சுறா- அய்ய்ய்ய்ய் சனியன்.

எங்கள் இளைய தளபதி வருங்கால சூப்பர் ஸ்டார் டாக்டர் விஜய் அவர்களின் நடிப்பில் வெளிவந்த சுராவை பார்க்கும் வாய்ப்பை நானாக ஏற்படுத்திக்கொண்டேன் காரணம் நான் விஜய் ரசிகனல்லவா. வழக்கமாக வெற்றியில் வேலை செய்யும் போது அலுவலக நண்பர்கள் அண்ணன்மார்களுடன் செல்வது வழக்கமாக இருந்தாலும் இப்போது அங்கேயும் இல்லை என்பதால் சக பதிவரும் நண்பருமான மதுரகன் அண்ணாவுடன் செல்ல முடிவெடுத்தேன்.(மதுரகன் அண்ணா தீவிர தல ரசிகர் என்பது குறிப்பிடத்தக்கது.) இந்த படத்துக்கு எல்லோரும் விமர்சனம் எழுதியாகிவிட்டது இனி எதற்கு என்று நீங்கள் கேட்கலாம் ஆனால் நான் ஒரு தீவிர விஜய் ரசிகன் என் பார்வை இந்த படத்தில் எப்படி இருக்கின்றது என்று அறிய சில வலைப்பதிவர்களும் என் மூஞ்சிப்புத்தக நண்பர்களும் என்னோடு இன்றும் தொடர்பில் இருக்கும் என் வெற்றி நேயர்களும் சில நண்பர்கள் தனியாக பேசும் போது கேட்டுக்கொண்டதாலும் எழுதுகின்றேன்.

காலை பத்து முப்பதுக்கு படம் காண்பிக்கப்படும் என்ற நிலையில் பத்து நிமிடத்துக்கு முன்னதாக திரை அரங்குக்கு சென்றால் பெரிய ஒரு லைன் நின்றது. டிக்கெட் கிடைக்குமா என்ற சின்ன சந்தேகம் வந்தாலும் கிடைக்கும் என்று நம்பிக்கை அளித்தார் மதுரகன் அண்ணா. சரி என்று கையில் ஒரு தண்ணீர் போத்தலை வாங்கிக்கொண்டு அந்த லைனில் நின்றால் ஒருவர் வந்து சொன்னார் இன்று படம் பதினோரு மணிக்காம் என்று. சற்று நேரத்தில் போலீசார் வந்து சின்ன ஒழுங்குபடுத்தல் செய்தனர் அங்கே நின்ற எம்மை. காரணம் ஒரு சிலர் லைனில் நிற்காமல் வழக்கமாக மோதகம் வடை வாங்கும் இடத்தில் முன்டியடிப்பதுபோல நின்றதே. அதிகம் ஆண்களாக காணப்பட்ட அந்த இடத்தில் சில முச்சக்கர வண்டிகளில் பெண்களும் குழந்தைகளும் வந்திறக்கி நம்ம தளபதியின் புகழை பரப்பினார்கள். (அந்த பிள்ளைகளுக்கு பெற்றோர் இந்த வயசிலேயே வாழ்க்கையில் இப்பிடி கஷ்டம் இருக்கென்று விஜய் படத்தை காட்டி பழக்கப்படுத்துகின்றார்கள் என்ன ஒரு பெற்றோர்.) ஒருவாறு டிக்கெட் வழங்கும் இடத்துக்கு செல்லும் அந்த கம்பிக்குள் நுழைந்தால் என்னால் உள்ளே செல்ல கடினமாக இருந்தது. அடபாருங்கப்பா இப்பிடி உடம்பு போடிதே. தளபதிகிட்ட தனியா ஒரு அட்வைஸ் கேட்கணும் உடம்பை சிக்கென்று வைத்திருக்க.(அட கான்கொன் இந்த கேள்வி உன்னிடம் தானப்பு என்னாலேயே போக முடியல உன்னாலே எப்பிடி மகனே?)

ஒருவாறு டிக்கெட்டோடு உள்ளே சென்று நமக்கு ஏற்ற இடத்தில் அமர்ந்து கொண்டால் எனக்கருகில் இருந்தவர்கள் சகோதர மொழி பேசுபவர்கள். மொழி தெரியாமல் இவர்கள் படம் பார்க்கப்போரார்களா என்று பார்த்தால் கொஞ்ச நேரத்திலேயே தமிழில் பேசி பாலை வார்த்தார்கள். அரங்கு நிறைய படம் ஆரம்பமானது. நவீன் செரமிக்கென்று நினைக்கின்றேன் ஒரு பெண் நடனமாடும் விளம்பரத்தை காட்ட விசில் பறந்தது. அதனை தொடர்ந்து நாணயத்தில் விஜயின் ஐம்பதாவது படம் என்று வந்தபோதும் கலாநிதி மாறன் பெயர் வந்தபோதும் விசில் காதைக்கிழித்தது.(கலாநிதி மாறனுக்கு இந்தியாவில் விசில் பறந்தால் அதில் கொஞ்சமேனும் ஆச்சரியமில்லை ஆனால் இலங்கையில் என்னும் போது கொஞ்சம் ஆச்சரியப்பட்டேன்.)

படத்தின் கதை உங்கள் எல்லோருக்கும் தெரியும். பலர் படத்தில் கதையே இல்லை என்றாலும் நான் இதை ஏற்கமாட்டேன். காரணம் இந்த படத்துக்காக எடுக்கப்பட்ட மையக்கருத்து சரியானதே. நல்ல கதை ஆனால் அதை சொன்ன விதம் தப்பாகிப்போனதால் தான் பலருக்கு இந்தப் படத்தில் கதை என்று ஒன்று இல்லாமல் போய்விட்டது என்ற எண்ணம் வரக்காரணம். அடுத்து அறிமுகக்காட்சி, குருவி படத்தில் அறிமுகக்காட்சி பார்த்தவுடனேயே இந்த படம் போணியாகாது என்று கணித்தவன் நான். ஆனால் இந்த அறிமுகம் எனக்கு உண்மையில் பிடித்தது. காரணம் இது விஜய் படம் லாஜிக் எல்லாம் பார்க்கப்படாது. அடுத்து முதல் பாடல் வழக்கத்தை விட குத்து குறைவு அதேபோல விஜயின் வேக நடனமும் இந்தப்பாட்டில் குறைவு. வழக்கமான விஜய் படமாக ஆரம்பிக்கின்றது எனவே ஏமாற்றம் இருக்காது என்று நம்பினேன். அதை மெய்பிப்பது போல அடுத்து வந்த காட்சிகள் நன்றாக இருந்தன. சரி பரவாயில்லை விஜய் சேப்டியாக பிளே பண்ணிறார் என்று நினைக்கின்றேன். காரணம் ஐம்பதாவது படம் படுத்துவிடக்கூடாதே என்று. உண்மையில் சுறா மிகப்பெரிய வெற்றி இல்லாவிட்டாலும் விஜய்க்கு தோல்வியாக அமையாது. ஓடிவிடும்.

விஜயை பொறுத்தவரை இந்த படத்தில் ஸ்டைலிஷாக இருக்கின்றார். நடனத்தில் வழக்கம் போல அசத்துக்கின்றார். என்னதான் இருந்தாலும் தமன்னாவின் ஜீன்சை இழுத்து இழுத்து விடுவதெல்லாம் ரொம்ப ஓவர். பார்ப்பதற்கே அருவருப்பாய் இருந்தது. அடுத்து நடிப்பு இதில் ஒரு விடயம் பலரின் கருத்தாக இருக்கின்றது விஜய்க்கு நடிக்கத் தெரியாதென்று. அதை உண்மையில் ஏற்கமுடியாது. காரணம் விஜய்க்குள்ளும் நல்ல நடிகன் இருக்கின்றார் அவரின் மசாலா படங்களில் அவரால் இதைவிட ஒன்றும் செய்ய முடியாமல் போகின்றது. வருகின்றார் கண்ணை உருட்டுகின்றார், பின்பக்கத்தை ஆட்டுகின்றார், நாலு நெளிப்பு நெளிக்கின்றார், ஒரு சில இடங்களில் ரஜினி விஜயகாந்த் போல பக்கம் பக்கமாய் வசனம் பேசுகின்றார், அப்புறம் வாயை திறக்காமல் போக்கிரி வேட்டைக்காரனில் பேசியதில் அச்சும் பிசகாமல் பன்ச் டயலாக் பேசுகின்றார். தமான்னாவை ஜொள்ளு விடுகின்றேன் என்று தன முந்தைய படங்களில் செய்த குரளி வித்தையை காடுகின்றார். (முன்னைய படங்களில் செய்யும் போது புதிதாக இருந்ததால் ரசித்தோம் இப்போது புளித்துப் போய்விட்டது தளபதி) இவை எல்லாவற்றையும் தாண்டி சுராவில் முழுதாய் தாங்குவது விஜய்தான்.

அடுத்து வடிவேல். வைகைப்புயல் நகைச்சுவைப்புயல் என்றெலாம் இனி கொண்டாட முடியாதோ. இப்போது இவரை விட சந்தானம் நன்றாக சிரிக்கவைக்கின்றார். கொஞ்சம் கூட சரக்கு இல்லை. ஆனால் அவரின் பிளஸ்சே திரையில் பார்த்ததுடன் நாம் சிரிப்பதுதான். அதுவும் விஜயும் வடிவேலுவும் சேரும் போது தானாகவே சிரிப்பு வருகின்றது. விஜய் வடிவேல் காம்பிநேசனில் நான் சச்சின்,பகவதி,வசீகரா போன்ற படங்களை அதிகம் ரசித்தேன் ஆனால் இதில் அந்த படங்களில் இருந்த சரக்கில் நூறில் ஐந்து கூட இல்லை. வடிவேல் தன சரக்கை புதுப்பிக்க வேண்டும் இல்லையேல் தமிழ் திரை உலகிற்கு பாரிய இழப்பு. காரணம் வடிவேல் போல அடுத்த தலைமுறை ஜாம்பவான் நகைச்சுவை நடிகர் என்று இன்னும் யாரும் வரவில்லை.

தமன்னா அக்கா. யார் இவரை தூக்கி வைச்சு கொண்டாடினாலும் எனக்கு தமன்னாவை பிடிப்பதில்லை. சுடுதண்ணீர் ஊற்றுப்பட்டு வெந்து போனது போன்ற தோல். அகண்ட வாய் முகத்தில் எந்த மாற்றமும் இல்லாத வெறுமை என்று கண்ணில் காட்டக்கூடாது. என்னை பற்றி நல்லாய் தெரிந்து வைத்திருப்பார் போல இயக்குனர் ராஜகுமார். அந்தளவிற்கு தமன்னாவை பயன்படுத்தி இருக்கின்றார். தமன்னா வந்தால் அடுத்து பாடல் வரப்போகின்றது என தெரிந்து விட்டது. இதை விட கதாநாயகியே இல்லாமல் நடிக்கலாம் தளபதி. பாடலுக்கு நாயகி வேண்டுமென்றால் ஒவ்வொரு பாடலுக்கு ஒவ்வொரு பெரிய நாயகியை ஒப்பந்தம் செய்யலாம். எப்பிடி என் புது ஐடியா? இதைவிட தமன்னாவை பற்றி சொல்ல எதுவும் இல்லை. அதுவும் அந்த மேக்கப் போட்டிட்டு சாகாப்போவது என்ன ஒரு கண்டு பிடிப்பு. இதில் இன்னொரு விடயம் சொல்லணும் நாய் ரமேஷை காணவில்லை என்று தமன்னா சாகவரும் போது காப்பாற்றி விட்டு விஜய் சொல்வாரே ஒரு டயலாக் ஒரு ரமேஷ் இல்லாட்டி என்ன ஒரு சுரேஷோ அல்லது தினேஷோ கிடைக்காமலா போய்டுவான் என்று. அப்போது ஒருவர் கத்தினார் அடோ என் பெயர் சுரேஷ் தான் வாடி தமன்னா செல்லம் என்று. நானும் கொஞ்சம் பயந்திட்டன் ரைமிங்கில்கில் சதீஷ் என்று சொல்லி தமன்னா பிசாசிடம் என்னையும் மாட்டி விடுவார் என்று. அப்பாடா தப்பிட்டன். தமன்னா ரசிக சிகாமணிகள் என்னை தேடுவது தெரிகின்றது. கூல்...

அடுத்து வில்லன் கில். பார்த்தவுடன் மதுரகன் அண்ணா சொன்னார் அபிஷேக் பச்சன் போல இருக்கின்றார் என்று. ஆனால் எனக்கோ அவர் வில்லத்தனம் பார்த்து நினைவுக்கு வந்தது நியூட்டனின் மூன்றாம் விதி அசல் படங்களில் வந்த வில்லன் ராஜீவ் கிருஷ்ணா. வில்லனிடம் சொல்வதற்கு ஏதுமில்லை. இவரைவிட பிரகாஷ்ராஜ் இந்த பாத்திரத்தை கூட சிறப்பாக செய்திருப்பார் என்பது என் கருத்து. வழக்கமான விஜய் பட வில்லன்களுக்கு கொஞ்சம் பவர் புல்லான கதாபாத்திரம் இருக்கும் இதில் அது மிஸ்ஸிங். ஸ்ரீமன் வழக்காமாய் விஜய் நண்பனாக வருபவர் இப்போது வில்லனின் கையாள். இளவரசு விஜய் புகழ் பாட வில்லனுடன். இந்த படம் பார்க்கும் போது எனக்கு நினைவு வந்தது அசல் காரணம் அதில் தல புராணம் இதில் தளபதி புராணம் முக்கியமானதாக இருந்தது மற்ற எல்லாவற்றையும் விட. தமிழ் சினிமாவின் இந்த தலைமுறை நாயகர்கள் இருவரும் இப்படி சுய புராணம் பாடுவது கொஞ்சமும் பிடிக்கவில்லை. யுவராணி இன்னும் அழகாக இருக்கின்றார்.

முன்பாதி பெரிதாக சோம்பல் அடிக்காமல் போய்விட்டது ஆனால் பார்த்துப் பார்த்துப் புளித்த திரைக்கதை கடுப்பேற்றிக் கொண்டிருந்தது. ஆனால் அதில் கூட சில ரசனை இருந்தது இதை கொடுக்க விஜய்யால் மட்டும் தான் முடியும் என்பதை மறுக்கமுடியாது. புளித்துப்போனதைக்கூட கொஞ்சம் ரசிக்கும்படி கொடுத்ததை தான் சொல்கின்றேன். எல்லாம் நன்றாக போய்கொண்டிருந்தது அந்த மீனவ கிராமத்தை சொல்ல மறந்திட்டன் யாழ் நகர் எரித்த பின் விஜய் எழுந்து வரும் காட்சி கொஞ்சம் நம்பும்படி இருக்க அந்த சிலையை விஜய் தூக்கிக்கொண்டு எழும்புவது ஓவர். அதில் சாமி என்று பாட்டு வேறு அந்த நேரம் மதுரகன் அண்ணா சொன்ன வார்த்தைகள் யதார்த்தம் அதாவது வர வர தமிழ் சினிமா ஹீரோக்களுக்கு ப்ரோமோசன் கூடிக்கொண்டே இருக்கின்றது என்றார். ஆனால் இதை எல்லாம் எம்.ஜி.ஆர்-ரஜினி செய்யவில்லையா அவர்கள் செய்ததை இப்போது அப்படியே விஜய் செய்கின்றார். சிவாஜியில் ரஜினி சிங்கம் சிங்கிளாதான் வரும் என்று பஞ்ச பேசிக்கொண்டு அடிப்பாரே எத்தனை பேரை ராஜா அதனுடன் ஒப்பிடும் போது சுறாவில் விஜய் அடிக்கும் வில்லன்கள் எண்ணிக்கை குறைவு. (வழக்கமாக விஜய் படங்களின் அடியாட்களை விட குறைவு.)

தமன்னாவுடன் காரில் வரும் போது வீதியில் பிடிக்கும் சண்டை ரொம்ப ஸ்டைலிஷா இருந்தது. எனக்கு படத்தில் பிடித்த ஒரு சில காட்சிகளில் இதுவும் ஒன்று. அதுக்காக படமே பிடிச்சுப்போச்சென்று தப்புக்கணக்கு போடப்படாது. முன்பாதி முடிய மதுரகன் அண்ணாவை பார்த்தேன். ஓரளவு பரவாயில்லை என்றார். விஜயின் வழக்கமான படம் என்பதே அவர் கருத்து. அதுசரி அவரும் அசல் பார்த்து நொந்து போனவர் ஆச்சே. இரண்டாம் பாதி தொடங்கியவுடன் விஜய் பணக்காரன் ஆகிவிடுகின்றார் அதன் பிறகு நடை உடை என்று எல்லாமே ஸ்டைலாக இருக்க கொஞ்சம் எழுந்து உட்கார்ந்த்தேன். ஏதோ ஒன்று படத்தில் இருக்குப்போல என்று. ஆனால் அடுத்தடுத்த நிமிடங்களிலேயே அப்பிடி எல்லாம் தப்பாய் நினைக்கப்படாது என்று சொல்லிவிட்டார் இயக்குனர். இருப்பினும் விஜய் இன்னும் அழகாய் இருக்கின்றார் அதை விட அந்த மேனரிசத்தை நான் ரசித்தேன்.

ரியாச்கானை டம்மி பீசாக்கி இருக்கின்றார்கள். விஜயும் ரியாசும் மோதி இருந்தால் நன்றாக இருக்கும் அதுவும் அந்த நீதி மன்ற காட்சி எங்களுக்கு பிடித்திருந்ததோ இல்லையோ குழந்தைகளுக்கு பிடித்திருக்கு போல அந்த திரை சத்தத்திலும் அந்த காட்சியில் ஒரு குழந்தை திரை அரங்கில் இருந்து போட்ட சத்தம் டண்டணக்கா டனக்கு டக்கா.(இது விஜய்க்காக போட்டதா அல்லாது விஜயை விட இப்போ குழந்தைகளுக்கு டி.ஆரை பிடிக்குதோ) கிளிமக்ஸ் பற்றி சொன்னால் படம் பார்த்த திருப்தியை கொடுக்கவில்லை. அந்தளவிற்கு சொதப்பல் கிளைமாக்ஸ். பின்னணி இசை என்ற ஒன்று படத்தில் இருந்ததா? யாராவது திரும்ப பார்த்தால் சொல்லுங்கள். சுருக்காமாக சொல்லப்போனால் சுறா விஜயை மட்டும் மட்டும் ரசிக்க ஒரு வலை. மற்றும் படி எதுவுமே இல்லை. என்னது விஜயின் ஐம்பதாவது படமா? அய்ய்ய்ய்ய்ய் யாரை ஏமாத்தப்பார்க்கிறிங்க இது விஜயின் முப்பத்தோராவது படம் என்ன பார்க்கிறிங்க? நீங்கள் தமிழன் படம் பார்த்திருக்கின்றீர்களா? பார்க்காட்டி போய் பாருங்க சுராவும் தமிழனும் ஒன்று.

தலைப்புக்கும் அர்த்தம் சொல்லணும் எல்லா ஒரு காட்சியில் விஜய் கைவிரல்களை ஒரு மாதிரி மடித்துக் கொண்டு வடிவேலுவை பார்த்து அய்ய்ய்ய் என்பாரே அப்பிடி தான் எனக்கு படம் பார்க்கும் போது இருந்தது அதாவது அய்ய்ய் நம்மளை எல்லாம் ஏமாற்ற முடியாது. அடுத்து சனியனுக்கும் அர்த்தம் இன்னொரு காட்சியில் வில்லனிடம் இளவரசு சொல்வார் அவன் உங்களுக்கு சனியன் என்று உங்களுக்கு மட்டுமல்ல பலருக்கு சுறா சனியன் அதிலும் பதிவர்கள் பலருக்கு. அதை விடுத்து விஜய்க்கும் விஜய் ரசிகர்களுக்கும் கூட சனியன்தான். இந்த சனியன் எப்பதான் கலையுமோ?

படம் இன்னும் பார்க்கப்போகலையா? உங்களுக்கு தான் இது. நீங்கள் திருப்பாச்சி சிவகாசி மதுர வேட்டைக்காரன் எல்லாம் பார்த்து ரசிச்சவங்களா? அப்போ கவலையை விடுங்க. எந்த எதிர்பார்ப்பும் இல்லாமல் முழு அக்சன் படத்தையும் விஜயையும் ரசிக்கணும் என்று மட்டும் நினைத்தால் சுறா நல்ல பொழுதுபோக்கு அம்சமுள்ள படம் அதை விடுத்து நம் பதிவர்கள் பாசையில் சொன்னால் விஜய் படம் என்ன ஆஸ்கார் படமா?