வி என்ன? திரைப்படம் ஒரு மிகப்பெரிய மாற்றத்தை உருவாக்கும் சக்தி கொண்டது. அதுவும் மணிரத்னம் போன்ற ஜாம்பவாங்களினால் பாரிய புரட்சியே செய்யமுடியும். அப்படி இருக்கையில் அவரின் திரைப்பட பெயர் “ராவணன்” என எழுதப்படுகின்றது. இது சரியா? அல்லது இதை அவர் கணக்கெடுக்கவில்லையா? தமிழ் தமிழ் என சாகும் மூத்த முத்திய தலைவர்கள் கலைஞர்கள் கண்ணில் இது படவில்லையா? அல்லது கண்டும் காணாமல் விடபட்டுள்ளதா? வரிச்சலுகை கொடுக்கும் கலைஞர் ஐயா அவர்களுக்குமா இது தெரியவில்லை?

இதை நான் பரபரப்புக்காகவோ அல்லது பிரபலத்துக்காகவோ எழுதவில்லை. காரணம் படம் நான் இன்னும் பார்க்கவில்லை. அப்படி இருக்கையில் படத்தை பற்றி சொல்ல எனக்கு எந்த அருகதையும் இல்லை. ஆனால் இந்த பட பெயர் தான் நீண்ட நாட்களாய் எனக்குள் இருந்த கேள்வியை மேலும் தூண்டியது. எனவே பதிவாக்கியுள்ளேன். படித்தவர்கள் கொஞ்சம் என் சந்தேகத்தை பூர்த்தி செய்து விடுங்கள்.

Read More

தமிழ் சினிமாவின் போக்கை மாற்றும் விஜய்.?

எம்.ஜி-ஆர்-சிவாஜி, ரஜினி-கமல் இந்த இணைக்கடுத்து எத்தனை பேர் வந்தாலும் பிரகாசித்தாலும் நாம் மறுக்கமுடியாமல் ஏற்கவேண்டிய இணை விஜய்-அஜித் இணைதான். இரண்டு திலகங்களும் ஒரு திரைப்படத்தில் மட்டும் இணைத்து நடித்தனர். அடுத்த இருவரும் பல படங்களில் நடித்தனர். திலகங்களை போல ஒரே படத்துடன் நிறுத்திவிட்டனர் தளபதியும் தலையும். இதற்கு காரணம் தான் எல்லோருக்கும் தெரியுமே. மீண்டும் இணையும் வாய்ப்பில்லை என இவர்கள் சொல்லியே விட்டனர். ஆனால் இப்போது மீண்டும் அதற்கு வாய்ப்பு ஏற்பட்டாலும் ஆச்சரியமில்லை.(எல்லாம் ஆசைதான். இது நடக்காது என தெரியும்.)

இளையவர்களில் இப்போது முன்னணியில் இருக்கும் நால்வரும் ஒருவருடன் ஒருவர் இணைந்து நடிக்கதவர்கள் இல்லை. ஆரம்பத்தில் ராஜாவின் பார்வையிலே திரைப்படத்தில் விஜயுடன் அஜித் சேர்ந்து நடித்தார் அந்த வாய்ப்பை ஏற்படுத்திக்கொடுத்தது விஜயின் தந்தை என்பது மட்டுமில்லாமல் விஜயின் தாயார் தயாரித்த உணவை இருவரும் ஒரே தட்டில் உண்டகாலம் அது. அதன் பின் பார்த்தாலே பத்தும் நிலையில் இருந்தவர்கள் இப்போது தங்கள் மனைவியர் சமைத்த உணவுகளை (முன்பு தாயார்) பரிமாறிக்கொள்ளும் அளவு நட்பு இருக்கின்றது. படங்களிலும் ஒருவரை ஒருவர் சாடல் குறைந்துள்ளது. இந்த நிலையில் இவர்களின் இணைவு. அதற்க்கு பிரமாண்டமாக தயாரிக்கும் இயக்குனர், நல்ல கதை, அள்ளிக்கொட்டும் தயாரிப்பாளர் ஜாம்பவான் கூட்டணி நிச்சயம் அமையவேண்டும். அது இப்போது அமைந்திருப்பது இவர்களை இணைக்காதா என்ற என் ஆசையை தூண்டி விட்டுள்ளது.

3இடியட்ஸ் எவ்வளவு பிரமாண்டமான வெற்றியை பெற்ற படம் என்பது உங்களுக்கு தெரியும்.அதேபோல அப்படி திரைப்படங்கள் வராதா என்ற ஆவலையும் தமிழர்களுக்கு தூண்டிய படம். ஏன் வராது இதோ தருகின்றோம் என விஜய் அதன் உரிமையை வாங்கியதாக ஒரு பேச்சு. இல்லை இல்லை ஜெமினி வாங்கி அதில் விஜயை நடிக்க வைக்க முயற்ச்சிபதாக கேள்வி. எதுவாய் இருப்பினும் இந்த முயற்சிக்கு பலன் வெகு தொலைவில் இல்லை. காரணம் விஜய்க்கும் இமாலய வெற்றி ஒன்று தேவைப்படுகின்றது.

அப்படி இருக்கையில் அஜித்துடன் கூட்டு? பதில் கேள்விக்குறியாக இருந்தாலும் அஜித் இரண்டு கதாநாயகர்கள் உள்ள படங்களில் நடித்த இளம் நடிகர் என்பதை மறக்கக்கூடாது. விக்ரமுடன் உல்லாசம், பார்த்தீபனுடன் நீவருவாய் என,கார்த்திக்குடன் ஆனந்த பூங்காற்றே, உன்னிடத்தில் என்னை கொடுத்தேன், பிரசாந்துடன் கல்லூரி வாசல், ரஞ்சிதோடு மைனர் மாப்பிள்ளை, சத்யராஜோடு பகைவன்,கண்டுகொண்டேன் கண்டுகொண்டேனில் மம்முட்டி,அப்பாஸ், தீனாவில் சுரேஷ் கோபி,உன்னைக்கொடு என்னை தருவேனில் பார்த்தீபன்,சாம்ராட் அசோகாவில் ஷாருக்கான் என தொடர்ந்தவர் அண்மைக்காலமாக தான் கொஞ்சம் இந்த பாலிசியை விட்டிருக்கின்றார் சிலவேளை இந்த கூட்டணி அமைந்தாலும் ஆச்சரியமில்லை. நடக்குமா????

மூவரில் இருவர் ஏறக்குறைய உறுதியாகிவிடும் என நினைக்கின்றேன். அமீர்கான் வேடத்தில் விஜயும் மாதவன் நடித்த வேடத்தை தமிழிலும் அவரே செய்வார் என ஓரளவு உறுதிப்படுத்தப்பட்டுள்ளது. இந்த கூட்டணி சாத்தியதுக்கான வாய்ப்புக்கள் உண்டு. காரணம் மாதவனுக்கு விஜய் மேல் அன்பும் அதே நேரம் மதிப்பும் அதிகம். ஒரு பெட்டியில் சொல்லி இருந்தார் விஜயை பார்க்க பொறாமையாக இருக்கின்றது. மூன்று மாதங்களுக்கு ஒரு படம் நடிக்கின்றார் பெரிதாக மினக்கெடுவது இல்லை. அவரின் பெயரை வைத்தே படத்தி ஓட்டி விடுகின்றார். அவரை போல ஆடத்தெரிந்தால் நான் தமிழ் நாட்டின் நம்பர் வன் நாயகனாகிவிடுவேன் என்று. விஜய் பக்கம் பார்த்தால் மாதவனால் பிரச்சனை இல்லை. என்ற ரீதியில் இவர்கள் கூட்டணியில் விரிசல் சாத்தியமில்லை

அடுத்து சூர்யா. இப்போது தனி ஆவர்த்தனம் நடத்தினாலும் விஜயுடன் நேருக்கு நேரில் அறிமுகமானவர். அதன் பின் பிரண்ட்ஸ் படத்தில் நடித்தது மட்டுமன்றி இருவரும் நல்ல நண்பர்கள் எனவே இந்த இணைக்கான வாய்ப்பும் அதிகம் இருக்கின்றது. சூர்யாவை பொறுத்தவரை நடிப்பில் பின்னிவிடுவார் ஆனால் விஜய் தரப்பில் சூர்யாவேண்டாம் என்ற கதை எழும் வாய்ப்பு குறைவு காரணம் நட்பு. சூர்யாவும் காதலே நிம்மதியில் முரளி, பெரியன்னாவில் விஜயகாந்த், நந்தாவில் ராஜ்கிரண், மௌனம் பேசியதேயில் அறிமுகனாயகன் நந்தா, பிதாமகன் விக்ரம்,ஆயுத எழுத்தில் மாதவன் சித்தார்த் என கூட்டு சேர்ந்து கலக்கியவர் விஜயுடன் ஜோடி சேர்ந்தால் அமர்க்களம் தான். அனேகமாக இந்த ஜோடியின் வாய்ப்பே அதிகம்.

மறுபக்கம் விக்ரமும் விஜயும் எவ்வளவு நெருக்கம் என்பதும் ஊரறிந்ததே. இருவரும் ஒன்றாக ஜாலியாக பல விழாக்களில் கலந்துகொண்டது மட்டுமில்லாமல் அரட்டைகளிலும் பங்குபற்றியவர்கள். அப்போதே சரியான வாய்ப்பமைந்தால் சேர்ந்து நடிக்க தயார் என சொன்னவர்கள் இப்போது வாய்ப்பமைந்திருக்கின்றது இணைவார்களா என எதிர்ப்பாக்கின்றேன்? விக்ரமை பொறுத்தவரை கூட யார் நடித்தாலும் பரவாயில்லை தூக்கிச் சாப்பிட்டு விடுவார்.

அவருக்கு ஒரு பலமான கதாபாத்திரம் போதும் வில்லனாக கூட நடிக்க தயார் என்றவர். இவரின் பயணத்தில் மீராவில் சரத்குமாருடனும், உல்லாசத்தில் அஜீத்துடனும்,கவுஸ் புல்லில் பார்த்தீபனோடும், விண்ணுக்கும் மண்ணுக்குமில் மீண்டும் சரத்துடனும், பிதாமகனாக சூர்யாவுடனும், பசுபதியுடன் மஜாவிலும், இப்போது ராவணாவில் பிரிதிவிராஜ்,பிரபு,கார்த்திக் என எல்லோரும் கலந்து கட்டி அடித்துக்கொண்டிருக்கும் விக்ரம் நடித்தாலும் ஆச்சரியமில்லை. ஆனால் இப்போதுள்ள சூழ்நிலைகளில் வாய்ப்பு குறைவு.

இந்த முன்னணிகளை தவிர்த்துவிட்டு பார்த்தலால், தனுஷ்,சிம்பு நடிக்கும் வாய்ப்பும் அறவே இல்லை என்பேன். சிலவேளைகளில் விஷால், ஆர்யா நடிப்பார் என்றால் அவர்களோ பாலாவிடம் அவர் சொன்னபடி ஆறுமாதத்தில் முடித்தல் ஆர்யாவுக்கு வாய்ப்பதிகம். காரணம் விஷாலை விஜய்க்கு பிடிக்கதேன்பது வேறு கதை. அடுத்து விஜய் புகழ் பாடும் பரத்,ஜீவா இவர்களுக்கும் வாய்ப்புண்டு. ஏன் ஜெயம் ரவி கூட நடிக்கும் வாய்ப்பு சூர்யாவுக்கு அடுத்து உண்டென நான் சொல்வேன்.ஆனால் இவர்களை தவிர்த்துவிட்டு இரண்டாம் நிலை நாயகர்களில் ஒருவர் நடித்தாலும் ஆச்சரியமில்லை.

இவர்களை விட மற்றவர்களுக்கு வாய்ப்புக்குறைவாக இருந்தாலும் இடையில் வேறு யாரும் முந்தும் வாய்ப்பும் உண்டு. இவை எல்லாவறையும் பார்த்தாயிற்று. விஜய் இரட்டைக் கதாநாயகர் உள்ள படங்களில் அதிகம் நடித்திருக்கின்றாரா என தேடினால். ஆச்சரியம். ஆரம்பகாலங்களில் விஜயகாந்துடன் செந்தூரப்பாண்டி, அஜித்துடன் ராஜாவின் பார்வையிலே, நடிகர் திலகத்துடன் ஒன்ஸ்மோர்,சூர்யாவுடன் நேருக்கு நேர்,பிரண்ட்ஸ் என சொற்ப படங்களில் மட்டுமே நடித்தவர் சிறப்புத் தோற்றத்தில் ரவிக்ரிஷ்ணாவுடன் சுக்ரன், நிதின் சத்யாவுடன் பந்தயம் போன்ற படங்களில் மட்டுமே நடித்திருக்கின்றார்.

இந்த நிலையில் விஜய்-மாதவனோடு இணைவதே பெரிய விடயமாக இருக்கையில் மூன்றாவதாக ஒரு பெரிய நடிகரும் சேர்ந்தால் தமிழிலும் 3இடியட்ஸ் பிச்சிக்கிட்டு ஓடும். முன்னணி நாயகர்களாக மாறிய பின் இளம் நாயகர்கள் இணைந்து நடித்து தமிழ் சினிமாவின் புதிய பாதையை திறந்த பெருமையும் விஜய்க்கு வரும். இது நடக்குமா? அல்லது காத்தோடு போகுமா பார்ப்போம்?

நடிகைகளை பொறுத்தவரை பஞ்சம் நிலவும் காரணத்தால் மீண்டும் வந்த அசின், அலுத்துப்போன திரிஷா, முத்திப்போன நயன்தாரா, புதிய அக்கா அனுஷ்கா, இடையழகி இலியானா, அசல் நாயகி சமீரா ரெட்டி, புன்னகை அரசி(எத்தனை நாளைக்கு தான் இளவரசி வயசு போகுதெல்லா) சினேகா, நம்ம பாவனா இவர்களில் நான் சொன்ன வரிசையில் வாய்ப்பை அல்லும் சாத்தியம் உண்டு.

நான் சொன்னதெல்லாம் இருக்கட்டும் இந்த அதிசயம், ஆச்சரியம்.....நடந்தால் விஜய்-மாதவனுடன் இணையும் அந்த மூன்றாவது ஹீரோ யார்? மாற்றங்களை உண்டாக்கப்போகும் அந்த நிஜ நாயகன் யாராக இருக்கும் உங்கள் ஆருடங்களையும் சொல்லுங்கள். நடந்தால் எல்லோருமாக சேர்ந்து சந்தோசப்படுவோம்.

Read More

ஒரே திரையில் விஜய்,விக்ரம்,சூர்யா,விஷால்.

இளைய தளபதியாக திரை உலகில் வலம் வரும் விஜய்க்கும் சூர்யாவிற்கும் நல்ல நட்பு உண்டு. இரண்டு பேரும் கல்லூரி கால நண்பர்கள் என்பது இன்னொரு பலம். அதற்கு அச்சாரமாக நேருக்கு நேர், பிரெண்ட்ஸ் இரண்டு படங்களிலும் நடித்தனர். ஆனால் அப்போது சூர்யா பிரபலமாகாத நடிகர். முன்னணியிலும் இல்லை. ஆனால் இப்போதோ விஜயையும் விஞ்சி முன்னணி நடிகராக கலக்கிக்கொண்டிருக்கின்றார். விக்ரமோடு விஜய்க்கு நடிக்க வேண்டும் என்ற ஆசை உண்டு ஆனால் அது வெளி உலகிற்கு தான் என்பது சாதாரண ரசிகனுக்கும் தெரியும். அதேநேரம் விஷாலுடன் விஜய் சண்டை கோழிதான். வெளி இடங்களுக்கு இருவரும் நெருக்கமாக காட்டினாலும் தன் பாதையில் விஷால் வருகின்றார் என்பது முதல் தன் பட்டத்தை சுட்டு வைத்தது வரை இரண்டுபேருக்கும் ஆகாது.

இது ஒருபுறமிருக்க. விக்ரமும் சூர்யாவும் பிதாமகனுடன் வேறு எந்த படத்திலும் இணைந்து நடிக்க முடியாதளவிற்கு முறுகல். அதுவும் இரண்டு பேரின் பாதையும் இப்போது ஒரே தடத்தில் போவது கண்கூடு. இந்த நிலையில் இவர்களுக்குளான கூட்டணியும் மீண்டும் சாத்தியம் இல்லை. விக்ரம் விஷாலுடன் நடிப்பது எந்த பிரச்சனைகளும் இல்லை. விஜயுடன் விக்ரம் நடித்தாலும் சரியான கதாபாத்திரம் அமைய வேண்டும். முன்னொருமுறை விஜய்க்கு வில்லானாக கூட நடிப்பேன் பாத்திரம் மிக சிறப்பாக இருந்தால் என சொல்லி உள்ளார் சீயான்.

மறுபக்கம் சூர்யாவிற்கு விஜயுடன் நடிப்பதில் எந்த மாற்றுக்கருத்தும் இருக்காது. ஆனால் நிச்சயம் விஜய்க்கு இணையான கதாபாத்திரம் இம்முறை வழங்கப்பட வேண்டும். அடுத்து விக்ரம் சூர்யா கூட்டு கடினமானதுதான். அதேநேரம் விஷாலை ஒரு பொருட்டாக நினைக்காமல் சூர்யா நடிக்கும் வாய்ப்புகள் உண்டு.

அடுத்தவர், பட்டத்தை துறந்திருக்கும் விஷால். விஜயின் ரசிகர்களின் எதிர்ப்பலையோடு இடை இடையே விஜய் புராணம் பாடுபவர் என்றாலும் விஜயுடன் சேரும் வாய்ப்பு நினைக்க முடியாதது. அதேநேரம் மற்ற இரண்டு பேருடனும் சேர்வதில் எந்த பிரச்சனையும் ஏற்ப்பட போவதில்லை. இந்த நிலையில் தான் இந்த நான்கு பேரும் ஒரே திரையில் வரப்போகின்றனர். இந்த மகத்தான சாதனையை செய்திருப்பது லயோலா காலேஜ் என்பது பெருமைப் படக்கூடிய விடயம். விஜய் அண்டனியின் இசையில் வர இருக்கும் லயோலா காலேஜின் முன்னாள் மாணவர்கள் ஒன்று சேர்ந்து பாடும் ஒரு இசை அல்பத்தில் தான் இவர்கள் ஒன்றாக நடிக்க உள்ளனர். ஒன்றாக என்றவுடன் நேருக்கு நேர் சந்திப்பார்கள் என்று கனவு கண்டால் அதுதான் இல்லையாம். ஒப்பந்தம் கேட்டு போனவுடனேயே எல்லோரும் ஒரே பிரேமில் வருவது கஷ்டம் என்னும் வசனத்தை பேசி வைத்து பாடமாக்கி சொன்னது போல சொல்லி இருக்கின்றார்கள் நால்வரும்.

ஆஹா கிளம்பிட்டாங்கையா என முணுமுணுத்துக்கொண்டிருந்தவர்களிடம் இன்னொரு விடயத்தை சொல்லி இருக்கின்றார்கள். அதுதான் மகா கொடுமையுங்க மற்றவர்கள் வராத நாட்களிலேயே எனக்கு படப்பிடிப்பை வைத்துக்கொள்ளுங்க ஏனென்றால் நான் ரொம்ப பிசி என்றிருக்கின்றார்கள். எல்லாவற்றுக்கும் தலை(அஜித்தில்லைங்கோ) அசைத்திருக்கின்றார்கள் லயோலா கல்லூரி) என்னதான் இருந்தாலும் மனதுக்குள் திட்டி இருப்பாங்க இங்கே ஒருத்தன் இருந்த சீட்டில் தானே இருந்திருப்பாய் இப்ப என்ன முகத்தையே பார்க்க மாட்டேன் என்கிறாய் என்று. என்னவோ படித்த கல்லூரிக்காக சேர்ந்து நடிக்க சம்மதிதிருப்பவர்கள் இப்படியே படங்களிலும் ஒன்றாக நடித்தால் தமிழ் சினிமா எங்கேயோ போய்விடும்.

ரஜினி-விஜய், கமல்-விக்ரம், கமல்-அஜித், கமல்- சூர்யா சேர்ந்து நடித்தால் எப்படி இருக்கும் என கனவு காண தூங்கப்போகின்றேன் நண்பர்களே........ நீங்களும் கண்டால் பின்னூட்டத்தில் சொல்லுங்கள்.

Read More

கந்தசாமி-காப்பாற்ற வந்த சாமி.

முக்கிய குறிப்பு: நான் ஒரு விக்ரம் ரசிகன் அல்ல. அதேநேரத்தில் விக்ரமின் அநேக படங்களை பாராட்டாதவன். இங்கே என் மனதில் தோன்றிய நடுநிலை கருத்தை விமர்சனமாக தருகின்றேன்.

நீண்ட காலமாக சாக்கு போக்கு காட்டி வரும் ஆனால் வராது என இழுத்தடித்த கந்தசாமி திரைப்படம் ஒருவாறு வந்து விட்டது. முதல் நாளே முதல் ஷோ பார்க்க சந்தர்ப்பம் கிடைக்கவில்லை. இருந்தாலும் நேற்று இந்த நேரம் அந்தப்படத்தை பார்த்துக்கொண்டிருந்தேன். நான் இந்த படத்தை பார்க்கவேண்டும் என ஆரம்பத்தில் நினைக்கவில்லை. அதேநேரம் என் தொழில் நிமித்தம் வரும் புதுப்படங்களை பார்க்கவேண்டிய கட்டாயமும் உண்டு.(என்ன தான் மொக்கை என்றாலும் பார்த்து தான் தீரணும். என் தலை விதி அது.) இந்தப்படமும் தலை விதி தான் என்ற எண்ணத்தில் திரை அரங்குக்கு போயிருந்தேன்.

படமும் ஆரம்பம். டைட்டிலே சூப்பர் ஹீரோ சீயான் விக்ரம் என போட்டது, விக்ரம் சிறுவர்களுக்கான படம் என்றது, கிரிஷ் படத்தின் தழுவல் என படம் வர முதலே வந்த எறிகணைகளை தாண்டி இந்த படத்துக்கான எதிர்பார்ப்பில் நானும் அடங்கிப்போனேன்.

கண்ணீரை துடைப்பவன் கடவுள் என்று போடும் போதே இந்த படத்தில் லாஜிக் பார்க்க தேவை இல்லை என்பதோடு கடவுளையும் சம்பந்தப்படுத்தி தான் திரைக்கதை செல்லும் என்பது தெரிந்துவிடுகின்றது. அதற்கு ஏற்றால்போல உயிருக்காக போராடும் ஒருவரின் குடும்பத்துக்கு பணம் கொடுத்து வள்ளல் சாமியாக படத்தை தொடங்குகின்றார். அதற்கு பின் மன்சூர் அலிகானுடன் மோத விக்ரம் அறிமுகமாகும் காட்சியே அருமையாக இருக்கின்றது. சேவல் வேடமிட்டு மன்சூரை பந்தாட விக்ரம் செய்யும் சின்ன சின்ன அசைவுகளும் குழந்தைகள் முதல் பெரியோர் வரை கட்டிப்போடுகின்றது.

அதற்கு அடுத்த காட்சியில் ஒரு சி.பி.ஐ அதிகாரி வேடம் விக்ரமுக்கு.(இரட்டை வேடமல்ல). கந்தசாமி என்னும் பெயரில் அவர் அறிமுகமாகும் போதே இவர் தான் சேவல் என்பதும் தெரிந்துவிடுகின்றது. அவரின் மேலதிகாரியாக பிரபல தெலுங்கு நடிகர் கிரிஷ்ணா. விக்ரமின் சி.பி.ஐ அதிகாரி வேடத்துக்கு பெரிய பில்ட் அப்புகள் இல்லாதது நல்லது. மனிதர் பார்க்க அழகாக இருக்கின்றார். சின்ன சின்ன அசைவுகளிலும் நடிக்கின்றார். அதேநேரம் கடைமை தவறாத ஒரு நல்ல அதிகாரியாக இருந்து கொண்டே கந்தசாமி சேவல் அவதாரம் எடுத்து மக்களை காப்பாற்றுவதை முதலே சொல்லாமல் இறுதியில் சொல்லி படம் பார்க்கும் ரசிகனை முட்டாளாக்காமல் எப்படி எல்லாம் பறக்கின்றார், பாய்கின்றார் என்பதை வெளிப்படையாக சொல்லி இருப்பதே படத்தின் பெரிய பலம்.

பெண் வேடமிட்டு அசத்துவது வயோதிபர் வேடம் சேவல் கலக்கல் தவிர(இவை திரையில் வரும் நேரம் குறைவு) விக்ரமின் நடிப்புக்கு தீனிபோடும் கதாபாத்திரமில்லை இது. விக்ரமிடம் நடிப்புடன் கூடிய படத்தை எதிர்பார்க்காமல் போனால் நல்ல படமிது. படம் வெளிவர இவ்வளவு தாமதம் ஏன் என்று படம் ஆரம்பித்தவுடனேயே தெரிந்து விடுகின்றது. பிரமாண்டம் என்றால் என்ன என்பதை காட்ட ஷங்கருக்கு அடுத்து இன்னொரு இயக்குனர் வந்திருக்கின்றார். படத்தின் கதை எல்லோரும் சொல்லவதுபோல சிவாஜி+அந்நியன்+சாமுராய்+ரமணா=கந்தசாமி. இதில் கோட்டை விட்ட இயக்குனர் சுசி கணேஷன் திரைக்கதையில் கோட்டை கட்டி இருக்கின்றார். நாங்கள் பார்த்த படங்களின் காட்சிகள், ஆனால் அலுப்பு தட்டவில்லை என்பது என்னவோ உண்மைதான். அதற்கு காரணம் சுசியின் making style என்றால் பொய்யல்ல. அதேநேரம் படம் பெரிதாக இருப்பது ஒரு குறை என்றாலும் திரைக்கதை ஓட்டத்தின் வேகம் அதை சரி செய்து விடுகின்றது.

விக்ரமுக்கு அடுத்து கிருஷ்ணாவின் கதாபாத்திரம் வழக்கமான விஜயகாந்தின் போலீஸ் படங்களில் வந்த மேலாதிகாரி வேடம். ஆனால் அதுவும் இவருக்கு பொருந்தி இருக்கின்றது.(ரகுவரன் நடிக்க இருந்த வேடம் இதுதானோ) பிரபு.(கொஞ்சம் உடம்பை குறையுங்க சார் நீங்கள் திரையில் வந்தால் உங்களுக்கு பின்னுக்கு நிற்பவர்களை தெரியவில்லை.) அண்மையில் பில்லா படத்தில் பார்த்த அதே பிரபு. இங்கும் அதே வேலை வேறு ஒன்றும் இல்லை சொல்ல. ஆனால் அதுவும் ரசிக்கும்படி செய்திருக்கின்றார்.

கதாநாயகி+வில்லி ஸ்ரேயாவிற்கு நடிக்க வாய்ப்பு குறைவென்றாலும் வில்லத்தனமான பாத்திரங்களில் தன்னால் நடிக்க முடியும் என்பதை நிரூபித்திருக்கின்றார். ஆடைக்குறைப்பு(கிட்டத்தட்ட முக்கால் நிர்வாணம்) என வந்திருந்தாலும் கவர்ச்சியை தேட வேண்டி இருக்கின்றது. அதேநேரம் பாடல் கட்சிகளில் வளைந்து நெளிந்து இடுப்பை கூட ஆட்டோ ஆட்டென ஆட்டி கலக்கி இருக்கின்றார். பாடல்காட்சிகளில் என்னவோ விக்ரமை விட நடனத்தில் கலக்குவது ஸ்ரேயாதான். அம்மா சுசித்ரா தாயே நீங்கள் பாடுவதுடன் நிறுத்திக்கொள்வது நல்லது. உங்கள் குரலை அதுவும் அழகான நடிகைககளிடம் கேட்க பயமா இருக்கிறது. தந்தைக்காக விக்ரமை காதலிப்பதாக நடிக்க வந்து பின் வழக்கம் போல விக்ரமிடம் சரணடையும் கதாபாத்திரத்தில் ஸ்ரேயா என சுருக்கமாக சொன்னாலும் மோதல்,காதல் விறுவிறுப்பு, பழி வாங்கல்கள் என சுவாரஷ்யத்துக்கு பஞ்சமில்லை.

இருவரும் தத்தமது வேலைகளுக்காக காதலை பாவித்து இறுதியில் அந்த ஆயுதத்துக்கே பலியாகிப்போகின்றார்கள்.ஸ்ரேயாவின் அப்பாவாக வரும் ஆஷிஷ் வித்யார்த்தி என்ன நடிப்பது. வழக்கமான வில்லன் என்றாலும் சிறப்பாக செய்திருக்கின்றார். போடி போடா என ஒரு திரைப்படம் பற்றி பேச்சு வந்தது நினைவிருக்கலாம் அதற்க்கு விளம்பரத்துக்காகவோ என்னவோ பாடலிலும் வசனத்திலும் பிரபலமான வார்த்தைகளாக இவை. ஆஷிஷ் வித்யாராத்தியின் கையாளாக வரும் வை.ஜி.மகேந்திரன் கதாபாத்திரம் சிறப்பானது.

விவேக்கின் இடத்தில் வந்த வடிவேல் தன் பங்கை சிறப்பாக செய்திருக்கின்றார். வயிறு குலுங்க சிரிக்க வைக்க அவர் உத்தரவாதம். அதுவும் பிரபுவிடம் மாட்டி விசாரணையில் அவர் செய்யும் அலப்பறை இன்னொரு குஷி.புதிய சரக்கோடு மீண்டும் சிரிக்க வைக்கும் வடிவேலு அன்மைப்படங்களில் தெரிகின்றார்.இதை விட விக்ரம் தன் நண்பர்களோடு இரந்து ஏன் இந்த மாதிரி காரியத்தில் ஈடுபடுகின்றார்? என்ன நடந்தது என்னும் சொல்லும் சின்ன கிளைமாக்ஸ் வரும் போதே பிரதான வில்லன் யார் என தெரிந்து விடுகின்றது. என்ன ஆட்டமையா அது.தமிழ் நாட்டின் அடையாளம் என்றுகொண்டே ஒரு வாகனத்துக்குள்ளேயே எல்லாவற்றையும் முடிப்பது அமர்க்களம். அதே நேரம் இன்னும் கொஞ்சம் அவருக்கு அழுத்தமாக குடுத்திருக்கலாமோ என தோன்றி இருந்தாலும் அது கூட ஆபத்தாக அமைந்து விடும்.

மேக்ஸ்சிகோ காட்சிகள் படத்தில் கொஞ்சம் நீளம் என்றாலும் அந்த Locationsகளுக்காக பார்க்கலாம். சண்டைக்காட்சிகளில் லாஜிக்கை தவிர்த்து பார்த்தால் ரசிக்க முடிகின்றது. பின்னணி இசை பாடல்கள் என தேவி ஸ்ரீ பிரசாத் தன பங்கை சிறப்பாக செய்திருக்கின்றார். தாணு காசை தண்ணி போல செலவு செய்திருக்கின்றார் என்பது படத்துக்கு பெரிய பலம். அதேநேரம் பிரபுவுடன் மட்டுமன்றி மற்ற முக்கியமான தலைகளுடன் எல்லாம் விக்ரமின் நண்பர்கள் இருந்து அவருக்கு உதவி செய்வது தெரிய வரும் இடங்கள் நல்ல திருப்பங்கள். அடுத்தது என்ன என்கின்ற எதிர்பார்ப்போடு வேகமாக நகரும் திரைக்கதை தான் படத்தை காப்பாற்றி இருக்கின்றது. மொத்தத்தில் இந்த திரைப்படத்தை பற்றி பல பதிவுலக நண்பர்கள் எழுதிய விமர்சனகள் இந்த படத்தை பொறுத்தவரை ஏன் என தெரியவில்லை. ஆனால் உண்மையில் இப்படியான வித்தியாசமான படங்களில் சில லாஜிக் பார்க்காதீர்கள் அதேபோல படத்தின் கதை பழையதாக இருந்தாலும் அதை கொடுத்திருக்கும் விதம் புதிசாக இல்லாவிட்டாலும் நன்றாக இருக்கின்றது. விக்ரம் சொன்னது போல நிச்சயம் இந்தப்படம் குழந்தைகளையும் பெண்களையும் கவரும் என்பதில் சந்தேகமில்லை. காரணம் நம்மிடம் இல்லாத ஒரு அதிசய சக்தியை தான் குழந்தைகள் ரசிக்கின்றார்கள். அதேபோல பெரியவர்களை ஏமாற்றாமல் எப்படி இப்படி எல்லாம் நடக்கின்றது என விளக்காமாக சொல்லி இருப்பது பாராட்டக்கூடியதுடன் புரிந்து ரசிக்க கூடியதே.

மொத்தத்தில் படம் பார்க்கும் நேரம் முழுவதும் சோர்வை தராமல் ஒரு படம் இருந்தால் அது நிச்சயம் வெற்றியே. அதை கந்தசாமி கொடுக்கின்றார். பக்தி செண்டிமெட் இருப்பது அடிமட்ட மக்களை சென்றடையும் அதேநேரம் கதையும் அவர்களிடமிருந்து ஆரம்பித்து பெரிதாக சொல்லப்படிருப்பது வர்க்க வித்தியாசங்களை உடைத்து ரசிகர்களை கூட்டும். அதேபோல ஒரு படத்தை பார்த்தால் குறைந்தது மூன்று மணி நேரம் ஆவது அந்தப் படத்தின் பாதிப்பு எங்களை ஆட்டுவித்தால் அதுதான் படத்தின் வெற்றி. உண்மையை சொல்லுங்கள் கந்தசாமி உங்களை பாதிக்கவில்லையா?.

சிலர் சொல்வதுபோல கந்தசாமி நொந்தசாமி இல்லை தாணுவை விக்ரமை சுசியை என எல்லோரையும் காப்பாற்ற வந்தசாமி.

கந்த கந்த கந்த கந்த கந்தசாமி எல்லோரையும் காப்பாற்ற வந்தசாமி.

Read More

சூர்யாவை பாராட்டிய இளைய தளபதி.

தமிழ் சினிமாவின் மிகப்பெரிய எதிர்பார்ப்புகளுக்கு இருக்கும் இரண்டு படங்களும் தீபாவளிக்கு முட்டி மோத இருக்கும் நிலையில் அந்த திரைப்படத்திலே நடிக்கும் இரண்டு கதாநாயகர்களும் பரஸ்பரம் ஒருவரை ஒருவர் பாராட்டி தங்கள் நட்பை வெளிக்காட்டி உள்ளனர்.

தொடர் சறுக்கல்களில் இருந்தும் பல நல்ல மனம் கொண்ட பதிவர்களின் கிண்டல் கேலிகளிலிருந்தும் (எங்களை விட்டிடேனே என யாரும் கோபிக்க கூடாதேல்லா) தன்னை மீட்டெடுத்து தொடர்ந்து ரஜினிக்கு அடுத்து தான் தான் வசூல் சக்கரவர்த்தி என நிரூபிக்க வேண்டிய கட்டாயத்தில் விஜய் நடிக்கும் வேட்டைக்காரன் மற்றும் தொடர் வெற்றிகளை தக்க வைக்க வேண்டுமென போராடும் சூர்யாவின் ஆதவன் படங்கள் தான் மோதப்போகின்றன. களை கட்டப்போகும் தீபாவளிக்கான அறிகுறிகள் இப்போதே ஆரம்பமாகிவிட்டன.

இந்த நிலையில் நேற்று மாலை சூர்யாவின் ஆதவன் திரைப்பட பாடல்கள் வெளியீட்டு விழா நடைபெற்றது. இதில் இளைய தளபதி விஜய், சூர்யா,விவக்,இயக்குனர் ஷங்கர்,தயாரிப்பாளர் ராமநாராயணன்,கெளதம் மேனன்,சசிக்குஆர் போன்ற பிரபலங்கள் பங்கு கொண்டனர்.

சூர்யாவின் நடிப்பு எப்படியோ அதேபோல விஜயின் நடனத்தைப் பற்றி எல்லோருக்கும் தெரியும். அப்படி இருக்கையில் சூர்யாவின் வாரணம் ஆயிரம் பாடல்களை பார்த்து விட்டு மாப்பு....song superடா என மெசேஜ் அனுப்பி இருக்கின்றார் விஜய், என்று பேசிய சூர்யா இங்கே ஆதவன் திரைப்பட பாடல் திரையில் ஓடும் போது அட விஜயும் பார்த்திட்டிருக்கின்றாரே என மனதுக்குள் ஒரு குறுகுறுப்பு இருந்தது என போட்டு உடைத்த சூர்யா, அவர் வருகைக்கு நன்றிகளை பகிர்ந்து கொண்டார்.

பதிலுக்கு சூர்யாவின் உழைப்பும் திறமையும் அவரின் ஒவ்வொரு படத்திலும் தெரிகின்றது. பிரமாண்டமாக வளரும் சூர்யாவிற்கு ஆதவனும் மிகப்பெரிய வெற்றியைக் கொடுக்க வேண்டுமென விஜயும் வாழ்த்திப்பேசினார். இரண்டுபேருமே ஆரம்பகாலம் முதல் நண்பர்கள் என்பதை தாண்டி தீபாவளிக்கு மோத இருக்கும் முன்னணிக் கதாநாயகர்கள் இருவர் மேடை ஒன்றில் ஒருவருக்கொருவர் பாராட்டிக்கொண்டதும். யாருக்கும் தெரியாமல் மெசேஜ் மூலமே விஜய் சூர்யாவை பாராட்டியதும் பாராட்டுக்குரியதே.

இந்த நேரத்தில் இன்னுமொரு சம்பவம் நினைவுக்கு வருகின்றது. இப்படித்தான் தொடர் தோல்விகளால் சிதைந்து போய் விஜய் இருக்க விக்ரம் கலக்கிக்கொண்டிருந்தார். சாமி வெற்றி விழாவில் பரஸ்பரம் ஒருவரை ஒருவர் பாராட்டிக்கொண்டனர். அதன் பின் வந்த திருமலை விஜயை எங்கே கொண்டு சென்றது என உங்களுக்கே தெரியும். இப்போதும் அதே நிலை இங்கே விக்ரமுக்கு பதில் சூர்யா. வேட்டைக்காரனும் அந்த ராசிப்படி வெற்றி பெறுமா?

Read More

ரஜினியின் சிவாஜியை முந்திய விக்ரமின் கந்தசாமி.

பூஜைக்கான அழைப்பிதழ் தொடக்கம் இன்றுவரை பரபரப்புக்கும் எதிர்பார்ப்புக்கும் பிரமாண்டத்துக்கும் குறைவில்லாமல் இருக்கும் சீயானின் விக்ரம் படம் ஒருவாறு வரும் வெள்ளிக்கிழமை வெளிவரப்போகின்றது. நடிப்பில் பிளந்து கட்டிக்கொண்டிருக்கும் விக்ரம் தன் ரசிகர்களை இத்தனை நாள் காக்கவைத்து இட்டு இப்போது தன் நடிப்புக்கும் ரசிகர்களுக்கும் தீனி போட இருக்கும் படம்தான் கந்தசாமி.

ரஜினியின் சிவாஜியை விட விஞ்சி அதிகமாக பிரிண்ட் போடப்பட்டிருக்கின்றதாம் கந்தசாமிக்கு. எல்லோரையும் காப்பாற்ற வருகின்றான் கந்தசாமி என்று பாடலிலேயே சொலிக்கொண்டு வருகின்றார் விக்ரம். படத்தின் பாடல்கள் பலவற்றை அவரே பாடி இருக்கின்றார். பாடல்களும் பட்டையைக்கிளப்பிக்கொண்டிருக்கின்றன.

இன்று நாளை என இழுத்தடித்துக்கொண்டிருந்த கந்தசாமி இப்போது வரப்போகின்றார். வருபவர் கோட்டைகட்டும் சாமி ஆவாரா அல்லது நொந்தசாமி ஆவாரா? பொறுத்திருந்து பார்ப்போம்.

Read More

திரை உலகிற்கு பதிவுலகம் விருது வழங்கும் விழா.

திரை உலகத்தினருக்கு பல்வேறு தரப்பினரும் விருது வழங்கி சிறப்பித்து வரும் நிலையில் பதிவுலகை சேர்ந்த நாமும் அவர்களுக்கு விருது வழங்கலாமே என தோன்றியதன் விளைவு தான் இது. இங்கே என் தனிப்பட்ட விருப்பு வெறுப்பை களைந்து நேரடியாக உங்களிடமே உங்கள் அபிமானம் பெற்றவரை தெரிவு செய்யும் வாய்ப்பு வழங்கப்பட்டிருந்தது. பலர் ஆர்வமாக கலந்துகொண்டு தாங்கள் விரும்புபவர் வெற்றி பெற தங்கள் வாக்குகளை செலுத்தி இருக்கின்றீர்கள். இதோ தேர்தல் முடிவடைந்து விட்டது, வெற்றியாளர்களை நீங்களும் கண்டு கொண்டு விட்டீர்கள். தேர்தல் காலத்தில் நடந்த சுவையான சம்பவங்களோடு பிரபலங்களுக்கு விருதளித்து மகிழ்வோம் வாருங்கள்.

திரை உலகத்தவருக்கு பதிவுலகம் விருது வழங்கி சிறப்பிக்கும் நடவடிக்கைக்கு கடந்த சில நாட்களில் உங்களையும் அழைத்திருந்தேன். போட்டிக்காக நான் தெரிந்தவர்களை நீங்கள் வாக்களிப்பதோடு அதை விட மற்றவர்களை நீங்கள் தெரிவு செய்ய விரும்பினால் தெரியலாம் என்றேன். ஒரு சிலரை தவிர மற்றவர்கள் நேரடியாக வாக்கை மட்டும் அளித்துச் சென்றிருக்கின்றார்கள். எனவே பின்னூட்டங்களில் வந்த கருத்துக்கள் பெரிதாக இந்தக் கணக்கெடுப்பை பாதிக்கவில்லை. கருத்துகளை பகிர்ந்து கொண்டவர்களுக்கும் வாக்குகளை அளித்து இந்த விருது வழங்கும் நிகழ்வை வெற்றிகரமாக்கியவர்களுக்கும் நன்றிகள்.

அபிமான பாடலாசிரியர்.

விஜயின் அறிமுகப்பாடல்களை எழுதிக்கொண்டுவரும் கபிலனால் பலதரப்பட்ட பாடல்களை எழுதினாலும் 9 வாக்குகளை மாத்திரமே பெறமுடிந்தது. அதேநேரம் இந்த தெரிவுகளில் வைரமுத்துவிற்கு பெரிய சவால் ஒன்றை கொடுப்பார் என எதிர்பார்த்த பா.விஜயினாலும் உங்கள் அபிமானத்தை வெல்ல முடியவில்லை. வெறும் 25 வாக்குகளை 14% என்ற வீதத்திலேயே பெற முடிந்தது. நல்ல பல பாடல்களை எழுதியுள்ள முத்துக்குமார் கணிசமான அளவு வாக்குகளைப் பெற்று தன்னை ஓரளவிற்கு நிலை நிறுத்தி இருக்கின்றார். ஆரம்பத்தில் வைரமுத்துவிற்கு கடுமையான சவாலை கொடுத்தவர் கவிதாயினி தாமரை, ஒரு பெண் கவிதாயினியாக இருந்து கொண்டு அவர் எழுதும் வரிகளுக்கு இத்தனை ரசிகர்களா? வாழ்த்துக்கள் தாமரை. ஆனால் அதன் பின்னர் இவர்கள் இருக்கும் குழுவிற்கான போட்டி சுவாரஷ்யம் குறைந்து வைரமுத்துவின் பக்கம் முற்று முழுதாக மாறிவிட்டது. நாற்பது வாக்குகள் வித்தியாசத்தில் கவிப்பேரரசு வைரமுத்து உங்கள் அபிமானம் பெற்ற பாடலாசிரியராக முடிசூடிக்கொள்கின்றார்.

வைரமுத்து	91 (53%)
பா.விஜய்	25 (14%)
கபிலன்	9 (5%)
நா.முத்துக்குமார்	46 (26%)
தாமரை	51 (29%)

அபிமான பெண் பாடகி.

அண்மையில் சிறப்பான பாடல்களை பாடி பிரபலமாகி வரும் சுசித்ராவினால் பெரிதாக வாக்குகளை பெற முடியவில்லை. 13 வாக்குகளை மட்டுமே பெற்றுள்ளார். பாடலுக்கு ஏற்ப குரல் மாற்றி பாடி அசத்தும் அனுராதா ஸ்ரீராமினால் வாக்குகளை பெற்று மூன்றாம் இடத்தை தான் பெற முடிந்தது. அடுத்த இருவருக்கும் இடையில் நல்ல ஆரோக்கியமான போட்டி நடைபெற்றது. அன்றும் இன்றும் பாடி அசத்தும் சித்ராவைக்கூட ஆரம்பத்தில் கலங்கடித்து விட்டார் ஸ்ரேயா ஹோஷல். மாறி மாறி இருவரும் முன்னிலை வகிப்பதாக போய்க் கொண்டிருந்த இந்த போட்டியில் இறுதித் தருணத்தில் ஸ்ரேயா ஹோஷல் 65 வாக்குகளை 37% என்ற வீதத்தில் பெற சின்ன குயில் சித்ரா 84 வாக்குகளுடன் 48% என்ற வீதத்தில் பெற்று குயிலிசை அரசியாக பட்டம் சூடி இருக்கின்றார்.

சித்ரா	84 (48%)
ஸ்ரேயா ஹோஷல்	65 (37%)
அனுராதா ஸ்ரீராம்	49 (28%)
சுசித்ரா	13 (7%)

ஆண் பாடகர்.

இந்த குழுவில் போட்டியாளர்கள் அதிகம். ஆனால் போட்டி என்னவோ ஒருபக்கமாய் முடிந்து உப்பு சப்பு இல்லாமல் போய்விட்டது. எதிர்பார்க்கப்பட்ட இளைய பாடகர்கள் ரஞ்சித், ராகுல் நம்பியார் என்போர் படு தோல்வி அடைய திப்பு,நரேஷ் ஐயர், பென்னி தயாள் என இபோதைய முன்னணிகள் கவிழ்ந்து போக, சங்கர் மகாதேவன் ஓரளவிற்கு வாக்குகளை பெற, ஹரிகரனுக்கு ஆரம்பத்தில் கார்த்திக் சிறு போட்டியைக்கொடுத்தாலும் எந்தவித தடையும் இன்றி ஹரிகரன் 41 வாக்குகள் வித்தியாசத்தில் அபாரமாக காந்தக்குரலோனாக தெரிவுசெய்யப்பட்டு சிறப்பிக்கப்பட்டிருக்கின்றார்.

ஹரிஹரன்	91 (53%)
கார்த்திக்	50 (29%)
ஷங்கர்மகாதேவன்	29 (17%)
திப்பு	17 (10%)
நரேஷ் ஐயர்	16 (9%)
ரஞ்சித்	6 (3%)
ராகுல் நம்பியார்	7 (4%)
பென்னி தயாள்	16 (9%)

இசை அமைப்பாளர்.

இந்த குழுவில் எந்த வித மாற்றுக்கருத்தும் இன்றி மிகப்பெரிய வித்தியாசத்தில் சாதனையோடு கூடிய வெற்றியை பதிவுசெய்தார் ஒஸ்கார் நாயகன். ஜி.வி.பிரகாஷ்குமார்,தேவி ஸ்ரீ பிரசாத், வித்தியாசாகர் என்போர் குறைந்தளவு வாக்குகளை பெற, ஹரிஷ் ஜெயராஜினால் வாக்குகளை பெற முடிந்தது. இசை ஞானியின் மகனால் இசைப்புயலுக்கு முன்னால் தாக்கு பிடிக்க முடியவில்லை. புயல் மிகவேகமாக 100 வாக்குகளை கடந்து இந்த தேர்தலில் முதல் முறையாக 100 வாக்குகளை பெற்றது மட்டுமில்லாமல் இங்கே போட்டியிட்ட அத்தனை கலைஞர்களுக்குள்ளும் அதிகமான வாக்குகளை பெற்று உலக நாயகனாக இசைப்பிரிவில் மகுடம் சூடிக்கொண்டார்.

ஏ.ஆர்.ரஹ்மான்	136 (69%)
யுவன்ஷங்கர்ராஜா	55 (27%)
ஹரிஷ்ஜெயராஜ்	40 (20%)
தேவிஸ்ரீ பிரசாத்	13 (6%)
வித்யாசாகர்	13 (6%)
ஜி.வி.பிரகாஷ்குமார்	10 (5%)

அபிமான இயக்குனர்.

மசாலா படங்களை தரும் தரணியின் கடைசிப்பட தோல்வி அவரை இந்த தேர்தலில் மிகவும் பாதித்திருக்கின்றது. வெறும் 10 வாக்குகளை மட்டுமே அவர் பெற, செல்வராகவன் 33 வாக்குகளுடன் அவருக்கு முந்தய இடத்தை பிடித்தார். அவருக்கு முந்தய ஸ்தானத்தை தரமான படங்களை தரும் கவதம் வாசுமேனன் பிடித்தார். ஆனால் என்ன செய்வது அவரின் கடைசியாக வந்த படங்கள் பெரிதாக சாதிக்க முடியாம போனதும் அவரின் வீழ்ச்சிக்கு காரணமாக அமைந்து விட்டது. தமிழ் சினிமாவின் படைப்புகளில் பாரிய மாற்றத்தை ஏற்ப்படுத்திய பாலவினாலும் பெரிதாக சாதிக்கமுடியாமல் போய்விட்டது. பிரமாண்ட இயக்குனர் ஷங்கர், மசாலா இயக்குனர் கே.எஸ்.ரவிக்குமார், யதார்த்த இயக்குனர் அமீர் இறுதிவரை நீயா நானா என போட்டி இட்டவண்ணம் இருந்தனர். உண்மையில் இந்த போட்டி ரசிகர்கள் மசாலப் படமென்றாலும் சரி, யதார்த்தமான படமென்றாலும் சரி பிரமாண்ட படமென்றாலும் சரி நாங்கள் ரசிக்க தயார் என்பதை தான் நிரூபித்து இருக்கின்றது. கே.எஸ்.ஆர, ஷங்கர் இரண்டு பெரும் தலா 52 வாக்குகளை பெற 3 வாக்குகள் வித்தியாசத்தில் யதார்த்த சினிமாவின் நாயகன் பாலாவின் சிஷ்யர் அமீர் அபிமானம் பெற்ற இயக்குனராக தேர்ந்தெடுக்கப்படுள்ளார்.

ஷங்கர்	52 (26%)
கே.எஸ்.ரவிக்குமார்	52 (26%)
கெளதம் வாசுமேனன்	41 (20%)
தரணி	10 (5%)
பாலா	45 (22%)
அமீர்	55 (27%)
செல்வராகவன்	33 (16%)

அபிமான நடிகை.

எப்படி வேணுமென்றாலும் நடிக்க தயார் என நடிக்கும் நமீதா, ஸ்ரேயாவினால் கூட பெரிதாக ரசிகர்களை சம்பாதிக்க முடியவில்லை. வெறும் 19 வாக்குகளை மட்டுமே அவர்களால் பெற முடிந்தது. சில வருடங்களுக்கு முன் கலக்கோ கலக்கெனகலக்கிய த்ரிஷா பெற்றதோ 34 வாக்குகள்.அவரின் சக போட்டியாளர்கள் நயன்தாரா மற்றும் சிநேகா, அசின் இந்த மூன்றுபேரும் முதல் நிலையை பெற முட்டி மோதினர். ஆனால் குடும்பத்து குத்துவிளக்காக இருக்கும் சிநேகாவினால் 41 வாக்குகளை மட்டுமே பெறக்கூடியதாக அமைந்தது. அதேநேரம் எவ்வளவு முடியுமோ அவ்வளவு ஆடைக்குறைப்பில் ஈடுபட்டும் நயனால் கூட முதல் இடத்தைப் பிடிக்கமுடியாமல் போய்விட்டது. ஆனால் தமிழ் நாட்டைக் கடந்து அடித்துக்கொண்டிருக்கும் அசின் புயல் எங்க போனாலும் அங்கேயும் நான்தான் ராணி என வாக்குகள் வித்தியாசத்தில் வென்று மகாராணியாக முடி சூடியிருக்கின்றார்.

அசின்	91 (44%)
திரிஷா	34 (16%)
ஸ்ரேயா	19 (9%)
நயன்தாரா	45 (21%)
நமிதா	19 (9%)
சிநேகா	41 (19%)

அபிமான நடிகர்.

சகலகலாவல்லவனாக இருக்கும் சிம்புவால் என்னவோ பலரின் அபிமானம் பெற முடியவில்லை. வெறும் ஒன்பது வாக்குகளை மட்டுமே பெற்று இறுதி நிலையில் இருக்கும் சிம்புவை முந்தி 24 வாக்குகளுடன் தனுஷ் தன்னை நிலை நிறுத்திக்கொண்டார். அவரை விட ஆறு வாக்குகள் மாத்திரமே அதிகம் பெற முடிந்தது சீயானால். மறுமுனையில் தலைக்கும் தளபதிக்குமிடையில் சரியான போட்டி நடந்தாலும் தலை தலை தான் என்பதை நிரூபித்து விட்டார். (என்ன விஜய் ரசிகர்களை விட அஜித் ரசிகர்கள் அதிகம் இணையத்தளத்தை அதிகம் பயன் படுத்துகின்றனர் என்பது உண்மையா?) மறுமுனையில் சினிமாவில் வெற்றிகள் நிஜ வாழ்வில் நல்ல சேவைகள் செய்யும் பேரழகன் சூர்யா 103 வாக்குகளுடன் எல்லோராலும் கதாநாயகனாக தமிழ் திரை உலக சக்கரவர்த்தியாக முடி சூடி இருக்கின்றார்.

அஜித்	86 (33%)
விஜய்	64 (24%)
விக்ரம்	30 (11%)
சூர்யா	103 (40%)
சிம்பு	9 (3%)
தனுஷ்	24 (9%)

வெற்றி பெற்ற கலைஞர்களுக்கு வாழ்த்துக்களை தெரிவிப்பதோடு வாக்களித்த நல்லுள்ளங்களுக்கு நன்றிகள்.

Read More